Chuyên mục: H’MÔNG

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 02.03.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 02.03.2025

in H'MÔNG on 3 Tháng Ba, 2025

Hnub kaj 02.03.2025.

  1. Ntsiab lus: YAUNAS – TUS UAS QHIA TSHWM VAJTSWV TXOJKEV HLUB COV NEEG TXHAUM.
  2. Vajluskub: Yaunas 1-4; 2Petus 3:9-10.
  3. Nqe cim: “Vajtswv ua siab ntev rau nej, rau qhov nws tsis xav cia ib tug twg puastsuaj mus, tiamsis nws xav kom txhua tus nyias muab nyias tej kev txhaum huv tibsi tso povtseg.” (2Petus 3:9b).
  4. Twv Vajluskub: Yelemis 22-24.
  5. Tus qauv: Nug teb.

* TAW QHIA: Nug teb.

  1. Xaiv ib tus los ua Yaunas thiab ib tus los ua tus nug.
  2. Tshawb nrhiav qhov Vajluskub thiab feem ntawv pab pwv los npaj ntau lolus nug rau ob tug kawm kom nco. Txhua lolus nug yuavtsum luv, tiamsis muaj txaus ntsiab lus, thiab yuavtsum ua rau sawvdaws muaj luag, kom lawv thiaj yoojyim nco tau tej ua kawm rau hnub ntawd.
  3. Caw ib tus ua ntej sawv cev los mus xaus zaj nug teb thiab qhia tshwm tej ntsiab lus uas kawm tau hauv zaj xwm. Thov Vajtswv xaus zaj kawm (Caw tus uas teb ntawd thov Vajtswv los tau).

* PAB PWV RAU KEV NUG TEB.

Tom qab uas tus coj qhia tshwm tus qauv pehawm lawd, tus nug yuav tuaj nram qab tuaj, thiab Yaunas los sab nrau los.

– TN: Nyob zoo os yawg Yaunas!

– Yaunas: Nyob zoo os cov namtsev txhua tus.

– TN: Peb zoo siab heev rau qhov koj ua yawg tuaj koom peb hnub no. Sawv cev ntawm pab niamtsev kuv muaj lus zoo siab txais tos koj ua yawg. Lub sijhawm sib ntsib hnub no, thov koj qhia me ntsis txog kev qhia txoj hmoo zoo rau lwm haivneeg rau peb puas tau?

– Yaunas: Ua li, kuv kuj npaj siab tau lawm, nej yeej meem nug!

– Tn: Ua ntej thov koj qhia koj chaw nyob, thiab lub sijhawm uas Vajtswv hu koj los cevlus rau peb yom?

– Yaunas: Kuv yog Amitais tus tub, nyob hauv lub nroog Nkathas Hefeles, tsis deb ntawm Naxales yav qaumteb. Lub sijhawm kuv pib cevlus yog xyoo 780-750 UY uas nyob rau tiam Yelaunpau-as 2 ua vajntxwv.

– Tn: Lub sijhawm ntawd, Ninives (Axilias) yog cov Yixalayees tus yeebncuab, vim li cas Vajtswv ho txib koj mus cevlus kom lawv tso kev txhaum tseg os yawg?

– Yaunas: Vim li ntawd ntag, kuv thiaj tsis kam mus, kuv txawm ua li kuv xav tsis mloog Vajtswv lus mus rau Ninives, kuv thiaj mus rau Xapees ntag.

– Tn: Vajtswv puas txaus siab rau qhov uas koj ua li koj lub siab xav ntawd?

– Yaunas: Yeej tsis tau li, Vajtswv tav kuv kev tsis pub kuv mus, Nws ua kom kuv kawg mloog Nws lus xwb thiaj tas.

– Tn: Yawg, koj qhia kom peb paub meej dua qhov no puas tau?

– Yaunas: Thaum nkoj tab tom hla hiavtxwv mus rau sab Xapees. Lub sijhawm ntawd kuv tseem tsaug zog, nag xob nag cua los hlob heev, hiavtxwv ntas loj kawg ua rau lub nkoj yuav luag tog rau hauv hiavtxwv. Ua rau sawvdaws ntshai kawg nkaus li! Kuv paub tias Vajtswv tab tom tav kuv kev, kuv thiaj leeg kev txhaum thiab cia lawv muab kuv pov rau hauv hiavtxwv kom lawv sawvdaws thiaj tsis raug puastsuaj vim kuv.

– Tn: Koj yog ib tus neeg uas muaj siab tawv, txaus siab tuag kom lwm tus tau txais kev cawmdim. Lub sijhawm ntawd koj xav li cas xwb os yawg?

– Yaunas: Kuv xav hais tias kuv xum tuag hauv hiavtxwv ntshai yuav zoo dua li qhov uas mus qhia rau ib haivneeg phem li ntawd. Ib chim yog lawv leeg kev txhaum ces Vajtswv yuav tshua txog lawv thiab lawv yuav tsis raug puastsuaj.

– Tn: Kuv nyiam qhov uas koj hlub tshua txog koj lub tebchaws ntawd. Es ua li thaum uas koj raug pov rau hauv hiavtxwv nev, ho muaj yam dabtsi tshwmsim rau koj os yawg?

– Yaunas: Tus Tswv npaj ib tus ntses loj heev los nqog kuv. Thaum nyob rau hauv ntses plab, kuv thov Vajtswv cawm kuv, Nws thiaj teb kuv tej lus thov. Tom qab 3 hnub 3 hmos Vajtswv thiaj ua kom ntses ntuav kuv tawm los rau tim ntug hiavtxwv.

– Tn: Nws yog ib qhov uas txawv kawg nkaus rau qhov koj tseem muaj sia tom qab 3 hnub 3 hmos hauv ntses plab thiab. Ua li es tom qab ntawd koj mus qhov twg os?

– Yaunas: Kuv tsis kav tawm tsam tus Tswv tej lus lawm, kuv thiaj li mus raws rau Ninives cevlus rau lawv li uas tus Tswv tau kom kuv ua.

– Tn: Tom qab uas koj qhia lawv tas nev ho muaj dabtsi tshwmsim os yawg?

– Yaunas: Txij ntua vajntxwv los mus rau pejxeem huvsi, txhua tus puavleej leeg thiab tso kev txhaum tseg. Vim qhov lawv tso kev txhaum tseg ntawd, tus Tswv thiaj tsis ua kom lawv puastsuaj li tej lus uas Nws twb hais lawd.

– Tn: Yog tus uas mus qhia, tsimnyog koj yuav zoo siab thaum uas pom tej ntawd tshwmsim, tiamsis zoo li kuv pom mas koj tsis txaus siab thaum uas koj pom lawv ua li tej lus uas koj hais lawm puas yog os yawg?

– Yaunas: Kuv mus rau Ninives vim yog kuv fwm tus Tswv thiab mloog Nws lus xwb, tsis yog kuv hlub tshua lub nroog Ninives. Txawm kuv mus qhia lawv los kuv yeej xav kom lawv rau tus Tswv ua kom puas tsuaj lawv thiaj tsis tuaj txeeb peb lub tebchaws Yixalayees ntxiv, thaum pom tias tus Tswv tsis rau txim rau lawv, kuv thiaj chim thiab kuv xav tuag kiag li lawm xwb.

– Tn: Tom qab ntawd Vajtswv ho ua li cas qhia koj ntxiv?

– Yaunas: Kuv ua ib lub chaw zaum rau sab nrau ntug nroog tos saib puas muaj dabtsi tshwm sim rau nroog Ninives. Tus Tswv thiaj npaj ib tsob ntoo hmab luas los rau saum kuv lub chaw nkaum ntxoo, ua rau kuv muaj kev kajsiab heev. Tiamsis hnub qab, tus Tswv txawm rov txib ib tus kab los txiav tsob hmab ntawd tu, thaum hnub tuaj ziab nws ntsws thiab tuag mus lawm. tshav rov kub kuv heev, kuv thiaj rov yws rau Vajtswv dua, tus Tswv qhia kuv ib zaj kawm uas tseemceeb heev, kuv tsis muaj hnub uas yuav hnov qab li.

– Tn: Zaj kawm ntawd zoo li cas, thov koj qhia rau peb tau paub puas tau os yawg?

– Yaunas: Nim no yog rov hais txog, kuv pom tias kuv txajmuag rau kuv tug kheej heev: Kuv nplooj siab hlub teb hlub chaws es kuv npau taws, kuv txojkev chim thaum tus kab txiav tsob hmab uas ua ntxoo kuv nraim tshav tu ntawd Vajtswv qhia rau kuv paub tias kuv yog ib tus neeg cuam khaum, siab nqaim kawg nkaus li!

– Tn: Koj puas kam qhia kom peb totaub meej txog kev cuam khaum thiab siab nqaim yog li cas tiag os yawg?

– Yaunas: Kuv khuvxim ib tso hmab tiamsis tsis hlub tshua txog tsheej txheeb tus ntsujplig uas nyob hauv Ninives tab tom yuav raug puas tsuaj, tiamsis Vajtswv hlub lawv heev. Kuv nploojsiab hlub teb hlub chaw yeej zoo los mav, tiamsis nploojsiab hlub teb hlub chaw ntawd yuav tsum yog tso mus raws li Vajtswv txoj hauvkev thiaj li yuav muaj nqis.

– Tn: Yog ib tus cevlus rau Vajtswv, tiamsis zoo li thaum ntawd koj tsis totaub txog Vajtswv dej siab thiab tsis tau mloog Nws lus ib puas feem pua yom?

– Yaunas: Yog maj, vim lub sijhawm ntawd kuv tsis pom txog Vajtswv txoj kev cawmdim uas yuav cawm txhua txhia haivneeg huvsi, thiab Nws txojkev hlub rau txhua txhia tus nrog rau Nws txojkev txiav txim uas twb npaj tseg rau ib hnub tom ntej lawm. Tej uas kuv xav thiab kuv ua yeej pab tsis tau haivneeg Yixalayees dim ntawm haivneeg Axilias li.

– Tn: Yawg, ua koj tsaug uas koj tau qhia rau peb paub txog kev xa hmoo zoo mus rau haivneeg Ninives. Tus uas ua Vajtswv haujlwm yuav tsum tso nploojsiab cuam khaum ntawm yus tug kheej tseg, yuav tsum mus raws li txej uas tus Tswv xav kom yus ua thiab mloog Nws lus.

– Tus coj: Ib tsoom vivncaug sawvdaws! Peb twb tau mloog yawg Yaunas qhia txog nws lub neej uas cevlus mus rau haivneeg uas nyob hauv nroog Ninives lawm. Thov Vajtswv pab kom peb sawvdaws nco tau yam no: “Vajtswv ua siab ntev rau nej, rau qhov nws tsis xav cia ib tug twg puastsuaj mus, tiamsis nws xav kom txhua tus nyias muab nyias tej kev txhaum huv tibsi tso povtseg.” (2Petus 3:9).

Dhau los ntawm Yaunas lubneej peb kawm tau yam tseemceeb no: Yuav mloog tau Vajtswv lus ces peb yuav tsum tso tej uas peb xav ntawm peb tug kheej tseg.

Caw sawvdaws sawv ntsug es thov caw yawg Yaunas ho thov Vajtswv pab rau peb cov niamtsev.

II.LUS NUG XAV THIAB SIV.

  1. Dhau los ntawm tej xwmtxheej nram qab no, thov qhia tshwm Vajtswv txoj koob hmoov pub rau tus neeg txhaum:
  2. Yaunas tus kheej: Vajtswv ho ua li cas rau nws thaum:

(1) Yaunas khiav tsis mloog Vajtswv lus (1:3-7).

(2) Yaunas raug pov rau hauv hiavtxwv (2:1).

(3) Yaunas nyob hauv ntses plab (2:3-11).

(4) Yaunas thov kom nws tuag (4:6).

  1. Haivneeg hauv Ninives: Vajtswv ho ua li cas? (1:1; 3:4; 3:10).
  2. Dhau los ntawm tej teebmeem tshwmsim rau Yaunas, nws kawm paub txog Vajtswv yog tus zoo li cas thiab nws kawm tau dabtsi? (2:1-11,4,1-2,9-11).
  3. Zajxwm Yaunas nyob hauv ntses plab thiab tau cawm tawm rov los mus qhia rau cov neeg Ninives muaj ntsiab lus dabtsi los ntawm sab ntsujplig thiab sab cevlus? (2:1-3; Lu 11:29-32; Mat 12:39-41; Daniyees 12:1-3).
  4. a. Thov tshawb txog 4 yam vimchij nram qab no:

(1) Vim li cas Yaunas ho khiav nraim Vajtswv? (1:3).

