Chuyên mục: H’MÔNG

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 06.04.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 06.04.2025

in H'MÔNG on 2 Tháng Tư, 2025

Hnub kaj 06.04.2025

  1. Ntsiab lus: KEV SIB RAUG ZOO TIAG TIAG, NTIAG TUS, MUAJ TSEEB.
  2. Vajluskub: Yelemis 31:3; Chivkeeb 16:1-13; Yauhas 15:16,19; Mal 6:7-13; Tegnum 12:1-17.
  3. Nqe cim: “Kuv ua tib zoo rub lawv los cuag kuv thiab kuv hlub lawv kawg. Kuv tsaws hlo lawv los puag npuab kuv lub plhu; kuv khoov mus tu lawv thiab pub mov rau lawv noj” (Hauxeyas 11:4).
  4. Twv Vajluskub: Yaxayas 1-5.
  5. Tus qauv: Sib tham.

* TAW QHIA: Saib hnub kaj 16.03.2025.

Ntsiab lus 1: Txojkev sib raug zoo ntawm tibneeg nrog Vajtswv tsis muaj tseeb.

Đề tài 2: Txojkev sib raug zoo ntawm tibneeg nrog rau Vajtswv muaj tseeb thiab los ntawm ntiag tus.

* NTAUB NTAWV PAB.

Vajtswv yog tus pib txojkev hlub sib raug zoo no. Nws pib tuaj rau peb mas peb thiaj li paub Nws. Ntawm no yog lus timkhawv ntawm tag nrho phau Vajluskub. Tus Tswv tau los cuag Adas thiab Evas hauv lub vaj Edees. Nws nrog lawv sib tham thiab lawv nrog Nws sib tham hauv txojkev hlub. Tus Tswv los cuag Nau-as, Anplahas thiab cov cev lus. Qhov no kuj yog nyob rau hauv Vajluskub tshiab thiab. Tswv Yexus mus nrhiav cov thwjtim, lawv los nrog Nws nyob kom lawv paub Nws txojkev hlub. Nws los cuag Paulus ntawm txojkev Damaxes. Ntawm peb tibneeg yeej tsis muaj peevxwm yuav mus nrhiav tau Vajtswv.

I. VAJTSWV YOG TUS XUB PIB.

Txojkev txhaum cuam tshuam peb ua rau peb tsis muaj leejtwg yuav paub mus nrhiav Vajtswv (Loos 3:10-12). Vim li ntawd, tus Tswv thiab pib Nws txojkev hlub rau peb ua ntej. No yog yam Nws tau ua: “Cov Yixalayees, kuv yeej ibtxwm hlub nej, kuv yuav hlub nej mus ibtxhis” (Yelemis 31:3; Hauxeyas 11:4).

Txojkev hlub uas tus Tswv hlub koj yog txojkev hlub ib txhis. Los ntawm txojkev hlub no, Nws tau rub koj los ze Nws, txawm yog koj tseem tsi tau txais txojkev hlub ntawd. Thaum koj tseem ua yeeb ncuab nrog Vajtswv, Nws twb tso Nws leejtub los tuag hloov koj chaw lawm. Xav kom muaj xwm thiab paub tseeb Vajtswv tus dej siab, koj yuav tsum ruaj siab rau txojkev hlub uas tus Tswv pub rau koj.

Tus Tswv tau los cuag Paulus (Tes Haujlwm 9:1-19), thaum uas Paulus tabtom tawm tsam Tswv Yexus. Tus Tswv nthuav qhia txojkev hlub puv npo rau yawg. Tswv Yexus hais rau cov thwjtim tias: “Tsis yog nej xaiv kuv, tiamsis yog kuv xaiv nej thiab tsa nej…. nej tsis nyiam ua raws li neeg ntiajteb ua, rau qhov kuv twb xaiv nej tawm hauv lub ntiajteb no lawm” (Yauhas 15:16,19). Qhov no kuj yog nyob rau hauv peb lub neej. Peb tsis tau xaiv tus Tswv, tiamsis tus Tswv xaiv peb, hlub peb thiab qhia Nws lub homphiaj ib txhis rau peb lub neej.

Yog Vajtswv tsis pib ua ntej, peb yuav tsis muaj hnub paub nws txojkev hlub li.

