Thẻ: UA TIBZOO NPAJ RAU KEV PEHAWM

Hnub kaj 22.06.2025 (CN Âm nhạc & Truyền thông).

1. Ntsiab lus: UA TIBZOO NPAJ RAU KEV PEHAWM.
2. Vajluskub: 1Xwm txheej 15:16; Ntawv Nkauj 150.
3. Nqe cim: “Thật là tốt đẹp khi ca hát cho Đức Chúa Trời chúng ta, thật là vui thỏa và xứng hợp khi chúc tụng Ngài!”(Nkauj 147:1- BHĐ).
4. Twv Vajluskub: Raws ntsiab lus.
5. Tus qauv: Txhawb nqa – ua tsaug.  

* TAW QHIA: Saib taw qhia Hnub kaj 13.04.2025.

* NTAUB NTAWV PAB.

“Daviv hais rau cov thawj uas saib cov Levis kom xaiv lawv cov kwvtij ua cov hu nkauj thiab tshuab raj, ntaus nkauj nogncas thiab ntaus nruas npuaj, kom muaj suab nrov doog diaj lomzem zoo siab” (1Xwm Txheej Vajntxwv 15:16).

Txawm yog feem Vajluskub no sau tseg tej npe ntau heev zoo ib yam li ib tshoo sau caj ceg, tiamsis thaum ua tibzoo ntsia, peb yuav pom txog qhov uas ua zoo sau heev txog tej npe no, tus sau xav cia pom txog qhov uas Daviv ua tibzoo npaj heev rau kev pehawm thiab qhuas Vajtswv thaum kwv lub Phijxab los rau hauv Yeluxalees. Yawg samhwm rau cov Levis tej thawjcoj xaiv cov neeg hu nkauj thiab ntaus suab paj nruag hauv lawv cov kwvtij. Cov Levis xaiv cov neeg los ua tej haujlwm uas meej heev uas yog ib leeg ntaus lawm ib yam suab paj nruag xws li nkauj thiab tshuab raj, ntaus nkauj nogncas thiab ntaus nruas npuaj, sib faib tus twg ntaus raws li lub suab Alamaus, tus twg ntaus raws li lub suab Seminis. Tus uas keej suab paj nruag dua yuav tau xaiv los ua tus coj pab hu nkauj (nqe 22). Lawv kuj xaiv 7 leej los tshuab raj tabmeeg Vajtswv lub Phijxab, plaub leeg zov tsawv lub Phijxab povhwm kom txhob muaj neeg cev tes kov tau thaum kwv taug kev lossis thaum twb coj los txawb rau hauv lub tuam tsev.

Vajntxwv Daviv totaub tias, txhua yam haujlwm loj me yuav tsum tau npaj kom zoo heev rau kev pehawm Vajtswv. Tus hu nkauj, tus ntaus suab paj nruag yuav tsum tau xyaum kom sib dhos, tsis yog yuav los ua yeeb yam kom zoo saib, tiamsis yog “kom muaj suab nrov doog diaj lomzem zoo siab” (nqe 16) tabmeeg Vajtswv. Thaum uas npaj txhua yam los ntawm txojkev hlub tus Tswv, ces tus uas ua haujlwm thiab tus hu nkauj qhuas Vajstwv yuav muaj xwm thiab qhia tshwm tau txojkev zoo siab thaum tau nyob hauv Nws.

Yog tus uas tau cob haujlwm rau lub sijhawm pehawm, peb yuav tsum tau thov Vajtswv pab ntau thiab npaj siab, thov Vajtswv ua tus coj, npaj txhua yam kom zoo tshaj fij rau tus Tswv. Ua li ntawd, peb yuav xwm txojkev zoo siab, tsaus siab tsaus ntsws ntawm tus neeg uas hlub Vjatswv tiag tiag. Thiab xav fij yam zoo tshaj rau Nws. Peb los kuj yuav pab tau kom lwm tus muaj xwm rau txojkev zoo siab thiab tsaus siab rau lub sijhawm pehawm Vajtswv. Yog ib tus tuaj koom rau kev pehawm, peb los kuj yuav tau npaj txhua yam kom zoo, pehawm Vajtswv tag siab ntsws. Peb yuav tsum tau ua tibzoo npaj kev pehawm Vajtswv ib hnub ua ntej. Npaj khaub ncaws, tsis pw lig kom sawv tau ntxov mus pehawm, thov Vajtswv pab rau lub sijhawm uas yuav pehawm rau tagkig… ua ntej pehawm, hu ob peb leeg los ua ke thov Vajtswv lossis nyob ntsiag to ib leeg thov Vajtswv, npaj lub siab los mus ntsib Vajtswv thiab fij yam zoo tshaj rau Nws.

Koj npaj li cas rau lub sijhawm pehawm, uas yuav los mus rau Vajtswv txojkev muaj nyob?

“Tus Tswv, tabmeeg rau Vaj Peb Leeg txojkev muaj nyob ntawm no, thov cia meyau los mus pehawm koj los ntawm lub siab thiab txhua yam tau npaj yam zoo tshaj plaws, kom meyau muaj peevxwm fij tau yam uas zoo tshaj plaws rau koj”.

LUS NUG XAV THIAB SIV

1. Vajntxwv Daviv hais kom cov Levis ua dabtsis?
2. Cov Levis npaj yam dabtsis txais tos Vajtswv lub Phijxab los rau hauv tuam tsev Yeluxalees?

3. Koj kawm tau yam dabtsis dhau Daviv thiab cov Levis txojkev npaj pehawm Vajtswv?