(2) Vim li cas Yaunas ho xav kom lawv muab nws pov rau hauv hiavtxwv? (1:11-12).

(3) Vim li cas Yaunas ho npau taws? (4:1).

(4) Vim li cas Yaunas ho thov tias cia nws tuag? (4:2-3).

  1. Dhau los ntawm tej vimchij ntawd, thov ntaus nqi.

(1) Yaunas tus yamntxwv.

(2) Yam dabtsi ua rau Yaunas tsis ua raws li Vajtswv tej lus? Yam ntawd qhia rau peb txog yam dabtsi?

  1. Yaunas tes haujlwm, peb kawm tau dabtsi txog Vajtswv txoj koob hmoov, Nws txojkev cawm dim, thiab Nws tes haujlwm rau peb niaj hnub nim no? (Malakaus 16:15; Yauhas 3:16-21,36; 2 Petus 3:9-10).
  2. a. Koj tab tom khiav nraim lossis mloog Vajtswv tej lus uas txib koj?
  3. Muaj yam dabtsi cuam tshuam ua rau koj tsis kam coj txojkev cawmdim mus qhia rau lwm tus?
  4. Koj coj tus cwjpwm li cas thaum ib tus neeg txhaum tig los txais yuav tus Tswv Yexus?

* HIỂU BIẾT THƯỜNG THỨC.

– Tẩy Vết Máu.

Trước hết không được dùng nước nóng vì sẽ làm cho máu đông lại, khó tẩy sạch. Dùng nước lạnh xả lên máu. Sau đó, dùng nước tiểu hoặc nước đu đủ (dùng 3-5 lá đun lấy nước) để tẩy vết máu. Hiện nay, có một số bột giặt có chứa enzim có khả năng tẩy vết máu. Nếu đồ len bị vết máu thì ngâm trong nước ấm có chứa một viên aspirine, sau đó dùng quạt hong khô.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 02.03.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 02.03.2025

in H'MÔNG on 3 Tháng Ba, 2025

Hnub kaj 02.03.2025

  1. Ntsiab lus: KHAUB NCAWS TXO HWJCHIM.
  2. Vajluskub: Filipis 2:3,4, Kaulauxais 3:12-14.
  3. Nqe cim: “Nej txhua tus yuav tsum txo nej lub hwjchim thiab ib tug pab ib tug; rau qhov Vajtswv txojlus hais tias, “Vajtswv tawmtsam tus uas khavtheeb, tiamsis Vajtswv pub koob hmoov rau tus uas txo hwjchim“ (1Petus 5:5b).
  4. Twv Vajluskub: Exekhees 28-30.
  5. Tus qauv: Cojkawm Vajluskub.

* TAW QHIA:

  1. Caw tus cojkawm Vajluskub.
  2. Tus cojkawm saib raws li feem Vajuskub ua chawb txawb thiab feem ntaub ntawv pab los sau ib cov lus nug raws li ib txojlw kawm twg.
  3. Txog sijhawm kawm, tus coj yuav rho tawm ntau nqe lus nus pab kom cov kawm saib pom zajxwm, txhais qhiab thiab pab lawv muab tej kev cob qhia siv rau lub neej txhua hnub.
  4. Tsuas siv txojkev nug teb; lossis sib tham, tus coj xaus zajkawm
  • Nyeem 1 Petus 5:5.
  • Lus nug taw qhia:
  1. Raws li Petus, vim li cas cov ntseeg yuav tsum muab txojkev txo hwjchim los nav?
  2. Puas tau muaj ib zaug uas txojkev tsa hwjchim ua rau koj thiab koj tus phoojywg lossis Vajtswv txojkev sib raug zoo yuav luag plam?
  3. Koj kawm tau yam cheem tsum twg los siv rau koj lub neej txhua hnub dhau feem no?

* NTAUB NTAWV PAB PWV.

Ib tus nug: Peb tus yam ntxwv uas tseem ceeb tshaj rau kev ua neej yog dabtsis? Ib tus yawg laus uas muaj kev kawm tob, paub ntau teb: “Txo hwjchim, txo hwjchim thiab txo hwjchim”. Petus nqua hu kom peb yuav tsum tau muab txojkev txo hwjchim los nav kom ib leeg ua zoo rau ib leeg (c.5) thiab rau Vajtswv (c.6). Vajluskub npaj rau peb ib phij xab khaub ncaws uas zoo nkauj heev. Paulus kuj ntuag kom peb yuav tsum muab Tswv Yexus los nav, kom peb tsis txhob tau tawm tsam nrog txojkev txhaum lawm; lwm qhov ces ntuag kom peb muab “lub siab hlub, kev ua siab dawb siab zoo, kev txo hwjchim, tsis nyaum thiab ua siab ntev”, thiab thaum kawg yog “txojkev hlub” kom ua tau ib tus ncej txheem (Kaulauxais 3:12-14). Peb tau qhuab ntuag tias yuav tsum tau nav khaub ncaws khov kho kom tawm muaj tawm tsam los ntawm qhov tseeb, kev ncaj ncees, lus tim khawv thiab kev ntseeg (Efexaus 6:10-18). Petus tabpov rau peb tias cev khaub ncaws txo hwjchim yeej tsis poob nqi ib zaug li.

Txo hwjchim tsis yog yuav zais yus lub peevxwm lossis tsis lees paub yus lub meej mom, tiamsis yog xam pom tias lwm tus los kuj tau Vajtswv pub muaj meejmom peevxwm ib yam li yus thiab tsimnyog huab hwm. Lees paub tias peb yog Vajtswv tsim thiab peb txojsia yog ib qhov khoomplig uas tau Vajtswv pub tsis tseg tsi tu, thiab txhua yam uas peb xav ua yuav tsum haum Vajtswv siab. Tshaj ntawd, kev txo hwjchim thiab tes haujlwm yuav tsum mus sib txig sib luag lwm tus thiaj saib yus muaj nuj nqis, hwm peb thiab hwm Vajtswv.

Cov timthawj thiab cov ntseeg Yexus thawj phaum tau zej tsoom hwm vim lawv paub muab txojkev txo hwjchim los ua homthawj (Filipis 2:3,4). Cov thawjcoj hauv Pawg ntseeg yuav tsum muaj feem xyuam pib los ntawm siv yus lub meej mom los ua sijhawm pub rau, tsis yog sau los; pab haujlwm, tsis txeeb ua tus loj (c.2,3). Ua li ntawd, txhua tus yuav sib tw xyaum raws li Tswv Yexus tus qauv, yog tus uas tau los pab sawvdaws, tsis yog los rau sawvdaws tu. No yog ib tus qauv uas txhua tus ntseeg puav leej raug hu los ua raws (c.5). nqi zog ntawm kev txo hwjchim tsis tsuas yog kev tau koob meej thaum Yexus Khetod rov qab los (c.4,6), tiamsis yog txojkev zoo siab tamsim no hauv cov ntseeg txhua tus, sib txhawb zog, sib hlub sib pab.

“Tus Tswv, meyau thov muab txojkev tsa hwjchim ruam pob cob rau koj, ntau zaug tau ua rau txojkev phoojywg hauv tsev neeg ntseeg muaj kev kub ntxhov. Thov pab kom meyau yuav txawj zoo siab rau tej meejmom peevxwm uas koj pub rau meyau tej kwvtij nkauj muam muaj”.

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 23.02.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 23.02.2025

in H'MÔNG on 18 Tháng Hai, 2025

Hnub kaj 23.02.2025

  1. Ntsiab lus: SIJHAWM YOG VAJTSWV LI.
  2. Vajluskub: Chivkeeb 12:1-20; Khd 3:6-17; Yausuas 4:2-7; Mathais 25:21,23.
  3. Nqe cim: “Kuv yuav pub koj muaj xeebntxwv coob, thiab lawv yuav ua ib haivneeg tseemceeb. Kuv yuav foom koob hmoov rau koj, kom koj lub koob lub npe nyob nto moo lug, thiab koj yuav ua rau lwm leej lwm tus tau txais koob hmoov” (Chivkeeb 12:2).
  4. Twv Vajluskub: Tej Lus Qhia 1-6.
  5. Tus qauv: Piav qhia.

* TAW QHIA: Saib taw qhia hnub kaj 12.01.2025.

* NTAUB NTAWV PAB.

Vajtswv xav coj koj los koom rau Nws cov homphiaj. Nws tseem ua haujlwm rau koj lub neej suav txij thaum koj yug los. Thaum Vajtswv npaj coj koj mus rau ib kauj ruam tshiab hauv Nws tes haujlwm, mas lub sijhawm ntawd yeej nyob raws txheej txheem raws li Vajtswv lub homphiaj.

  1. Ua raws Vajtswv lub sijhawm.

Cia li ua zoo saib txog Vajtswv lub sijhawm. Thaum Vajtswv hu Aplaham, ces Nws yuav ua dabtsis? Nws yuav rhawv muaj ib haiv neeg. Lub sijhawm uas Aplaham paub tes haujlwm uas Vajtswv ua ces yawg kho yus lub neej kom los haum Vajtswv. Yawg yuav tsum ua raws li Vajtswv tej lus hais tamsim. Lub sijhawm uas tus Tswv hais rau koj ces yog ces yog lub sijhawm uas Vajtswv xav kom koj ua raws li Nws hais. Muaj ib txhia neeg hais tias, peb muaj ib lub sijhawm los xav tej uas tus Tswv hais, seb ntawd puas yog tus Tswv lub sijhawm tiag. Thaum tus Tswv hais rau Nws tus tub qhe ces Nws twb npaj ua. Yog tsis li, tus Tswv yuav tsis hais koj. Thaum tus Tswv los rau hauv koj lub neej, ces lub sijhawm koj ua raws Nws hais mas tseem ceeb heev, koj yuav tsum cia siab rau Nws.

  1. Tus Tswv yuav kho tus coojpwm kom los phim tes haujlwm uas Nws cob rau.

Poob sijhawm ntev li cas suav txij thaum tus Tswv hais rau Anplaham tias Yihaj, tus menyuam ntawm kev cog lus yuav yug los? 25 xyoos! (Chivkeeb 12:4; 21:5.) vim li cas Vajtswv yuav tos 25 xyoos? Vim Nws cheem tsum 25 xyoos los tsim kom tau ib leejtxiv phim rau Yihaj. Vajtswv tsis tsuas yog pom txog Anplaham xwb, tiamsis Nws pom txog ib haiv neeg. Qhov zoo ntawm pojkoob yawg txwv cuam tshuam txog qhov zoo ntawm tag nrho ib haiv neeg rau yav tom ntej. Pojkoob yawgtxwv li cas ces tej xeeb leej xeeb ntxwv yuav zoo ib yam li ntawd. Vajtswv yuav tsum siv sijhawm los tsim kho Anplaham kom muaj ib tus coojpwm zoo. Aplaham pib kho yawg lub neej kom los phim rau tus Tswv txojkev kiag tamsim. Yawg tsis tos mus txog thaum Ixaj yug los es mam li siv zog ua kom tau ib leejtxiv li tus Tswv xav tau.

Yog tus Tswv muaj ib tes haujlwm loj rau koj, nws yuav npaj ib tus coojpwm zoo thiab siab kom phim tes haujlwm ntawd, ua ntej uas Nws cob haujlwm. Puas yog vim koj es Vajtswv siv sijhawm los npaj koj? Tsis, tsis tsuas yog vim koj xwb, tiamsis vim yog cov neeg uas Vajtswv xav mus cawm dhau los ntawm koj. Tamsim no thaum Nws cob haujlwm rau koj lawm, nws yuav ua tau txhua yam raws li Nws xav ua rau lwm tus lub neej thaum koj mus rau lawv.

LUS NUG XAV THIAB SIV

  1. Yog tus Tswv hu koj, koj yuav ua tamsim lossis koj yuav tos ib lub sijhawm los xav tso?
  2. Koj xav kom tus Tswv cob ib tes haujlwm li cas? Loj lossis me? Yog ntawd yog ib tes haujlwm uas tsis haum koj lub peev xwm lossis koj txojkev xav, koj yuav ua li cas?
  3. Kom dhau tau los ua ib tus neeg muab siab npuab Vajtswv, koj puas ntsib tej teebmeem twg los? Thov piav tej uas koj tau dhia dhau.
  4. Puas tau muaj ib zaug uas koj tsis muab siab npuab Vajtswv li? Vim li cas?
CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 23.02.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 23.02.2025

in H'MÔNG on 18 Tháng Hai, 2025

Hnub kaj 23.02.2025.