II. KEV SIB RAUG ZOO TIAG TIAG, NTIAG TUS, MUAJ TSEEB.

  1. Txojkev sib raug zoo uas tus Tswv xav muaj nrog koj muaj tseeb thiab ntiag tus.

Read More

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 30.03.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 30.03.2025

in H'MÔNG on 31 Tháng Ba, 2025

Hnub kaj 30.03.2025

  1. Ntsiab lus: CIA VAJTSWV UA TUS TSWV NTAWM KOJ LUB SIAB.
  2. Vajluskub: Yauhas 20:28, Efexaus 3:20.
  3. Nqe cim: “Nej sim mloog saib, kuv sawv sab qhovrooj nraud thiab khob; yog leejtwg hnov kuv khob thiab qhib qhovrooj rau kuv, kuv yuav los hauv tus ntawd lub tsev. Kuv yuav nrog nws noj mov thiab nws yuav nrog kuv noj mov” (Tshwmsim 3:20).
  4. Twv Vajluskub: Salumoos Tej Nkauj 5-8.
  5. Tus qauv: Qhuab qhia.

* TAW QHIA: Saib hnub kaj 05.01.2025.

* NTAUB NTAWV PAB.

Thaum txiav txim siab ntseeg Yexus, peb thov Nws los nyob hauv peb lub neej, ua tus Tswv ntawm peb lub siab. Tiamsis hais tiag, ntau hli xyoo dhau los, koj puas cia Vajtswv ua tus Tswv ntawm koj lub siab tiag tiag? Lossis koj tseem tseg qee chav hauv koj lub siab tsis cia tus Tswv los nyob?

Yog ib hnub uas ntev heev thiab sab kawg li. Kuv txiav txim siab yuav mus ncig ib lwm ntawm ntug dej ntsiag to. Kuv pib nrog Tswv Yexus tham, tus uas paub txhua yam kev xav ntawm kuv thiab hlub kuv kawg siab.

Kuv nco txog qhov uas Tswv Yexus tau los yug ntawm nkuaj yaj dabzaub vim tsev so tsis tshuav rau Nws lawm. Thaum me los, txhua zaug uas xav txog qhov tsis tshuav tsev so rau Tswv Yexus lawm pheej ua rau kuv chim heev. Thiab kiag thaum no, tus Tswv rov ntuag kuv vim tabtom ua ib yam li ntawd, thaum kuv kawj rooj nti ntau chav hauv kuv lub siab tsis cia Nws los kav. Kiag kuv tus kheej los kuj tabtom ua ib yam li tus tswv tsev thaum ub, hais tias kuv lub siab tsis tshuav chaw rau Nws lawm. Tus Tswv xav kom kuv qheb siab tsis tsuas yog caw Nws los nyob xwb, tiamsis muaj cai tag nrho rau txhua chav, txhua phab, hauv lub siab ntawm kuv lub neej. Twb ntau xyoo dhau los, kuv tau muab ntau chav kaw rooj nti cia tsis cia Nws los nyob. Kuv cim civ nug tus kheej, kuv puas tsimnyog hu Nws ua tus Tswv thaum kuv tsis cia Nws kav tswj kuv lub siab tag nrho?

Kuv txhos caug rau ntawm ntug dej thiab caw Tswv Yexus los kav tag nrho ntau chav ntawd. Thiab Nws tau los nyob. Kuv ntseeg tias Nws los yuav ua tibyam li ntawd rau koj. Cia li Nws ua tus Tswv kav tag nrho koj lub siab. Tsis tsuas yog ib chav xwb, tiamsis tag nrho huv si. Thiab koj yuav tau txais txojkev hloov pauv yam txawv kawg li.

“Vajtswv yog tus ua haujlwm hauv peb los ntawm Nws lub hwjchim, nws yuav ua tshaj txhua yam uas peb ntshaw thiab peb xav” (Efexaus 3:20).

Marsha Brickhouse (Oneway.vn)

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 30.03.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 30.03.2025

in H'MÔNG on 31 Tháng Ba, 2025

Hnub kaj 30.03.2025.

  1. Ntsiab lus: NAHUS – TUS CEVLUS TXOG TUS TSWV TXOJKEV TXIAV TXIM NCAJ NCEES.
  2. Vajluskub: Nahus 1-2.
  3. Nqe cim: “Tus TSWV yeej tsis chim sai, tiamsis nws muaj hwjchim heev, thiab nws tsis cia tus neeg txhaum dim dawb tsis raug txiav txim. …” (Nahus 1:3).
  4. Twv Vajluskub: Yelemis 34-36.
  5. Tus qauv: Cog phoojywg, twv Vajluskub.

* TAW QHIA: Cog phoojywg, twv Vajluskub.

  1. Tuaj koom: Caw ib lossis ntau pawg ntseeg cov niamtsev tuaj koom kev cog phoojywg.
  2. Kevcai: Ua ntej ntawd ntau lub Athiv caw cov thawjcoj ntawm txhua pab niamtsev los mus sib sablaj npaj kevcai thiab sib faib haujlwm:

– Sijhawm: Sijhawm, chaw, ntsiablus, nqe cim, tus qauv uas yuav pib ua rau hnub ntawd…

– Muab haujlwm cob rau txhua pab: Xyaum nkauj, ua timkhawv, twv Vajluskub, khoomplig, kev ua si, coj kevcai, kev noj haus… Ib pab niamtsev twg yuavtsum ua ib feem twg hauv kevcai, yuavtsum caw ib tus los ua tus npaj twv Vajluskub.

  1. Tej yam uas yuav ua rau hnub cog phoojywg yog: Xyaum nkauj tshiab, qhuas thiab ua Vajtswv tsaug, twv Vajluskub lomzem, ua yeebyam, kev ua si loj…
  2. Daim ntawv sau npe: Yuavtsum Tshawb nrhiav saib cov uas tuaj cog phoojywg ntawd npaum li cas es npaj txiav ntawv kom txaus rau sawvdaws, tej ntawv yuavtsum muaj ntau yam xim, ib yam xim yuav yog ib pab, thaum faib pab pawg lawd, txhua tus nyias sau nyias npe thiab pawg ntseeg kom sawvdaws thiaj yoojyim cog phoojywg. Ib pab ntawd yuav tsa muaj tus coj thiab tus teevntawv los mus tswjhwm pab pawg koom txhua yam kev ua si thaum cog phoojywg.
  3. Khoomplig: Khoom phlig kev ua si yuavtsum haum rau lub sijhawm xaus uas sawvdaws los noj haus ua ke.

* TAWV QHIA: Twv Vajluskub.

Kev cog phoojywg zaum no yog nyob rau xyoo tshiab, vim li ntawd kev twv Vajluskub los yuav tsum npaj tej uas mus raws xyoo tshiab, txhua nqe yuavtsum npaj kom haum sawvdaws kev totaub, tsis txhob npaj tej nyuaj dhau (yog hais tias Vajluskub tsis txaus ces npaj ob peb nqe twv raws kev nco.

  1. Ib pab twg yuav tsa ib tus sawvcev los mus ua tus Tshawb nrhiav thaum sawvdaws twv Vajluskub. Cov Tshawb nrhiav no yuavtsum paub lolus teb ua ntej es kev tso feeb thiaj li yog thiab ncaj ncees.
  2. Ib lo twg twv tau ces yuav tau 10 feeb, yog yuam yuav rau tshwj 5 feeb. Tom qab ntawd xaus feeb thiab muab khoomplig.

I. QHIA TSHWM.

Lub npe Nahus muaj ntsiab lus tias “Kev nplig siab”. Vajtswv hu Nahus los ua haujlwm rau xyoo 630-612 UY yog coj kev nplig siab los rau tebchaws Yudas tom qab uas tebchaws Yixalayees puas tsuaj xyoo  722 UY

Thaum lub tebchaws Axilias tseem vam meej heev, yog ib qhov txaus ntshai rau tebchaws Yudas, Nahus twb pom txog lub tebchaws no kev puas tsuaj lawm. Nahus coj Vajtswv tej lus uas hais txog kev txiav txim rau lub nroog Ninives, ntxuag rau qhov ntawd nws kuj coj txoj hmoo zoo los rau Vajtswv haivneeg. Dhau los ntawm tej lus uas Nahus cev, peb paub txog tus Tswv yog tus uas zoo li cas los ntawm kev tswjhwm thiab kev txiav txim ncaj ncees?