  1. Ntsiab lus: AUNPADIYAS – TUS CEVLUS TXOG KEV TXIAV TXIM RAU TUS UAS SAIB TSIS TAUS TUS TSWV HAIVNEEG.
  2. Vajluskub: Aunpadiyas 1:1-21; Chivkeeb 25:23-26:36-43; 2Kevcai 2:2-7.
  3. Nqe cim: “tus Tswv yeej nyiam txojkev ncaj ncees thiab tsis tau muab nws haivneeg uas muaj kev ncaj ncees tso tseg li. Nws tsomkwm lawv mus ibtxhis tsis kawg, tiamsis cov neeg siab phem tej xeebntxwv yuav raug ntiab tawm mus.…” (Ntawv nkauj 37:28).
  4. Twv Vajluskub: Yelemis 19-21.
  5. Tus qauv: Daws kev khuab xyeeb.

TAW QHIA: Daws kev khuab xyeeb.

  1. Tshaj tawm lub ntsiab lus “AUNPADIYAS – TUS CEVLUS TXOG KEV TXIAV TXIM RAU TUS UAS SAIB TSIS TAUS TUS TSWV HAIVNEEG.” rau cov niamtsev, thiab sau lawv tej lus nug los cob rau tus saib sab kev kawm.
  2. Tus saib sab kev kawm yuav caw ib tus uas paub Vajluskub zoo los Daws kev khuab xyeeb thiab teb lawv tej lus nug.
  3. Txhua lolus nug yuavtsum tso muaj txheej txheem kom tus uas mloog thiaj yoojyim totaub txog lub ntsiab lus. Tom qab uas teb tas lawd, yuavtsum siv sijhawm tos ib pliag kom lawv xav thiab nug ntxiv.
  4. Cov coj los kuj yuavtsum Tshawb nrhiav yus pab niam tsev tej kev cheem tsum thiab pab lawv nug thiab, vim muaj ntau leej lawv xav nug tiamsis vim txajmuag tsis kav nug. Tsis tas li ntawd cov coj los kuj yuavtsum npaj ntau lolus nug, npaj rau lub sijhawm yog tias muaj lus nug tsawg dhau lawm ces thiaj tau nug kom sawvdaws thiaj totaub lub ntsiab lus zoo, koj thiaj ua tiav zaj kawm hnub ntawd.

I. QHIA TSHWM.

Aunpadiyas, lub npe muaj ntsiab lus tias “Tus Tswv tug tub qhe”. Lub sijhawm uas Vajtswv hu Aunpadiyas los ua haujlwm kuj tsis meej pejtsawg, tiamsis kwv lam li ua ntej Yelemis uas yog xyoo 850-840 UY Phau Aunpadiyas lub ntsiab lus yog qhia tshwm kev txiav txim rau lub nroog Edoos thiab qhia tshwm kev kaj siab yav tom ntej ntawm haivneeg Yixalayees. Aunpadiyas qhia tshwm qhov teebmeem: Yuav ua cas tus uas raug luas saib tsis taus thiaj nrhiav tau kev nplig siab thiab tus neeg phem thiaj pom txog Vajtswv txojkev ncaj ncees?

II. ZAJ KAWM.

  1. Haivneeg Edoos thiab haivneeg Yixalayees.

Yawg koob ntawm haivneeg Edoos yog Exaus, Yakhauj tus tijlaug ntag. Txawm hais tias Exaus saib lub npe tij tsis muaj nqis, nws tsis tau Ixaj foom koob hmoov los nws cov xeebntxwv kuj huam vam thiab vam meej rau tom qab no thiab. Nyob rau tiam Aunpadiyas lub nroog Xelas thiab tom qab no hloov npe hu ua Pe-tra yog lub nroog Edoos ntag. Tej qubtxeeg uas luas tej neeg Tshawb nrhiav nrhiav tau xyoo 1812. Tej thwvcib uas nrhiav tau txhais hais tias lawv yog ib haivneeg uas vammeej.

Tebchaws Edoos hauv duab tebchaws ces yog txij ntawm roob Edoos mus txog ntua ntawm ntug hiavtxwv A-qa-ba txog rau Hiavtxwv Tuag. Tebchaws no av zoo rau tej txiv hmab, nplej, txiv ncuav pias, txiv ntoo roj… Haivneeg Edoos kuj txhim muaj ntsa yeej puagncig kom tej yeebncuab tuaj tua tsis tau lawv. Vim muaj tej roob siab nyob puagncig, lawv kev tawmtsam tej yeebncuab yog ib qhov uas tsis nyuaj. Vim qhov uas lawv yog cov kav txojkev mus ntawm ntug hiavtxwv A-qa-ba mus rau Iziv lawv thiaj muaj kev vammeej los ntawm sab kev lagluam, ua rau lawv lub tebchaws kuj vammeej dua lwm lub tebchaws hauv tiaj suabpuam ntawd. (Yelemis 49:7; Yauj 4:1-6) Txawm tias lub tebchaws Edoos yog ib lub tebchaws nyob npuab tebchaws Yixalayees, thiab lawv kuj muaj kev sib raug zoo me ntsis los haivneeg Edoos yeej tsis hlub tshua txog haivneeg Yixalayees thaum uas haivneeg Yixalayees raug vajntxwv Nenpukanexales tuaj tua xyoo 586 UY Tej uas tsis zoo ntawm haivneeg Edoos muaj tshwm los ntawm ob yam uas lawv ua:

(1) Lawv nrog yeebncuab zoo siab(c.10-13): Txojkev chim uas Yakhauj txeeb Exaus koob hmoov txawm hais tias twb tau daws (Chivkeeb 33) lawm los nws yeej tseem nyob rawv hauv Exaus nruab siab thiab pheej tshwm tsuj tsawv rau Exaus cov xeebntxwv nruab siab. Lawv yeej tseem nco tsuj tsawv!

(2) Ua saib tsis taus tej neeg uas nrhiav kev khiav (nqai.14): Lawv tsis yog tuaj ib sab ntsia thaum uas yeebncuab tuaj tua nroog Yeluxalees xwb, lawv tseem nqis tes ntes tej neeg uas nrhiav chaw khiav tawm hauv tebchaws coj mus cob rau yeebncuab thiab.

  1. Vajtswv txojkev txiav txim.

Aunpadiyas ceebtoom rau haivneeg Edoos txog tej yam li nram qab no:

(1) Tsis txhob khavtheeb: Vim qhov nej muaj toj roob hauv peg nyob puagncig, vim qhov nej muaj kev vammeej. (Aunpadiyas n. 3-4).

(2) Tsis txhob vamkhom tej kev phoojywg nrog lwm lub tebchaws (n.7).

(3) Tsis txhob cia siab rau kev txawj ntse (n.8).

(4) Tsis txhob cia siab kev muaj zog ntawm tubrog (n.9).

(5) Tseb yam twg ces sau yam ntawd: “Tej uas koj ua yuav rov los raug rau koj!” Edoos tau huab noj huab haus ntawm txojkev lag luam li cas ces txog hnub uas tus Tswv txiav txim yuav raug ib yam li ntawd! Lolus ceebtoom qhia rau peb paub li no:

(1) Tibneeg tej chaw nkaum ces tsis muaj qabhau: Txawm yuav nkaum rau ntawm tej txhib zeb, lossis khiav mus rau saum tej roob siab los yeej zam tsis dhau tus Tswv txojkev chim li (Yaxayas 26:3-4).

(2) Tibneeg txojkev txawj ntse los yeej cawm tsis tau lawv dim hnub uas tus Tswv txiav txim li (1Kauleethaus 1:30; Yauhas 5:24).

Raws li tej uas Aunpadiyas cevlus txog kev txiav txim rau Edoos hauv (1:1-14) ces twb tshwmsim lawm. Dhau los ntawm kev Tshawb nrhiav keebkwm ces kwvlam li xyoo 400 haivneeg Ả-rập tuaj tua haivneeg Edoos thiab yuam haivneeg Edoos khiav mus nyob rau sab qabteb Palestine lawv lub tebchaws yau thiab pluag ib yam li Aunpadiyas tau cevlus (n.1,5-8). Edoos yuav raug txiav txim rau lub sijhawm thaum kawg (1:15-21). Txawm tias Vajtswv tau muab haivneeg Yixalayees cob rau lwm haivneeg los tus Tswv yeej yuav txiav txim rau lwm haivneeg li tej uas lawv tau ua rau haivneeg Yixalayees lawm. txog hnub tus Tswv txiav txim, Edoos yuav raug txiav txim tiamsis haivneeg Yixalayees yuav tau koob hmoov:

(1) Vam meej: Lawv yuav rov tau txais lawv tej yawg koob lub tebchaws los ua lawv tug (Exekees 37:16-22; Hauxeyas 1:11).

(2) Ciam av los yuav nthuav dav (n.19). Keeb kwm sau tshwm tias thaum haivneeg Yixalayees raug ntes mus ua cev qhev, haivneeg Edoos tau tuaj txeeb cov nroog uas sab qab teb ntawm tebchaws Yudas Giu-đa, Negel yog thaj av nyob sau sab hnub tuaj ntawm sab roob Falas. Lolus no hais txog hnub uas tus Tswv Yexus rov qab los cawm haivneeg Yixalayees dim ntawm lawv tej yeebncuab, los ua Vajntxwv kav lub ntiajteb no. Kev txiav txim rau Edoos qhia rau peb paub txog:

– Vajtswv yog tus uas ncaj ncees.

– Kev txiav txim rau txhua lub tebchaws yog tus Tswv ua tus tswj.

– Vajtswv txojkev txiav txim txaus ntshai thiab ncaj ncees.

Edoos rau txiav txim vim tias: (1) Edoos txojkev khav theeb yog saib tsis taus tus Tswv yog hla Vajtswv txoj kevcai uas Nws cheem tsum ib tus tibneeg yuav tsum hwm Nws. Vajluskub sau tseg hauv (Daniyees 4:30-31; Tes haujlwm 12:23). (2) Kev qias duab ntawm haivneeg Edoos tau hla Vajtswv 6 nqe kevcai tom qab uas Vajtswv sam hwm kom ib tus yuav tsum hlub ib tus (Mat 22:36-39). Tej uas haivneeg Edoos tau ua, ua rau Vajtswv yuav tsum txiav txim ncaj ncees rau lawv li tej uas lawv tau tseb (Aunpadiyas 1:15).

Vajtswv txojkev txiav txim yog raws li ob yam no:

  1. Peb tus cwjpwm nrog rau Vajtswv.
  2. Peb tus cwjpwj thiab tej uas peb ib leeg ua rau ib leeg.

    3. Zaj kawm rau peb lub neej.

(1) Tsis txhob khav theeb, ntawm Vajtswv xubntiag yuav tsum muaj kev txo hwjchim.

(2) Tsis txhob sib ntxub, yuav tsum hwm tus uas Vajtswv twb xaiv lawd (Mal 1:3).

(3) Tsis txhob ua phem pauj phem, yuav tsum sib hlub sib zam txim: Txawm Vajluskub sau tias “Vajtswv hlub Yakhauj, ntxub Exaus”. Qhov ntawd yog Nws txojkev xaiv uas peb tsis totaub txog (Vajtswv yeej pom txog Yakhauj nplooj siab ntshaw, hlub, mloog Vajtswv lus). Tiamsis raws li kev ncaj ncees, Vajtswv yeej foom koob hmoov rau Exaus ib yam li Yakhauj thiab. Hauv (2Kevcai 2:4-7) thaum haivneeg Yixalayees tab tom taug kev mus rau hauv tebchaws Kana-as, Vajtswv yeej samhwm kom lawv tsis txhob txeeb ua rog nrog haivneeg Edoos li, tiamsis yuav tsum ua zoo rau yus tug kwvtij. Yog li ntawd, kev txiav txim rau haivneeg Edoos yog qhov uas ntuag peb txog kev sib raug zoo nrog rau yus tej kwvtij zej zog, ib yam li Yexus tej lu qhia: (Mat 5:7) ib yam li Paulus tej lus ntuag (Efexaus 4:32).

Xaus lus li no tias, tej lus uas hais txog kev txiav txim rau lub nroog Edoos txhawb kom peb txhua tus ntseeg yuav tsum cia siab rau Vajtswv thiab rau siab ntso ua haujlwm zoo, tshwjxeeb yog ua zoo rau tej neeg ib ncig vim paub hais tias Vajtswv yog tus uas ua ncaj ncees thiab tuaj tus neeg dawbhuv tog.

III. LUS NUG XAV THIAB SIV.

  1. Caw koj nyeem (Aunpadiyas 1:1-9; Chivkeeb 36:6-9) tshawb txog thaj tsam uas yog ciam teb Edoos, lawv haiv neeg, lawv tej kev vam meej thiab lawv tej kev xyaum ua zoo.
  2. a. Ntawm haivneeg Yixalayees thiab haivneeg Edoos lawv sib txheeb ze li cas? (Chivkeeb 25:23-26; 36:6).

         b. Haivneeg Edoos ua li cas thaum uas haivneeg Yixalayees raug txomnyem? (Aunpadiyas 1:10-14).

    3. a. Aunpadiyas ceeb toom rau haivneeg Edoos txog yam dabtsi? (1:3-4; 7; 8; 9; 15).

        b. Thaum txog hnub uas tus Tswv txiav txim, haivneeg Edoos thiab haivneeg Yixalayees yuav zoo li cas? (Aunpadiyas 1:2-9,15-21).

    4. Hauv txojkev txiav txim rau Edoos qhia peb txog:

  1. Tej uas peb ua rau peb tej kwvtij ib ncig?
  2. Tej uas peb ua rau tus neeg uas Vajtswv xaiv?
  3. Peb nploojsiab thiab peb tus cwjpwm ntawm Vajtswv xub ntiag?

    5. Tej lus uas Aunpadiyas cev ntsiab lus yog li cas? (Ntawv nkauj 37:1-3,28; 1:6).

   6. Sau tej uas tseemceeb dhau los ntawm tej lus uas Aunpadiyas tau hais.

   7. a. Koj yuav txo hwjchim ntawm Vajtswv lossis koj yuav cia siab rau koj tej kev txawj ntse?

      b. Thaum koj tej kwvtij ntsib kev txomnyem koj yuav ua li cas rau lawv?

* HIỂU BIẾT THƯỜNG THỨC.

 Tẩy Vết Mực.

Nếu là mực thường thì cắt một miếng chanh tươi thoa vào chỗ dính mực sau đó giặt lại bằng xà bông và xả nước sạch. Vết mực sẽ hết. Nếu là mực bút bi thì tẩy mực bằng cồn 90 độ.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 23.02.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 23.02.2025

in H'MÔNG on 18 Tháng Hai, 2025

Hnub kaj 23.02.2025

  1. Ntsiab lus: TSWV YEXUS TUAG VIM PEB TEJ KEV TXHAUM .
  2. Vajluskub: Yauhas 14:6, Henplais 9:22, 10:10.
  3. Nqe cim: “Rau qhov Yexus Khetos tuag tib zaug xwb txhiv tau sawvdaws lub txim lawm, nws yog tus ncaj ncees, nws tuag txhiv cov uas tsis ncaj ncees, nws ua li ntawd nws thiaj coj tau nej mus cuag Vajtswv. Luag muab nws lub cev tua tuag, tiamsis nws tus ntsujplig sawv rov qab los“ (1Petus 3:18).
  4. Twv Vajluskub: Tsi Twv Vajluskub.
  5. Tus qauv: Qhia Moo zoo.

* TAW QHIA: Qhia Moo zoo.

  1. Vim kev qhia Moo zoo yog npaj rau cov tsis tau paub Vajtswv, yog li ntawd peb yuav tsum tau sau tsab kom tswj li cas kom txhua tus phoojywg los koom tau txhua qeb. Yog li koj yuav tsum:
  2. Tso dhau cov qeb no rau lwm lub athiv: Zajnkauj hom thawj, pauj nqe qub kawm nqe tshiab, twv Vajluskub, fij khoom, thov zaj tsoos…
  3. Tsab kom tswj yuav tsum yoojyim, luv (ntev tshaj yog 75 feeb), thiab nrawm nroos hloov pauv tus qauv piav qhia Txojmoo zoo: Qhua qhia, piav qhia, daws teebmeem, sib tham, ua yeeb yam, saib duab yees txog kev ntseeg Txojmoo zoo, mloog nkauj ntseeg, kev ua si…
  4. Cov thawjcoj pawg ris feem xyuam rau lub rooj qhia Moo zoo, hais kom cov kawm txhua tus tuaj txhij txhua: Thov Tswv, caw phoojywg, txheeb ze, txais qhua…
  5. Tsimnyog muaj sijhawm los haus dej, noj ncuav qab zib, sib tham, ua timkhawv kom tsim muaj kev phoojywg thiab nqua hu ntseeg Yexus.

* NTAUB NTAWV PAB PWV.

“Yog tsis muaj Tswv Yexus tuag saum ntoo khaublig vim peb tej kev txhaum, yuav tsi muaj leejtwg tau txojsia ib txhis”.

Tswv Yexus hais “Kuv yog txojkev, yog qhov tseeb thiab yog txojsia; tsis muaj leejtwg mus cuag tau Leej Txiv, tsuas yog mus ntawm kuv mus xwb thiaj tau” (Yauhas 14:6). Hauv nqe no Tswv Yexus cia paub vim chij Nws los yug, tuag thiab sawv rov los – kom qheb ib txojkev mus ceeb tsheej rau neeg ntiajteb uas tabtom nyob hauv kev txhaum, nrhiav tsis tau kev tawm.

Thaum Vajtswv tsim Adas thiab Evas, lawv zoo txhua phab huv si, lawv nyob hauv ib lub ntuj ceeb tsheej tiag tiag uas yog vaj Edees (Chiv keeb 2:15). Vajtswv tsim tibneeg raws li Nws tus yam ntxwv, txhais tias lawv tau ywj siab xaiv thiab txiav txim. Chiv Keeb tshooj 3 sau ntxiv Adas thiab Evas swb txojkev ntxeev ntxiag thiab dab ntxwgnyoog tej lus dag. Ua li ntawd, nkawd tau tsis mloog Vajstwv lus thaum noj tsob txiv uas paub qhov phem qhov zoo, yog tsob txiv txwv tsis pub noj (Nyeem Chiv Keeb 2:16-17). Ntawm no yog thawj txojkev txhaum uas tibneeg ua, thiab tus nqi yog tibneeg yuav tsum tau raug tuag sab nqaij tawv thiab tuag ib txhis vim kev txhaum dhau los ntawm Adas.

Vajtswv hais tias txhua tus uas ua txhaum puav leej yuav tuag sab nqaij tawv thiab ntsujplig huv si. Ntawm no yog ib txojkev uas tag nrho neeg ntiajteb raug. Tiamsis Vajtswv, vim yog hlub, Nws tau qheb ib txojkev cawmdim kom muaj kev tawm hauv txojkev twg no, ntawd yog Tswv Yexus txojkev tuag saum ntoo khaublig. Vajtswv hais tias “Yog nqaij tsis ntuag ntshav tsis nrog Vajtswv yeej zam tsis tau neeg lub txim” (Henplais 9:22), tiamsis vim muaj nqaij ntuag ntshav nrog thiaj muaj kev cawmdim. Hauv Mauxes txojkev cai (Khiav 20:2-17) muaj ib txoj hau kev pab daws tau tibneeg txojkev txhaum, tau xam tuas tsis muaj txim lossis ncaj ncees tabmeeg Vajtswv los ntawm kev tua tsiaj theej txhoj. Kev tua tsiaj theej txhoj no tsuas yog ib ntus xwb, txawm li los nws tus duab ntawm ib txojkev theej txhoj uas zoo kawg nkaus. Ib qhov khoom theej txhoj uas fij tibzaug xwb txaus lawm thaum Yexus Khetod raug muab dai rau saum ntoo khaublig (Henplais 10:10).

Ntawm no yog vim chij vim li cas Tswv Yexus los yug thiab tuag, kom dhau los ua ib qhov khoom theej txhoj uas zoo kawg nkaus thiab xaus, ib qhov khoom theej txhoj uas zoo kawg nkaus txhiv peb tej kev txhaum (Kaulauxais 1:22; Henplais 10:10,14; 1Petus 1:19). Dhau Nws, lo lus cog tseg txog txojsia  ib txhis dhau los muaj tseeb rau cov uas ntseeg Yexus, “…Vajtswv coglus tseg hais tias, Vajtswv yuav muab pub rau cov uas ntseeg Yexus Khetos” (Kalatias 3:22).

Ob lo lus “Kev ntseeg” thiab “ntseeg” tseem ceeb nrog rau peb txojkev cawmdim. Thaum uas peb ntseeg Tswv Yexus txojkev tuag vim peb tej kev txhaum, peb txais tau txojsia ib txhis.

“Vajtswv tus uas hlubnej, nws cawm nej dim twb yog vim nej ntseeg. Qhov uas nej dim ntawd, tsis yog vim nej ua haujlwm zoo, tiamsis yog Vajtswv cia li pub dawb rau nej xwb. Qhov uas nej dim tsis yog nej lub dag lub zog ua mas nej thiaj tsis muaj lus khav tau” (Efexaus 2:8-9; Loos 3:20,28; Yauhas 1:12-13).

Oneway.vn

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 16.02.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 16.02.2025

in H'MÔNG on 11 Tháng Hai, 2025

Hnub kaj 16.02.2025

  1. Ntsiab lus: TUS TSWV HAIS LUS DHAU LUB NEEJ.
  2. Vajluskub: Khiav Dim 5:22-23, Yauj 1-2; Lukas 7:11-17; Yauhas 14:6.
  3. Nqe cim: “Peb paub hais tias peb cov uas hlub Vajtswv, txawm yog peb tau zoo thiab txomnyem los Vajtswv yuav ua kom tej ntawd muaj nqis rau peb cov uas Vajtswv pom zoo hu los raws li Vajtswv npaj tseg lawm” (Loos 8:28).
  4. Twv Vajluskub: Paj Lus 26-31.
  5. Tus qauv: Kawm Vajluskub pawg.

* TAW QHIA: Kawm Vajluskub pawg.

  1. 1. Ntaub: Tus thawjcoj saib raws li ntaub ntawv pab los xaiv txojlw kawm Vajluskub, sau lus nug thiab muab sau yais rau hauv ntawv cob rau cov pawg.
  2. Txojlw kawm yuav tsum phim feem Vajluskub thiab cov kawm lub peevxwm.
  3. Yog koj tsis muaj tswvyim cojkawm, koj kuj sau 2-3 feem lus nug rau lub sijhawm kawm li no. Ib feem twg muaj xws li:

– Lus nug soj (piav tej xwm tshwmsim).

– Lus nug xav (txhais tej uas tshwmsim thiab nrhiav kev cob qhia hauv Vajtswv txojlus).

– Lus nug siv (muab tej kev cob qhia los siv rau lub neej).

* Lus nug taw qhia:

Nyee Lukas 7:11-17, teb cov feem lus nug hauv qab no:

(1.1) Lus nug soj ntsuam: Ua ntej Tswv Yexus tuaj, tus poj ntsuam hauv lub nroog Na-is muaj lub neej li cas?

(1.2) Lus nug xav: Thaum tus Tswv tuaj txog, Nws qhia Nws tus kheej li cas rau tus poj ntsuam lub neej?

(1.3) Lus nug siv: Koj yuav ua li cas thaum poob rau lub neej txomnyem, quaj ntsuag?

(2.1) Piav qhia Tswv Yexus tus yam ntxwv thaum Nws hu tus menyuam hluas hauv Na-is sawv rov qab los.

(2.2) Tswv Yexus tej yam ntxwv qhia tshwm yam dabtsis?

(2.3) Koj kawm tau yam dabtsis thaum nyeem feem Vajluskub no?

(3.1) Cov neeg hauv nroog Na-is tabtom ua dabtsis thaum Tswv Yexus tuaj txog?

(3.2) Vim li cas Vajtswv tau koobmeej rau ntawm no?

(3.3) Koj tau ua dabtsis kom Vajtswv tau koobmeej rau ntawm thaj chaw uas koj nyob?