II. ZAJ KAWM.

  1. Lus ceeb toom tawm tsam lub nroog Ninives.

Aunpadiyas tau Vajtswv hu los cevlus txog kev txiav txim rau lub tebchaws Edoos ces Vajtswv kuj hu Nahus los ua tus cevlus txog kev txiav txim rau lub nroog Ninives, rau qhov Ninives yog tus uas ua ntau yam kev txhaum tawm tsam Vajtswv (1:11). Txhua tus uas khav theeb, ua nruj ua tsiv, mus raws li lub ntiajteb no, hla Vajtswv txojkev ncaj ncees, txhua yam no puavleej yog ua saib tsis taus Vajtswv  (Yakaunpaus 4:4). Vim li ntawd thaum Nahus cev lus ra lawv nws qhia tshwm rau Ninives paub tias:

(1) Vajtswv yog tus uas muaj kev hlub, tiamsis Nws kuj yog tus ncaj ncees: Tus Tswv yog tus Vajtswv uas khib thib yog tus uas pauj txhua yam, thiab puv npo kev chim. Tus Tswv yuav ua pauj rau tus uas tawm tsam Nws. Tus Tswv tsis chim sai, Nws yog tus uas muaj hwjchim loj kawg nkaus; Nws tsis suav tus uas muaj txim yog tus dawbhuv li (1:2-3). Lolus khib thiab ua pauj no tsis yog li peb tibneeg xav. Tiamsis ntawm no yog hais txog ib tus yamntxwv ntawm Nws txojkev hlub thiab Nws txojkev ncaj ncees. Hais txog kev hlub, Nws yog tus uas tsis chim sai, hais txog kev khib Nws yog tus uas rau txim rau txhua tus uas tso Nws tseg mus raws kev pe mlom ib yam li tus txivneej uas nws khib nws tus pojniam thaum tus pojniam mus deev hluas nraug ntag (Yakaunpaus 4:4-5). Los ntawm kev ncaj ncees, Nws yeej tsis suav tus uas muaj txim yog neeg dawbhuv tiamsis Nws yuav ua txhua yam rau lawv raws li tej uas lawv tau ua los ntawm Nws txojkev ncaj ncees.

(2) Vajtswv lub hwjchim loj kawg nkaus. Nws tug dag zog ib yam li tej cua daj cua dub. Nws tej lus cem ua rau tej dej qhuav qhawv, tej paj ntsws kiag thiab tej roob ua zog koog. Yog li ntawd hnub uas tus Tswv txiav txim txim, Nahus thiaj twv ntxhiag tias leejtwg yuav kav ntaus tswvyim tawm tsam Vajtswv (1:6-9).

Lolus ceebtoom ntawd yog ib qhov phem rau haivneeg Ninives, tiamsis kuj yog ib txoj hmoo zoo rau haivneeg Yixalayees. Los ntawm kev ncaj ncees, Vajtswv siv Nws lub hwjchim los rau txim rau tus neeg phem, tiamsis sab kev hlub tus Tswv uas muaj hwjchim ntawd yog tus uas los cawm Nws haivneeg. Hauv (1:15) Yog ib tus duab hais txog kev cawm tus Tswv haivneeg. Nahus qhia rau haivneeg Yixalayees yog hais txog:

(1) Tus Tswv txojkev cawmdim (1:13).

(2) Tus Tswv txojkev nplig siab (1:12). (3) Tus Tswv pub txojkev thajyeeb (n.15). (4) Tus Tswv txojkev ncaj ncees (2:2).

4 yam ntawd ua rau peb pom txog tus timtswv zaj nkauj uas hais txog tus Tswv Yexus yog Txoj Hmoo Zoo los rau txhua txhia haivneeg (Lukas 2:11). Nws yog tus uas Vajtswv tau ua txojkev cawmdim kaj siab, ncaj ncees rau peb (1Kauleethaus 1:30). Thaum ub, Nahus qhia rau haivneeg Yixalayees txog Vajtswv Txoj Hmoo Zoo. Nim no peb txais tau Vajtswv Txoj Hmoo zoo ntawd, yog li ntawd qhov uas coj Txoj Hmoo Zoo mus rau tus uas tseem raug kev quaj ntsuag yog feem xyuam ntawm peb txhua tus ntseeg huvsi. Paulus txhawb peb txhua tus zog (Loos 10:15).

2. Kev txiav txim rau Ninives.

Ninives yog nroog loj ntawm haivneeg Axilias. Yog lub tebchaws uas nyob lawv tus dej Tiles mus tagnrho cheeb tsam tiaj nrag ntawd. Tus ntsa yeej uas vij lub nroog Ninives ntev li 13km. Tej neeg uas nyob rau hauv kwv lam li 175.000 – 300.000 tus. Lub nroog ntawd lawv ua ruaj kawg nkaus li. Tom hauv nej muaj peb txheej, tom qab muaj ob txheej tiv thaiv. Txawm yog khov npaum ntawd los, Nahus yeej hais tias nroog Ninives yuav puas ntsoog vim rau qhov lawv tej kev txhaum twb loj txog qib uas lawv raug puas tsuaj lawm ntag!

Los lus tawm tsam Ninives qhia tshwm tias lawv tej kev txhaum yog tsis hlub niam txiv, tsis ncaj ncees, tua neeg, ua nkauj ua nraug, ua khawv koob, tej no puavleej yog tej uas Vajtswv ntxub kawg nkaus (3:1-4). Vim li ntawd, Vajtswv hais tias (3:6). Ua ntej Nahus ntawd 150 xyoo Yaunas yog tus uas mus ceeb toom rau haivneeg hauv nroog Ninives no, lawv leeg thiab tso kev txhaum tseg, Vajtswv thiaj hloov siab tsis rau txim rau lawv. Tiamsis tom qab no, lawv txawm rov ua li lawv lub qub siab, ua txhua yam kev txhaum tawm tsam Vajtswv, vim li ntawd yuav tsis muaj sijhawm rau lawv rov los leeg kev txhaum lawm.

Raws li (3:8-19) Nahus hais tias nroog Ninives yuav nyob ntsiag to thiab tej neeg los yuav raug tawg ua sab ua sua li lwm lub tebchaws twb raug lawm. tej no twb tshwm sim rau Ninives lawm. Raws li phau ntawv keebkwm Gadd uas nyob hauv tebchaws Akiv hais tias: Ninives puas tsuaj tas thaum raug Cyaxares tua, vajntxwv Ba Tư tuaj vij tau 3 lub hlis tebchaws Axilias raug puas ntsoos 612 UY tau tsis ntev ntawd tom qab ces Nahus tej lus txawm muaj tseeb li nws tau cevlus. Kev puas ntsoog ntawm nroog Ninives peb kawm tau tej yam nram qab no:

(1) Vajtswv yog tus uas muaj kev hlub: Nws zam txim rau tus muaj kev txhaum es paub leeg, tiamsis Nws yeej tsis lam zais thiab ua siab dav rau kev txhaum.

(2) Tsis txhob lam muab Vajtswv txojkev txiav txim saib me: Nws tej lus hais lawm yeej yuav ua kom tiav raws nraim

(3) Tsis txhob lam thuam Vajtswv Txoj Koob hmoov: Vajtswv yeej tsis lam tau lam rau txim rau tus uas Nws tsis tau pub sijhawm rau lawv los lees kev txhaum li. Yog leejtwg saib tsis tau tus Tswv txojkev zamtxim ces yuav tsis muaj hnub muaj sijhawm li lawm. lolus ceeb toom (Loos 2:4-5).

III. LUS NUG XAV THIAB SIV.

  1. a. Nahus ceeb toom rau haivneeg Ninives li cas? (1:1-2).
  2. Dhau los ntawm Nahus tej lus ceeb toom ntawd qhia rau peb kawm tau dabtsi los ntawm Vajtswv lub hwjchim uas loj kawg nkaus?
  3. Nahus tes haujlwm muaj ntsiab lus li cas rau peb cov ntseeg niaj hnub nim no?
  4. a. Haivneeg Ninives tej kev phem zoo li cas? (2:1; 3:1-5).
  5. Qhov ntawd qhia rau peb paub li cas txog Vajtswv txoj koob hmoov thiab Nws txojkev txiav txim? (Loos 2:1-3; 2Petus 3:9-10; Henplais 6:4-6).
  6. Qhia tshwm tej ntsiab lus tseemceeb hauv phau Nahus.
  7. a. Koj tseem ua neej los ntawm kev fwm Vajtswv txoj koob hmoov lossis saib tsis taus Nws txojkev cawmdim?
  8. Koj yuav siv Vajtswv tej lus ceeb toom li cas rau tus uas tsis paub Vajtswv, thiab yuav pab tus raug luas thuam luas saib tsis tau li cas kom lawv thiaj muaj kev cia siab rau Vajtswv txojkev cawmdim yav tom ntej?