  1. Sib tham: Kom lub sijhawm kawm Vajluskub tau txais paj ntsig zoo, tus thawjcoj thiab cov thawjcoj pawg yuav tsum los nyob uake kawm ua ntej.
  2. Sijhawm kawm Vajluskub pawg:
  3. 5 feeb taw qhia thiab faib pawg.
  4. 20 feeb kawm Vajluskub.
  5. 10 piav qhia.
  6. 5 xaus zajkawm.
  7. Taw qhia kawm: Nyeem feem vajluskub ua chaw txawb, taw qhia lub tswvyim kawm. Nyeem lus nug thiab txhais qhia kom meej kom cov kawm yeej yim sib tham.
  8. Faib pawg: Faib ua 2-3 pawg.
  9. Chaw zaum: Tus coj tu/faib chaw rau txhua pawg nyob.
  10. Zajkawm: Cob feem ntaub ntawv pab thiab cov lus nug uas twb npaj lawm rau txhua pawg.
  11. Thawjcoj pawg thiab tus sau ntawv hauv pawg: Xyeem tsa yog tias tsis tau muaj. Thawjcoj pawg coj pawg sib tham, tus sau ntawv sau tseg tej uas sawvdaws tham thiab piav qhia tom qab sib tham tag. Tus thawjcoj pawg uas keej yog tus uas rho tawm ntau nqe lus nug thiab taw qhia cov kawm teb.
  12. Sijhawm piav qhia thiab xaus: Cov tuav ntawv ib tus zuj zus sawv mus piav qhia. Tom qab ntawd tus thawjcoj xaus, kho tej uas yuam kev thiab hais nyav tej uas raug ntsiab.

* NTAUB NTAWV PAB.

Vajtswv kav tswj txhua lub neej, Nws kaw lub rooj no qheb lub rooj tod. Yeej tsis muaj ib yam xwm twg uas yuav kov tuamyim los raug peb. Txhua yam xwm loj me puas leej tau Vajtswv npaj. Vim li ntawd peb yuav tsum:

  1. Muaj Vajtswv txojkev ntsia dhau lub neej.

Qee zaug lub neej zoo li “phem heev”. Tej zaum koj pom tias yus tabtom nyob hauv ib lub neej uas phem heev thiab xav nug Vajtswv “vim li cas tej no ho los raug kuv?” Thiab koj pib ywg Vajtswv, koj tsis ntseeg siab rau Vajtswv txojkev hlub thiab kev txawj ntse. Yuav muaj ntau yam teebmeem heev los raug koj, yos tias koj pheej siv zog ntsia Vajtswv raws li tej lub neej ntawd. Tsis yog koj ib leeg xwb thiaj zoo li ntawd. Yauj tau ntsib ib qhov teebmeem pheem zoo li ntawd. Yawg tsis paub yam dabtsis tabtom tshwmsim, thaum uas txhua yam yus muaj puav leej raug puamtsuaj tag, menyuam los tuag tag, kiag yus tus kheej los mob rwj thoob ib ce (Yauj 1:1, 2:13). Yauj tau sib qhau nrog txojkev totaub txog yus lub neej. Yawg tsis paub yam dabtsis tabtom tshwmsim los ntawm Vajtswv los (1:6-12; 2:1-7). Yawg kuj tsis paub thaum kawg (42:12-17) uas yog Vajtswv yuav tsimkho dua yawg lub neej, tsev neeg thiab dag rau yawg. Xav kom nkag siab tau txog koj lub neej uas tsis zoo, ib yam uas tseem ceeb heev yog yuav tsum muaj Vajtswv lub zeem muag. Thaum koj raug tej xwm txheej uas nyuaj tsis paub yog ua cas, tej kev phem ntawd muaj cuab kav yuav muab koj nias nthi. Yog muab yus txawb rau hauv tej lub neej ntawd thiab siv zog ntsia Vajtswv, koj yuav totaub yuam kev txog Nws. Pivtxwv xws li koj hais tias: “Vajtswv tsis hlub kuv” lossis Vajtswv tsis ncaj ncees”. Ob lu los ntaus nqe Vajtswv li no puav leej yuam kev. Yog li koj yuav ua li cas? Ua ntej cia li thov Nws qhia Nws lub homphiaj rau koj txog koj lub neej. Rov tig ntsia koj lub neej los ntawm Vajtswv txojkev hlub. Thaum koj ntsib tej teebmeem uas nyuaj totaub, Vaj Ntsujplig yuav siv tus Tswv tej lus ntuag kom koj totaub koj lub neej raws li Vajtswv lub zeem muag. Nws yuav qhia rau koj paub meej txog lub neej ntawd. Koj yuav tsum nco ntsoov tias Vajtswv yog kavtswj uas loj dua ntais. Tej zaum koj yuav ntsib tej xwm phem zoo li Yauj, thiab Vajtswv yuav tsis qhia tias Nws tabtom ua dabtsis. Tej thaum zoo li ntawd, cia li pom zoo rau Vajtswv txojkev hlub thiab kev kav tswj, thiab vam khom Vajtswv txojkev tabncuab pab kom koj ntxeem dhau.

  1. Ua zoo mloog Vajtswv lub duab dhau lub neej.

Koj yuav tsis paub qhov tseeb txog koj lub neej mus txog thaum koj nov Vajtswv lub suab. Hauv Khiav Dim 5:1, 6:30, Mauxes tau ua raws nraim li Vajtswv hais thiab kom Falaus tso cov Yixayees tawm mus. Falaus tsis kam thiab yim ua nyuaj rau cov Yixayees. Cov Yixayees tau rov tig mus cem Mauxes tias yawg coj kev kub ntxhov los rau lawv. Mauxes ua li cas thaum zoo li no? Mauxes muab liam rau Vajtswv thiab ywg tias Nws tsis ua raws li hais. Mauxes hais: “Tus TSWV, ua cas koj tsis hlub koj haivneeg? Vim li cas koj txib kuv tuaj? Txij hnub uas koj txib kuv ua tus sawv koj cev mus hais rau Falaus, nws tseem hajyam tsimtxom lawv heev xwb. Thiab koj twb tsis ua ib yam dabtsi pab lawv li!” (Khiav Dim 5:22-23). Mauxes nyav siab thiab xav tso tseg (Khiav Dim 6:12). Ntawd kuj yog ib yam uias peb pheej nyiam ua thaum raug tej teebmeem li ntawd.

Vajtswv ua siab ntev rau peb heev. Vajtswv siv sijhawm los qhia rau Mauxes paub txog Nws lub zeem muag. Tus Tswv xav kom Falaus muaj lub siab tawv, kom cov pejxeem ntsia pom Vajtswv txojkev cawmdim uas muaj hwjchim loj kawg nkaus. Nws xav kom cov pej xeem los paub Nws (kev muajxwm) yog tus “CIM CIV MUAJ – NYOB MUS IB TXHIS” tshaj lij. Cia li kawm xyaum raws Mauxes tus qauv. Thaum raug tej teebmeem loj, txhob muab liam rau Vajtswv. Txhom tsis caum tus Tswv qab. Cia li los cuag tus Tswv. Cia li thov tus Tsw qhia qhov tseeb txog tej xwm hauv koj lub neej. Cia li thov Nws cia koj ntsia pom Nws lub zeem muag. Tom qab ntawd, nyob tos Vajtswv.

LUS NUG XAV THIAB SIV

  1. Koj totaub li cas txog Vajtswv lub zeem muag? Vim li cas peb yuav tsum muaj Vajtswv lub zeem muaj?
  2. Hauv Khiavdim 5:1- 6:30, yog tias koj yog Mauxes, koj yuav ua li cas?
  3. Lub tswvyim twg pab koj ntxeem dhau lub neej txomnyem thiab tej teebtom hauv lub neej?
CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 16.02.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 16.02.2025

in H'MÔNG on 11 Tháng Hai, 2025

Hnub kaj 16.02.2025.

  1. Ntsiab lus: TUS FOOM KOOB HMOOV.
  2. Vajluskub: Ntawv nkauj 67.
  3. Nqe cim: “Vajtswv tau foom koob hmoov rau peb; thov kom tej neeg nyob txhua qhov cia li hwm Nws.…” (Ntawv nkauj 67:7).
  4. Twv Vajluskub: Yelemis 16-18.
  5. Tus qauv: Yeeb yam 5’.

* TAW QHIA: Yeeb yam 5’.

  1. Caw qee leej cov tsaavxwm, thawjcoj los koom nrog cov niamtsev pehawm thiab ua cov tso feeb.
  2. Nqis tes ua kevcai

* Tswvyim 1: Ua ntej ntau lub Athiv, txhua pab pawg ntawm pab niamtsev los sablaj thiab xyaum ib zaj yeebyam uas muaj lub ntsiab lus hais txog “Vajluskub”. Nyob ntawm cov neeg coob lossis tsawg es xyaum kom txaus lub sijhawm, tiamsis tsis txhob tshaj 15 feeb.

* Tswvyim 2: Ua ntej lub sijhawm pib kevcai, cov coj muab cov niamtsev faib ua 3 pab. Pab twg nyias nyob muaj nyias chaw. Txog lub sijhawm uas ua yeeb yam, cov coj yuav faib rau txhua pab niamtsev ib pab ib zajxwm, uas muaj ntsiab lus txog Vajluskub. Txhua pab yuavtsum muab zajxwm ntawd hloov los ua ib zaj yeebyam (sijhawm yog 20 feeb).

– Txhua pab zujzus los pib ua nyias zaj yeebyam.

– Tswvyim tso feeb.

+ Sijhawm: Haum sijhawm, 5 feeb lossis 15 feeb 10 feeb. Tshaj ib feeb tshwj ib feeb.

+ Kub siab lug: Txhua tus hauv pab ntawd puavleej muaj nyob hauv zaj yeebyam (10 feeb: 10 feeb. Ib tus twg tsis ua yuav rau tshwj 1 feeb

+ Ua tau zoo: 10 feeb.

+ Yog ntsiab lus: 10 feeb

– Faib khoomplig.

* TEJ ZAJ XWM PAB PWV.

TOTAUB TXOG VAJTSWV TXOJKEV HLUB.

Muaj ib tus pojniam ntawd, yeej ibtxwm tsis paub txog lwm tus txojkev hlub li, vim nws yog ib tus pojniam txomnyem, tsis muaj leejtwg nco txog nws, raug luag saib tsis taus, raug luag txiav txim tsis ncaj ntau zaug txog qib uas nws saib txhua tus neeg puavleej yog yeebncuab li lawm.

Muaj ib zaug, ib tus xibhwb mus nrog nws tham txog Vajtswv txojkev hlub, tiamsis nws tsis totaub txog kev hlub yog dabtsi li. Nws tsa muag ntsia xibhwb thiab hais tias:

– “Kuv tsis totaub koj hais dabtsi li. Yeej ibtxwm tsis tau muaj leejtwg hlub kuv thiab ua zoo rau kuv li, kuv kuj tsis totaub tias kev hlub yog dabtsi”.

Xibhwb thiaj rov los hais rau cov ntseeg hais tias muaj ib tus pojniam uas yeej ibtxwm tsis paub txog Vajtswv txojkev hlub li, yog li ntawd nej cia li mus qhia kom nws paub txog Vajtswv kev hlub dhau los ntawm qhov uas nej sib hloov mus saib xyuas nws qhia tshwm kom nws paub tias muaj neeg hlub txog nws, saib xyuas nws, nplig nws siab thiab pab nws. Tau tsis ntev tom qab thaum uas xibhwb rov mus saib nws ntawm nws lub tsev khaub hlab, nws tsa muag ntsia xibhwb thiab hais tias:

– “Xibhwb, nim no kuv totaub kev hlub yog li cas lawm, lub sijhawm no kuv txaus siab txais yuav Vajtswv txojkev hlub ntawd. Nws txawm txhog caug thov Vajtswv txais yuav Tswv Yexus los ua tus Tswv hauv nws lub neej, txaus siab qhia tshwm Vajtswv txojkev hlub.

UA TIMKHAWV TXOG TSWV YEXUS DHAU LOS NTAWM LUB NEEJ

Muaj ib tus yawg niaj nyiam haus cawv heev li, txhua hnub tsuag pom qaug cawv xwb. Muaj ib hnub thaum tseem nyob hauv tom khw haus cawv, nws hais rau nws cov phoojywg koom nrog nws rooj noj haus hais tias: “Yog lub sijhawm no, kuv coj nej sawvdaws nrog kuv mus tom kuv tsev thaum ib tag hmo, kuv kom kuv pojniam sawv ua zaub mov rau peb sawvdaws noj los kuv pojniam yeej tsis yws ib los li”.