* HIỂU BIẾT THƯỜNG THỨC.

 Lau Chùi Đồ Thủy Tinh.

Hãy pha vào nước lau chùi một ít giấm. Đồ thủy tinh sẽ sáng bóng. Muốn chùi kỹ trước khi rửa bằng nước lã pha giấm bạn đổ nước vào bình thủy tinh rồi cho vào vài miếng khoai tây sống hoặc vỏ khoai tây. Ngâm trong vài giờ vớt khoai tây và đổ nước ra.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 30.03.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 30.03.2025

in H'MÔNG on 31 Tháng Ba, 2025

Hnub kaj 30.03.2025

  1. Ntsiab lus: HNUB YUG QEB I.
  2. Vajluskub: Ntawv Nkauj 66.
  3. Nqe cim: “Cov neeg uas hwm Vajtswv, nej cia los ntawm no, kuv yuav piav tej uas tus Tswv hais rau kuv lawm rau nej mloog” (Ntawv nkauj 66:16).
  4. Twv Vajluskub: Exekhees 40-42.
  5. Tus qauv: Hnub yug.

* TAW QHIA: Hnub yug.

  1. Tshaj tawm cov neeg muaj hnub yug qeb I (hli 1,2,3) ua ntej ib athiv; sau ntxiv cov uas tsis tau muaj npe.
  2. Muab cov npe rau tuav nyiaj yuav khoomplig. Cov khoom yuav tsum ntau tshaj cov neeg faj thaum muaj qhua lossis phoojywg tuaj koom, lawv kuj muaj hnub yug ncaj rau thiab.
  3. Cov uas tsis nco hnub yug kuj xaiv hnub sib yuav, hnub ntseeg Vajtswv, hnub ua kevcai raus dej… los ua hnub yug.
  4. Npaj ib lub ncuav hnub yug (yog tias tau).
  5. Caw cov muaj nub yug sawv mus tim xam thaj, dua li cov hu nkauj txhawb nqa. Sawvdaws ua ke tuav rab riam hlais lub ncuav. Caw neeg thov Vajtswv tshwj xeeb rau lawv.
  6. Cov thawjcoj pawg pub khoomplig rau lawv.
  7. Caw qee tus muaj hnub yug ua timkhawv, hu nkauj, piav qhia tej kev muajxwm sab ntsujplig los sib txhawb zog.
  8. Ua si, twv lom zem, noj ncuav…

* KEV UA SI.

– Ua si rau tus muaj hnub yug: Npaj ib cov nqe lus lom zem, caw cov muaj hnub yug los rho ntawv thiab ua raws li nqe lus ntawd hais.

– Kev ua si tsoos.

NRHIAV TUS YAJ UAS PLOJ.

– Tswvyim ua: Xaiv peb tus los nyob hauv lub voj voos (npog qhov muag), tus ua tus yug yaj, ib tus ua yaj, ib tus ua ma. Thaum nov tshuab ib xyu, tus yug yaj mus nrhiav yaj, mus phoom raug tus yaj ces yeej, phoom raug tus ma ces raug tshem tawm. Ceev faj: Suab yaj (be be), suab ma (gâu gâu) ob tus huv si yuav tsum mus ua plaub tes plaub taw.

NTES POB.

– Tswvyim ua: Tus coj sawv hauv lub voj voos kom suav txheej txheem 1,2,3… Txhua tus yuav tsum nco yus tus lej. Tus coj tuav ib lub pob (lossis ib txoj phuam muab khi cos). Muab lub pob pov rau saum nruab ntug thiab hu ib tus lej twg. Tus uas muaj tus lej ntawd yuav tsum dhia mus txais lub pob (kuj tib zaug hu 2-3 tus lej), leejtwg txais tsis tau yuav raug tshem tawm. Tus uas txais tau lub pob hloov tus coj chaw coj sawv daws ua si mus ntxiv.

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 23.03.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 23.03.2025

in H'MÔNG on 18 Tháng Ba, 2025

Hnub kaj 23.03.2025

  1. Ntsiab lus: TXOJKEV HLUB SIB RAUG ZOO.
  2. Vajluskub: Chivkeeb 3:9; 2Kevcai 6:4-5; Efexaus 2:10.
  3. Nqe cim: “Ib tsoom Yixalayees, nej ua tib zoo mloog, tsuas yog tus Tswv tib leeg xwb, thiaj yog peb tus Vajtswv. Nej yuav tsum hlub tus Tswv uas yog nej tus Vajtswv kawg siab kawg ntsws, kawg plab kawg plawv thiab kawg nej lub dag lub zog” (2Kevcai 6:4-5).
  4. Twv Vajluskub: Salumoos Tej Nkauj 1-4.
  5. Tus qauv: Coj kawm Vajluskub.

* TAW QHIA: Saib hnub kaj 26.01.2025.

Lus nug taw qhia: Nyeem Filipis 3:4-14; Xaiv ib feem hauv cov feem lus nug hauv qab no:

(1.1) Lus lug soj: Yav dhau los, Paulus yog ib tus neeg zoo li cas?

(1.2) Lus nug xav: Vim li cas Paulus saib qeg nws lub neej yav tag dhau los?

(1.3) Lus nug siv: Yav dhau los, puas muaj yam twg tau cuam tshuam tsis zoo rau koj lub neej niaj hnub no? Koj xav koj tau npaj los feem ntau yog yav dhau los lossis yav tom ntej ntawm koj? Vim li cas?

(2.1) Paulus tau nqhis nqhawv yam dabtsis suav txij thaum yawg lees paub tias tus Tswv tseem ceeb tshaj hauv yus lub neej?

(2.2) Raws li koj, yuav ua cas thiaj li paub tus Tswv, nyob hauv tus Tswv thiab zoo li Nws?

(2.3) Yam koj ntshaw tshaj hauv lub neej yog dabtsis? Koj ua dabtsis los txhawm rau koj txojkev ntshaw ntawd?

(3.1) Paulus ua dabtsis los npaj rau nws txojkev tau txais khoomplig yav tom ntej no?

(3.2) Txojkev sib tw txog kev nqua hu saum ntuj muaj lub ntsiab li cas?

(3.3) Koj tabtom nqeg peev lub neej, sijhawm thiab tej uas koj muaj rau qhov twg?

* NTAUB NTAWV PAB.

I. TAU TSIM LOS RAU TXOJKEV HLUB SIB RAUG ZOO.

Yog xav hais luv tag nrho phau Vajluskub Qub, ces nqe hais luv ntawd yuav tau piav qhia dhau nqe Vajluskub no: “Ib tsoom Yixalayees, nej ua tib zoo mloog, tsuas yog tus Tswv tib leeg xwb, thiaj yog peb tus Vajtswv. Nej yuav tsum hlub tus Tswv uas yog nej tus Vajtswv kawg siab kawg ntsws, kawg plab kawg plawv thiab kawg nej lub dag lub zog” (2Kevcai 6:4-5).

Vajtswv nqe lus nqua hu no tau piav qhia tshab plaws Vajluskub Qub. Moj yam ntawm Phau Vajluskub Tshiab kuj zoo ib yam nkaus li ntawd. Tswv Yexus tau rho nqe Vajluskub no hauv 2Kevcai los hais tawm nqe kevcai uas tseem ceeb tshaj hauv cov nqe kevcai: “Nej yuav tsum hlub tus Tswv uas yog nej tus Vajtswv kawg siab kawg ntsws, kawg plab kawg plawv thiab kawg nej lub dag lub zog” (Mal 12:30). Txhua yam hauv koj lub neej ntseeg Yexus, txog kev paub thiab muajxwm txog Vajtswv tus dej siab, puav leej yog nyob txij ntawm koj txojkev hlub kev sib raug zoo nrog tus Tswv. Yog koj txojkev hlub sib raug zoo ntawd tsis ruaj, txhua yam hauv koj lub neej puav leej tsis ruaj.

II. TAU TSIM LOS RAU TIAM IB TXHIS.

Vajtswv tsis tsim koj los rau lub sijhawm; nws tsim koj los rau lub neej ib txhis.

Paulus yog ib tus neeg Yudas tseem tseem thiab yog xeem Npeeyamees. Yawg coj raws nraim li cov Falixais txojkev cai uas yeej tsis muaj ib qhov yuav thuam tau li. Yawg yog ib tus uas kub siab ua Vajtswv haujlwm. Yawg ntsia tej ntawd zoo ib yam li tej quav nyab thiab kev poob peev. Paulus xav paub Tus Khetod thiab tau nyob hauv Nws kom tau lub neej kaj siab rau yav tom ntej (hauv ntuj ceeb tsheej). Yawg tsis nco qab lub neej qub tiamsis ntsia ntsoov rau lub neej tom ntej. Paulus ntsia ntsoov lub homphiaj tom ntej uas yog tau txais txojkev muaj yeej saum ntuj ceeb tsheej (Filipis 3:4-14).