Muaj ib tus phoojywg thaum hnov nws hais li ntawd, tus phoojywg no tsis ntseeg, nws thiaj kom coj nws nrog mus saib puas muaj tseeb li ntawd tiag. Thaum hnov tus txiv hais li ntawd, tus pojniam yeej tsis yws ib lo li, nws thiaj sawv ua zaub mov rau sawvdaws noj ib pluag tsau npo. Thaum noj tas lawd, muaj ib tus nug tus pojniam tias:

– “Vim li cas koj yuav txaus siab ua li koj tus txiv hais ua luaj li?”

Tus pojniam teb: “Yav nram ntej kuv kuj yob ib tus neeg ua phem ua qias thiab tsiv heev thiab, tiamsis txij li hnub uas kuv los txais yuav tus Tswv Yexus lawd, Nws hloov kuv tus kheej lawm. kuv kuj ua timkhawv rau kuv tus txiv kom nws ntseeg tus Tswv Yexus thiab, tiamsis nws yeej tsis ntseeg li. Kuv paub tias ib hnub tom ntej ces kuv tus txiv yuav poob rau hauv ntujtawg qhov chaw uas txomnyem kawg nkaus, kuv thiaj li txaus siab pab kom nws muaj txojkev noj haus zoo siab ib ntus thaum uas nws tseem ua neej nyob no, vim tias ib hnub twg nws tas sim neej lawm ces yuav tsis tau noj haus zoo siab li no lawm.. Ib qhov ntxiv yog kuv xav siv kuv lub neej zoo siab ua haujlwm, ua siab ntev tiam nws… kom nws thiaj paub tus Tswv Yexus dhau los ntawm kuv lub neej, yog tus Tswv uas tau hloov kuv lub neej qhia kom kuv paub ua lub neej li Nws. Vim li ntawd nws xav tau dabtsi los kuv yeej txaus siab ua rau nws tagnrho tsuag yog nws txhob kom kuv tso tus Tswv tseg xwb”. Tom qab uas mloog tus pojniam hais li ntawd tas, ces tus txiv nrog rau tej phoojywg puavleej txhawj txog lawv lub neej tom ntej, lawv sawvdaws txawm cia li leeg kev txhaum thiab txais yuav tus Tswv Yexus. Txij ntawd los tus txiv txawm tso kev quavcawv tseg thiab ua ib tus ntseeg zoo ua qauv zoo rau lwm tus xyaum lawm.

* Ntseeg tias tus pojniam ntawd tus txiv thiab nws tej phoojywg los txais yuav tus Tswv Yexus tsis yog vim tus pojniam ntawd ob peb lolus hais ntawd, tiamsis vim yog tus pojniam ntawd lub neej uas ua siab ntev thiab siab dawb siab zoo, ua ib tus pojniam zoo rau lawv pom. Tus pojniam ntawd paub ua timkhawv dhau los ntawm nws lub neej.

* HIỂU BIẾT THƯỜNG THỨC.

Tẩy Mủ Dừa: Nhỏ nước trái chanh lên chỗ bẩn rồi vò với nước ammoniac. Sau đó xả lại nhiều lần với nước lạnh.

Tẩy Vết Mủ Chuối: Ngâm chỗ dơ vài phút vào một ít giấm. Sau đó vò kỹ. Khi hết vết dơ, xả sạch bằng nước cho đến khi hết mùi giấm.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 16.02.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 16.02.2025

in H'MÔNG on 11 Tháng Hai, 2025

Hnub kaj 16.02.2025

  1. Ntsiab lus: TXOG KEV LAIG POG YAWG.
  2. Vajluskub: Khiav Dim 20:12; Efe 6:1-3; 1Timautes 5:4-8.
  3. Nqe cim: “Tsis txhob pe lwm tus vajtswv, tiamsis pe kuv tib leeg xwb” (Khiav 20:3).
  4. Twv Vajluskub: Exekhees 25-27.
  5. Tus qauv: Daws teebmeem.

* TAW QHIA: Daws teebmeem.

  1. Tshaj tawm txog lub ntsiab lus “Laig pog yawg” rau tag nrho cov kawm thiab sau lawv tej lus nug cuam tshuam txog lub ntsiab lus nu xa rau tus saib sab kev ntseeg.
  2. Tus saib sab kev ntseeg caw ib tus uas loj hlob sab ntsujplig thiab muaj kev kawm tob los pab daws teebmeem.
  3. Cov lus nug yuav tsum tso raws txheej txheej kom tus mloog yoojyim nkag siab cov ntsiab lus zajkawm. Tom qab teb in lo lus nug tag, yuav tsum tseg mentsis sijhawm rau cov kawm nug ntxiv lossis sib tham.
  4. Cov thawjcoj pawg yuav tsum siv zog pab cov phoojywg txhua tus, pab lawv hais lawv tej teebmeem vim muaj ib txhia txaj muag tsis kav nug. Tshaj ntawd cov coj kuj yuav tsum sau ib cov lus nug raws li cov ntsiab lus zajkawm faj thaum uas muaj lus nug tsawg heev, ua li no koj yuav ua tiav lub homphiaj zajkawm.

* NTAUB NTAWV PAB PWV.

  1. TUS NTSEEG YEXUS NROG RAU KEV LAUG POG YAWG.

Lo lus laig txhais tau tias fij khoom noj haus rau tus uas twb tuag tau ntev loo lawm. Lub kevcai no tau ua ncaj rau hnub uas tus ntawd tau tag sim neej. Hauv kev teev hawm pog yawm, hnub ua kevcai laig pog pawg yog hnub uas lom zem tshaj! Tsis yog qhia tshwm txojkev fwm hawm xwb, tiamsis kuj yog cia kom pog yawg zoo siab povhwm tej xeeb leej xeeb ntxwv!

Cog kev ntseeg rau Vajluskub, tus ntseeg Yexus yeej tsis lees txais lossis koom nrog txojkev teev hawm pog yawg hlo li, vim tej vim chij hauv qab no:

  1. Tibneeg tsuas pehawm Vajtswv tibleeg nkaus xwb.

Siv nqe “Ntoo muaj hauv paus, dej muaj qhov txhawv” kom qhia txog pojkoob yawm txwv mas yuam kev. Pog yawg tsis yog lub hauv paus ua chaw pehawm. Hauv zaj teev hawm pog yawg tsuas sau txog tsib tiam lossis ntev tshaj ces yog kaum tiam xwb. (Cao, Tằng, Tổ, Khảo, Hiển). yog tshaj tsib tiam neeg lawm ces yuav tsum tau muab tshem tawm. Yog li ntawd, teev hawm pog yawg nrog rau kev tshem tawm zuj zus mas yeej tsis yog lub hauv paus li! Tsuas muaj Vajtswv, tus tsim tibneeg thiaj yog lub hauv paus rau txhua tus pehawm. Hauv kaum nqe kevcai, Vajtswv yeej hais meej tibneeg li feem xyuam yog pehawm Vajtswv Ntuj, tiamsis hwm niam txiv. Txhais tias Vajtswv yuav tsum yog tus nyob siab dua ntais, kev pehawm Vajtswv yuav tsum yog zeeg ib hauv lub neej, yeej tsis muaj ib lub thaj twg yuav tau muab txawb rau ntawm Vajtswv lub hauv ntej lossis ua ib phiaj nrog Vajtswv lub li (Khiav Dim 20:1-11; Mathais 10:37). Yog tias peb siv lo lus hwm niam txiv los ua thawj hau thiab xam tias tsis teev hawm pog yawg yog tsis hwm lawv, ces kev huab hwm hauv kev teev hawm pog yawg tau ua txhaum Vajtswv kevcai thiab tawm tsam Nws, tsis paub Tswv ntuj txiaj ntsig yog lub txim uas loj heev!

  1. Tsis muaj kev rov qab los ntawm tus tuag, tsis muaj kev povhwm ntawm tus tuag.

Raws kev qhia tshwm ntawm Vajluskub, peb paub tias kev laig pog yawg yeej tsis muaj qab hau dabtsis, thov Tswv rau tus tuag yog ib qhov uas yuam kev. Vim thaum tibneeg tuag lawm tsuas muaj tau mus nyob ceeb tsheej lossis tub tuag teb li lawm xwb, yeej tsis muaj dua sijhawm zaum ob li lawm. Kuj tsis muaj lub chaws uas nyob tag txim ces tau mus ntuj ceeb tsheej li qee leej neeg xav – ngục luyện tội!

  1. TXOG KEV NOJ TEJ KHOOM FIJ.
  2. Tus ntseeg Yexus puas tsimnyog noj tej khoom fij?

Hais txog tej khoom fij, hauv cov ntseeg Kauleethaus muaj neeg hais tias tej mloom tsis muaj qab hau dabtsis, yog li noj tej khoom fij rau mlom kuj tsis ua cas! Hauv kev teb daws ntaw, Paulus, peb yuav tsum feeb tau tej yam hauv qab no (1Kaul 10:17-31).

  1. Tsis txhob noj tej khoom uas luag twb muab fij rau dab, mlom – yog tias peb twb paub ua ntej lawm – vim tej mlom tsis muaj qab ntxhiab dabtsis, tiamsis tom qab tej mlom ntawd yog dab ntxwg nyoog. Vim li ntawd, tus ntseeg Yexus tsis txhob ke koom noj Yexus Rooj mov thiab ho mus noj dab ntxwgnyoog tej mov uas yog tej khoom fij rau mlom!
  2. Tsis txhob noj – yog tias peb twb paub ua ntej – vim yuav ua rau cov ntseeg uas tseem tsis tau loj hlob poob kev txhaum.
  3. Thaum peb mus txog luag tsev, luag caw peb noj mov, ces tsis txhob ua xyim xyav nug seb cov khoom noj puas tau muab oikporfij rau dab, mlom lossis tsis tau. Cia li noj tsis txhob ua xyim xyav dabtsis! Tiamsis yog ntshai lossis vim lwm tus, zoo dua ces txhob noj!

Muab hais los, Paulus sau txojkev cai no rau cov ntseeg coj “… nej yuav noj yuav haus lossis yuav ua ib yam dabtsi, nej yuav tsum ua kom Vajtswv tau ntsejmuag” (c.31). yog li ntawd, ib tus ntseeg Vajtswv mus zaum koom ib lub nteeg laig pog yawg puas ua rau Vajtswv tau ntsej muag? Txawm yog tsis noj tej khoom nyob saum rooj los tej khoom noj uas luag nqa los rau rau sawvdaws noj twb ris lub npe rau lub nteeg ntawd lawm!

  1. Qee lo lus nug txog kev laig pog yawg.
  2. Tus ntseeg Yexus tsis teev hawm pog yawg, tiamsis puas muaj cai ua kevcai nco txog hnub uas pog yawg tuag? Ua kevcai nco txog hnub uas niam txiv tag sim neej, kom rov tshawb dua txog niam txiv tej txiaj ntsig thiab lawv tus qauv zoo rau tej xeeb ntxwv xyaum kuj yog ib qhov zoo. Tiamsis yog tias qhov no cia li dhau mus ua ib txojkev cai mas qhov no yog ib yam uas tsis zoo, vim yuav ua lub nra nyav rau tus ub tus no. Tshaj ntawd ua rau peb muaj ib qhov kev ntshai zoo li tabtom sib tsuas nrog tus tuag! Pog yawg tus qauv zoo yuav muab hais qhia rau tej menyuam thaum twg los yeej tau, tsis tag yuav tos mus txog thaum ua kevcai hnub tuag!
  3. Yog tias ib tsev neeg uas pehawm pog yawg, ntawd yog ib txojkev sim siab loj rau tus ntseeg Yexus txojkev ntseeg. Yuav ua cas los piav qhia rau tsev neeg uas tawm tsam tias peb yog cov menyuam uas tsis hwm niam txiv? Qee txojlw taw qhia:

– Cia li qhia tshwm kev hwm niam txiv li Vajtswv Txojlus qhia.

– Ua siab ntev thov Tswv kom niam txiv ntxov paub Vajtswv.

– Ua tibzoo qhia kom niam txiv nkag siab vim li cas koj tsis koom kevcai laig pog yawg.

– Paub tias tus tuag tuag tus ntsujplig yeej tsis rov los nyob ntawd li lawm, tiamsis kev pehawm rau ntawm pog yawg lub thaj yog ib qhov uas tawm tsam peb txojkev ntseeg.

Hais luv, peb yuav tsum tau ua zoo rau tsev neeg los ntawm txojkev thaj yeeb, muaj tej yam xwm peb hais daws tsis tau los ntawm txojkev sib haum xeeb, peb yuav tau them tus nqi rau peb txojkev ntseeg! Lossis peb yuav tsum tau raug plam ntau yam, lossis yuav tsum tau tawm tsev neeg mus nyob lwm qhov ib ntus! Yog peb tuav kev ntseeg ruaj khov muab siab npuab Vajtswv, teebmeem yeej yuav tau Vajtswv pab peb daws los ntawd qhov zoo.

 

 

Muab hais luv

  1. Raws Vajluskub qhia, hwm niam txiv yog ua siab dawb siab zoo, coj ncaj rau niam txiv thaum lawv tseem ua neej nyob.
  2. Ob qhov yuam kev hauv kev teevhawm pog yawg yog: (1) Pog yawg tsis yog lub hauv paus chiv rau peb pehawm, tiamsis yog Vajtswv Ntuj. (2) Tsis muaj qhov uas tus tuag rov qab los li.
  3. Ob qhov vim chij tsis txhob noj tej khoom fij rau dab, mlom yog: Kom tsis koom tsum nrog dab ntxwgnyoog thiab tsis ua rau lwm tus yuam kev.

LUS NUG XAV THIAB SIV.

  1. Nrhiav paub:
  2. Lub ntsiab ntawm lo lus laig pog yawg?
  3. Hauv kev teevhawm pog yawg ntawm peb Hmoob, vim li cas ho muaj kev laig pog yawg?
  4. Puas yog teev hawm pog yawg thiaj li yog hwm niam txiv?
  5. Nrhiav paub lub ntsiab ntawm ob lus lo “pehawm” thiab “huab hwm”.
  6. Lo lus Tswv Yexus haiv hauv Mathais 10:37 lub ntsiab yog li cas?
  7. Dhau kev kawm paub saum, koj pom tias kev teev hawm pog yawg puas yog yam uas haum raws li Vajluskub qhia? Vim li cas?
  8. Nyeem cov nqe Vajluskub no thiab nrhiav paub:
  9. 1Kaul 10:17-22: Raws li Paulus tej lus qhia, tus ntseeg Yexus puas tsimnyog noj tej khoom uas twb muab fij rau dab, mlom lawm? Vim li cas?
  10. 1Kaul 10:23-31: Tus ntseeg Yexus yuav tsum muaj tus coojpwm li cas nrog rau tej khoom fij rau dab mlom? Vim li cas?
  11. Puas muaj ib tus mlom twg hloov Vajtswv lub chaw hauv koj lub neej? koj puas ua tag feem xyuam ntawm ib tus menyuam raws li Vajtswv tej lus qhia?
CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 09.02.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 09.02.2025

in H'MÔNG on 10 Tháng Hai, 2025

Hnub kaj 09.02.2025

  1. Ntsiab lus: THAUM TUS TSWV NTSIAG TO.
  2. Vajluskub:Yauhas11:1-45; Efexaus3:20; Nkauj Quaj Ntsuag 3:23-26.
  3. Nqe cim: “Qhov uas zoo tshaj, yog ua lub siab ntev tos mus txog hnub uas nws los cawm peb” (Nkauj Quaj Ntsuag 3:26).
  4. Twv Vajluskub: Paj Lus 21-25.
  5. Tus qauv: Xam phaj.

* TAW QHIA: Xam phaj .

1.Xaiv ib tus ua Malis (Laxalaus tus muam), ib tus ua tus xam phaj.

  1. Muab cov lus nug thiab lus teb rau cov ua yeeb yam kawm nco.
  2. tus coj ua xaus cov ntsiab lus zajkawm thiab rho tawm zajkawm rau cov kawm siv. Tom qab ntawd sawv ntsug thiab caw Malis thov Tswv rau Pab hluas.

* Taw qhia xam phaj.

– Tus xam phaj (Pv): Cov tub ntxhais uas mov tshua! Hnub no peb yuav kawm Vajtswv Txojlus raws lub ntsiab lus “Thaum tus Tswv ntsiag to”. Ntau zaug heev ua rau peb xav tsis thoob thaum tus Tswv ntsiag to rau peb tej lus taij thov. Yog Vajtswv menyuam, peb yuav ua li cas thaum Nws nyob ntsiag to?

Kom pab peb cov hluas totaub meej dua txog zaj no, caw peb los soj qab ib txojkev sib tham nrog ib tus neeg uas tshwj xeeb heev tau muajxwm rau Vajtswv txojkev qhia tshwm uas zoo kawg nkaus, ntawd yog Malis uas yog yawg Laxalaus tus muam yau.

– Pv: Fwm hawm koj os pog Malis, sawv cev Pab hluas, peb zoo siab heev thiab ua tsaug vim koj tau teb lus tuaj koom peb txojkev xam phaj no!

– Pog Malis: Fwm hawm nej txhua tus os!

– Pv: Thov cai pog, cia peb pib kev xam phaj mus nawb.

– Pog Malis: Kuv npaj siab, nej yej meem nug tau.

– Pv: Pog, dhau Vajluskub, peb tau paub tias Vajtswv tau cawm koj tus tijlaug uas yog yawg Laxalaus sawv hauv qhov tuag rov qab los. Yog li ntawd, thaum yawg Laxalaus raug mob, nej puas thov Vajtswv pab li?

– Pog Malis: U, thov hos, kuv tsev neeg tau txib neeg mus qhia Tswv Yexus paub. “Tus Tswv, tus neeg uas koj hlub tau raug mob lawm”. Tus Tswv hlub kuv tus tijlaug uas yog Laxalaus heev thiab wb ob viv ncaug.

– Pv: Tswv Yexus ua li cas rau nej tej lus thov?

– Pog Malis: Tswv paub li ntawd Nws teb tias “Laxalus tus mob no yuav tsis ua rau Laxalus tuag, tiamsis Laxalus tus mob yuav ua rau Vajtswv tus Tub tau koob meej”. Tseeb tiag, tus Tswv muaj homphiaj rau kuv tijlaug thiab kuv tsev neeg. Tiamsis thaum ntawd kuv tseem tsis tau nkag siab tej lus tus Tswv hais.

– Pv: Tom qab ntawd tus Tswv puas tuaj kiag tamsim os?

– Pog Malis: Tsis tuaj, thaum Tswv Yexus tuaj txog, kuv tijlaug twb raug muab faus tau plaub hnub lawm.

– Pv: Woa, plaub hnub lawm lov!

– Pog Malis: Yog lawm, thaum ntsib tus Tswv kuv tau hais li no rau Nws: “Tus Tswv, yog muaj koj nyob ntawm no, kuv tijlaug yuav tsis tuag”. Thaum ntawd kuv tsuas paub tias Tswv Yexus yog tus kho mob zoo xwb, yeej tsis paub tias tus Tswv yog tus uas ua tau txhua yam rau peb tshaj qhov uas peb thov, ib yam li Nws tau hais: “Kuv puas tau hais rau koj tias yog koj ntseeg koj yeej yuav pom Vajtswv lub hwjchim xwb no? Koj tus tijlaug yuav sawv rov los!”. Kuv xav tias kuv tus tijlaug twb tuag lawm, vim tus Tswv tuaj lig heev!

– Pv: Thiab Tswv Yexus qhia ntxiv dabtsis thiab?

– Pog Malis: Tswv Yexus hais tias: “Kuv yog txojkev sawv hauv qhov tuag rov qab los thiab yog txojsia. Tus uas ntseeg kuv, txawm yog nws tuag lawm los nws yeej yuav muaj txojsia; tus uas muaj txojsia nyob thiab ntseeg kuv, tus ntawd yuav tsis tuag ib zaug li. Koj puas ntseeg kuv tej lus no?” – Thaum ntawd kuv cia li ntseeg tias tus Tswv yog tus Cawmseej. Yog tus yuav los hauv lub ntiajteb no. kho tus dig muag rov pom kev thiab Nws kuj yuav ua kom Laxalaus sawv rov los muaj sia!

– Pv: Thov qhia rau peb meej dua txog tus Tswv nqe lus no.

– Pog Malis: cov menyuam, tus uas peb pehawm thiab ua haujlwm rau yog tus muaj sia nyob, Nws tuav tus yaum sijhawm txojkev tuag thiab tub tuag teb. Nws tsis tsuas yog kho mob zoo xwb, nws tseem pub tau txojsia ib txhis rau txhua tus uas ntseeg Nws. Nws xav qhia kom peb xwm Nws, paub Nws meej dua, tob dua.

– Pv: Peb nkag siab lawm os, pog, thov koj muab ib zajkawm los rau peb hnub no kom tau siv rau lub neej os?

– Pog Malis: Tau kawg! Thaum tus Tswv hu kuv tus tijlaug sawv rov muaj sia, kuv paub tias Vajtswv muaj homphiaj rau peb lub neej. Cia li tag siab cia siab thiab ntsiag to tos tus Tswv lo lus teb,vim Nws lub sijhawm yeej yog thiab zoo tshaj; tsis muaj yam twg ntxov dhau, kuj tsis lig dhau nrog rau Vajstwv! Amees!

– Pv: Ua Vajtswv tsaug, sawv cev Pab hluas peb ua koj tsaug os Pog Malis, thiab yuav nco ntsoov zajkawm no, thov koj thov Vajtswv pab rau ntau ntau thiab os! (caw cov phoojywg sawv…).

* NTAUB NTAWV PAB.

Yam Dabtssis Tabtom Tshwmsim Thaum Koj Thov Vajtswv?

  1. Thov yam no… tau txais yam tod.

Zajxwm plaub leeg kwv lawv tus phoojywg tuaj cuag Tswv Yexus thov Nws kho. Vim neeg coob, lawv yuav tau tho ruv tsev tso tus neeg mob los rau ntawm Yexus hauv ntej. Tswv Yexus hais:“Metub, kuv twb zam koj lub txim lawm” (Mal 2:5).

Plaub tus phoojywg tabtom thov Tswv Yexus kho zoo tus neeg raug mob, tiamsis Nws ho zam tus ntawd tej kev txhaum. Tus raug mob nrog rau cov phoojywg tau thov ib yam uas meej heev. Tiamsis Tswv Yexus xav kom tus ntawd dhau los ua Vajtswv menyuam kom tau txais txhua yam huv si!

Tsuas muaj Vaj Ntsujplig thiaj paub yam uas Vajtswv yuav ua rau koj lub neej. Cia li cia rau tus Tswv pub rau koj txhua yam uas Nws xav pub (1Kaul 2:10-12). Tseeb tiag, Vajtswv yeej pub yam uas zoo dua tej peb thov thiab xav tau. “Peb cia li ua Vajtswv tsaug, rau qhov Vajtswv tus uas muaj hwjchim, nws nyob hauv peb lub siab. Nws ua tau ib puas tsav yam ntau dua li tej uas peb thov thiab tej uas peb xav” (Efexaus 3:20).

  1. Txojkev nyob ntsiag to ntawm Vajtswv.

Koj twb tau thov Vajtswv tau ntau hnub, tiamsis zoo li Vajtswv pheej ua ntsiag to. Koj pom tias ntuj ceeb tsheej zoo li twb kaw rooj nti lawm. Koj tsis totaub yam dabtsis tabtom tshwmsim. Tej zaum yuav muaj qee leej hais rau koj tias qhov uas Vajtswv tsis mloog koj tej lus thov tej zaum yog koj lub neej tseem muaj kev txhaum, koj yuav tsum tau lees txim. Koj yuav hais tias: “Kuv yeej tseem zoo. Kuv tsis totaub Vajstwv txojkev nyob ntsiag to?”

“Vajtswv, thov koj hnov kuv tej lus, thov tsis txhob tsis quavntsej kuv tej lus thov” (Ntawv Nkauj 55:1). “Tus Tswv, koj yuav tsis nco qab kuv mus txog hnub twg? Mus ibtxhis li los? Koj tseem yuav khiav kuv mus txog thaum twg?” (Ntawv Nkauj 13:1).

Qee zaug Vajtswv nyob ntsiag kom coj koj los paub Nws tob dua.

  1. Teb tus Tswv txojkev nyob ntsiag to.

Koj muaj cuab teb tus Tswv txojkev nyob ntsiag to los ntawm ob txoj hau kev:

F Txoj haukev ib: Koj poob rau txojkev twg, , dhuav, tag kev cia siab, rov poob kev txhaum, cim civ txiav txim siab.

F Txoj haukev ob: Koj yuav tos Vajtswv coj koj los mus paub Nws tob dua.

– Lees txim thiab tso tej kev txhaum uas tseem khuam rawv hauv koj lub neej tseg, tsis dhuav thiab tsis ua txhaum lawm.

– Npaj rawv tos ib txojkev muajxwm tshiab nrog tus Tswv uas yav ntej koj yeej tsis tau paub dua li.

“Qhov uas zoo tshaj, yog ua lub siab ntev tos mus txog hnub uas nws los cawm peb” (Nkauj Quaj Ntsuag 3:26).

Thaum koj nqeg tes ua txoj hau kev thib ob no, tus Tswv kuj yuav pib qhia rau koj paub ua raws li Nws siab nyiam, kom koj paub Nws ntau dua. Ob txojkev teb saum sib txawv ib yam nkaus li nruab hnub thiab hmo ntuj.

LUS NUG XAV THIAB SIV

  1. Koj puas dhuav thiab tag kev cia siab thaum Vajstwv ntsiag to rau koj tej lus thov? Vim li cas?
  2. Koj muaj tus coojpwm li cas thaum tus Tswv tsis pub yam koj thov ntawd?

3. Vajtswv twb tau teb koj tej lus thov zoo li cas? Thov piav qhia ib qhov kev muajxwm uas koj tau dhia dhau.

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 09.02.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 09.02.2025

in H'MÔNG on 10 Tháng Hai, 2025

Hnub kaj 09.02.2025.

  1. Ntsiab lus: AMAUS – TUS NQUA HU VAJTSWV HAIVNEEG TIG LOS UA ZOO.
  2. Vajluskub: Amaus 5:1-27; 7:10-17.
  3. Nqe cim: “Nej yuav tsum xyaum ua zoo tsis txhob ua phem, nej thiaj muaj sia ua neej nyob. Tus TSWV uas yog Vajtswv tus muaj Hwjchim Loj kawg nkaus thiaj yuav nrog nej nyob ib yam li nej tau khav hais tias nws nrog nraim nej nyob…” (Amaus 5:14).
  4. Twv Vajluskub: Yelemis 13-15.
  5. Tus qauv: Kawm Vajluskub pawg.

* TAW QHIA: Kawm Vajluskub pawg.

– Ntaub ntawv: Tus uas saib sab kev kawm soj ntaub ntawv thiab xaiv ib txoj hauvkev uas kawm Vajluskub kom haum rau sawvdaws, sau tej lus nug thiab muab cob rau txhua pawg.

  1. Kev kawm yuavtsum raws li feem Vajluskub ua chaw txawb thiab cov niam tsev lub peevxwm.
  2. Yog koj tsis muaj tswvyim coj kawm, koj cia li npaj 2-3 feem lus nug, ib feem lus nug mas nws muaj txaus li nram qab no:

– Lus nug xav (Saib Vajluskub qhia txog dabtsi).

– Lolus nug siv (Siv feem Vajluskub ntawd los rau hauv peb lub neej).

Nram qab no yog ib cov lus nug, koj siv coj los rau lub sijhawm kawm Vajluskub lossis siv los pab pwv kuj tau.

(1.1) Thov qhia tshwm qee yam kev txhaum uas haivneeg Yixalayees tau ua (5:4-27).

(1.2) Tej kev txhaum ntawd qhia tshwm lawv lub neej ua zoo lub sijhawm ntawd zoo li cas?

(1.3) Yam twg yuav yoojyim ua kom koj ua txhaum rau Vajtswv? Koj lub neej thaum lub sijhawm ntawd li cas xwb?

(2.1) Amaus nqua hu cov pejxeem ua dabtsi koj hloov pauv lawv lub neej ua txhaum? (5:4,6,8,14,15).

(2.2) Amaus kom cov pejxeem ua dabtsi thiab muaj hom phiaj li cas?

(2.3) Amaus lolus nqua hu ntawd ntuag koj txog tes haujlwm dabtsi?

(3.1) Thaum cevlus, Amaus ntsib kev nyuaj dabtsi?  (7:10-17).

(3.2) Vim li cas Amaus ho ntsib kev tsim txom li ntawd?

(3.3) Dhau los ntawm Amaus lub neej, koj nrhiav tau tej yamntxwv zoo twg rau ib tus uas ua Vajtswv haujlwm?

  1. QHIA TSHWM.

Nyob rau cheeb tsam roob Thekau-as tshwm sim ib tus cevlus uas yog Amaus. Vajtswv hu Amaus los ua tes haujlwm cevlus rau xyoo 765-750 T.C, coj Vajtswv tej lus los rau ib tsoom Yixalayees, tshwjxeeb yog rau tebchaws Yixalayees yav qaumteb.

Amaus nyob rau tiam uas tebchaws Yixalayees muaj kev vam meej. Tagnrho tej pejxeem mus rau vajntxwv puavleej ua tso tus Tswv tseg mus ua raws li lawv lub siab nyiam. Amaus coj Vajtswv tej lus ceeb toom rau cov pejxeem.

  1. Kev txiav txim rau lwm haivneeg (1-2).
  2. Kev txiav txim rau haivneeg Yixalayees (3-8).
  3. Rov txhim khu haivneeg Yixalayees (9).
  4. ZAJ KAWM.
  5. LUB NEEJ PUV NPO KEV PHEM NTAWM HAIVNEEG YIXALAYEES (5:4-17).

Haivneeg Yixalayees tau ua 3 yam kev txhaum:

  1. Ntxeev siab rau Vajtswv.
  2. Ib tus saib tsis taus ib tus.
  3. Ib tus ua tsis ncaj rau ib tus.
  4. (2 Kevcai 6:13) Cov pejxeem tso Vajtswv tseg mus pe mlom lawm (Amaus 5:5), (1Vajntxwv 12:28-30).
  5. (Levis kevcai 19:33-35) tiamsis cov pejxeem ib tus ua tsis ncaj rau ib tus, ib tus saib tsis taus ib tus (Amaus 5:11-12).

Haivneeg Yixalayees tso Vajtswv tej kevcai tseg lawm.

  1. LOLUS NQUA HU LOS UA LUB NEEJ ZOO.

Amaus qhia kom lawv npaj siab yuav ntsib tus Tswv (4:12). Kom txhua tus npaj siab saib yuav hais daws yus zaj li cas thaum uas sawv ntawm tus Tswv xub ntiag.

  1. Tig los nrhiav Vajtswv: (c.6). Kev tig rov los nrhiav Vajtswv yog yam uas tseemceeb dua ntais (Tes haujlwm 17:28; Amaus 5:8).
  2. Kawm paub txog Vajtswv zaj.
  3. Tig rov los cuag Vajtswv thiab tsa Nws ua Vajntxwv los kav yus lub neej.

Tus uas muaj siab nrhiav Vajtswv tiag yog tus uas kub siab lus txhawb nqa Nws thiab ua raws li Nws tej lus qhia (2 Kevcai 8:1).

  1. Ua neej li Vajtswv lub siab nyiam:
  2. Hlub: (5:11) hauv (Levis Kevcai 19:9-10,33-34) yuav tsum muaj nplooj siab hlub tshua txog tej neeg txomnyem rau qhov Vajtswv yog tus uas muaj kev hlub tshua.
  3. Ncaj ncees: Vajtswv yog tus uas dawbhuv, ncaj ncees, Nws xav kom Nws haivneeg muaj lub neej ncaj ncees thiab.
  4. Hais lus tseeb: Vajtswv yog qhov tseeb, Nws xav kom nws haivneeg yuav tsum muaj lub neej hais lus tseeb, tsis txhob lam ua tshwm rau sab nrau li haivneeg Yixalayees (Daniyees 5:21-24).

Amaus hais rau cov pejxeem txog 3 yam: (1) (Amaus 5:4,14,15) yam no yeej muaj Vajtswv ib lolus ceebtoom txog Nws txojkev txiav txim. (2) (Amaus 5:16-20,25-27) Amaus muab ob txojkev rau cov pejxeem xaiv. (3) Tig rov los cuag Vajtswv thiab ua raws li Nws tej kevcai kom txais tau kev kaj siab thiab koob hmoov; lossis mus raws lwm tus vajtswv ua kev phem thiab thaum kawg yog raug kev puas tsuaj? (5:24).

– Ntsiab Vajtswv thiab qhia tshwm txhua yam uas yus tau ua hauv yus lub neej (2Kauleethaus 5:10).

– Tus neeg uas coj raws li Vajtswv txojkev ncaj ncees thiaj yuav muaj cuab kav sawv ntawm Nws lub xub ntiag xwb.

– Ua raws li tej kevcai ua zoo (Khiav dim 20:1-17).

– Tus uas ua raws li tus Tswv lub siab nyiam, yeej yuav pom tshwm tes haujlwm zoo, siab dawb, ncaj ncees, hais lus tseeb.

– Tus uas hla Vajtswv tej kevcai yeej yuav ntsib kev puas ntsoog.

Txawm yuav nyob rau tiam twg los xij, yog tias tsis muaj lub neej ua zoo ces yeej yuav raug tus Tswv txiav txim xwb, rau qhov Nws yog tus uas ncaj ncees (Amaus 5:6).

Niaj hnub nim no peb tab tom nyob rau tiam uas muaj kev phem kev qias ib yam li tiam Amaus nyob thiab. Ua saib tsis taus tej neeg txomnyem, txiav txim tsis ncaj… Yog li ntawd yuav tsum nqua hu kom sawvdaws nyias tu nyias tus kheej yuav mus ntsib Vajtswv tus uas ncaj ncees.

  1. Lub neej thiab tes haujlwm.

Amaus ntsib ntau yam teebmeem los ntawm nomtswv lub sijhawm ntawd, rau qhov nws qhia Vajtswv tej lus tawm tsam lawv. Amaus yeej tsis thim, thiab nws rau siab ntso ua tiav tes haujlwm uas Vajtswv tau cob rau nws lawd. Amaus muaj 4 qhov yam ntxwv zoo nram qab no hauv nws tes haujlwm:

  1. Txo hwjchim: (Amaus 7:14).
  2. Mloog Vajtswv lus: (Amaus 7:15).
  3. Zov rooj zoo: (Amaus).
  4. Siab tawv: (Amaus 7:10-11).

III. LUS NUG XAV THIAB SIV.

  1. Tej kev txhaum uas haivneeg Yixalayees tau ua (Amaus 5:4-27).
  2. Yog muab tej kevcai uas tau sau tseg (2 Kevcai 4:24; 8:1; Levis Kevcai 19:35-36) peb yuav pom txog haivneeg Yixalayees lub neej zoo li cas nyob rau tiam Amaus ua cevlus ntawd?
  3. 3. Amaus tej lus nqua hu, qhia li cas txog peb tes haujlwm uas peb ntseeg Yexus Khetos niaj hnub nim no? (Loos 3:23-25; Efexaus 4:20-32).
  4. 4. a. Amaus raug tej kev tsim txom twg? Vim li cas? (7:10-17).
  5. Peb nrhiav tau tej yam ntxwv zoo twg ntawm Amaus los siv rau peb lub neej uas ua Vajtswv haujlwm?
  6. 5. Tej yam tseemceeb ntawm tej uas Amaus cevlus yog dabtsi?
  7. Koj yuav ua siab tawv ua lub neej zoo, ncaj ncees li cas rau lwm tus pom, thiab koj yuav qhia tshwm txog Vajtswv txojkev txiav txim li cas pub rau neeg ntiajteb?.

* HIỂU BIẾT THƯỜNG THỨC.

 Tẩy Vết Ố Quần Áo.

Có thể tẩy vết ố vàng (do mồ hôi) hay mốc đen trên quần áo, khăn mặt bằng cách đem ngâm nước muối loãng, từ nửa tiếng đến một tiếng đồng hồ. Sau đó đem xả sạch, dùng xà phòng giặt như thường. Các vết ố sẽ biến mất.

Chú ý: Sau khi tẩy vết bẩn, vết ố trên quần áo, đôi khi xung quanh chỗ tẩy còn thấy những vết mờ mờ hình tròn. Bạn đừng lo. Hãy đun nước sôi và đem đặt chỗ ấy phía trên hơi nước đang bốc lên. Vết mờ đó sẽ bay hết.

Chuyên Mục