Paulus txojkev ntshaw tiag tiag ces yog paub tus Khetod thiab dhau los zoo ib yam li Nws. Koj kuj muaj cuab kav muab koj lubneej tso rau Vajtswv ua tus coj kom los paub Nws, hlub Nws ib leeg thiab dhau los zoo ib yam li Nws. Cia koj lub neej nimno raug muab zuaj thiab npaj rau tej uas koj yuav tau muaj nyob hauv Yexus Khetod. Koj tau tsim los rau lub neej ib txhis! Koj yuav tau pib npaj koj lub neej rau Vajtswv tej homphiaj. Vajtswv lub homphiaj hla dhau lub sijhawm mus rau tiam ib txhis. Cia li tabpov tias koj tabtom nqeg peev koj lub neej, sijhawm thiab txhua yam uas koj muaj mus rau tej uas yuav mus ib txhis, tsis yog rau tej uas yuav dhau mus. Yog tsis pom tias Vajtswv tau tsim koj los rau tiam ib txhis, ces tej zaum koj tabtom nqeg peev yuam kev lawm. Koj yuav tsum khaws txhua yam cia rau saum ntuj ceeb tsheej (Mathais 6:19-21, 33). Ntawm no yog vim chij vim li cas txojkev hlub sib raug zoo nrog Vajtswv ho tseem ceeb npaum li ntawd. Tus Tswv hlub koj, Nws paub yam uas zoo tshaj rau koj. Tsuas muaj Vajtswv xwb thiaj coj tau koj txoj hau kev los nqeg peev rau yam muaj nuj nqis rau koj lub neej. Txojkev coj no yuav los thaum koj mus raws li Vajtswv coj thiab ua zoo mloog Nws lub suab.

LUS NUG XAV THIAB SIV

  1. Vim li cas peb yuav tsum “khaws txhua yam cia rau saum ntuj ceeb tsheej”?

2. Koj tau txais yam dabtsis hauv txojkev hlub sib raug zoo nrog Vajtswv?

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 23.03.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 23.03.2025

in H'MÔNG on 18 Tháng Ba, 2025

Hnub kaj 23.03.2025.

  1. Ntsiab lus: HNUB YUG QIB I.
  2. Vajluskub: Ntawv nkauj 66.
  3. Nqe cim: “Ps 66:16 Cov neeg uas hwm Vajtswv, nej cia los ntawm no, kuv yuav piav tej uas tus Tswv hais rau kuv lawm rau nej mloog.” (Ntawv nkauj 66:16).
  4. Twv Vajluskub: Yelemis 31-33.
  5. Tus qauv: Hnub yug – Qhuas – Ua tsaug.

* TAW QHIA: Hnub yug (Qhuas & Ua tsaug).

  1. Tshaj tawm cov uas muaj hnub yug ncaj rau cov hli (7,8,9) ua ntej ntawd ib Athiv. Txhab ntxiv cov uas tsis tau rau npe.
  2. Tus teev ntawv cob cov npe ntawd rau tus tuav nyiaj mus yuav khoom plig. Nco ntsoov tias khoom plig yuavtsum yuav tau dua li cov npe ntawd, faj thaum uas muaj lwm tus tuaj koom lawv muaj hnub yug ncaj rau qib ntawd thiab.
  3. Cov uas tsis nco hnub yug ces muab hnub uas sib yuav, ua kev cai rausdej, hnub los ntseeg Vajtswv …los ua hnub yug los tau.
  4. Yog npaj tau ces yuav ib lub ncauv hnub yug, loj me los nyob ntawm cov neeg coob lossis tsawg.
  5. Caw cov uas muaj hnub yug sawv los tim hauv ntej, dua li cov ces hu nkauj txhawb nqa lawv nub yug. Tom qab ntawd lawv sawvdaws koom tuav riam los txiav lub ncuav. Caw ib tus los thov Vajtswv tshwjxeeb pab rau lawv cov ntawd
  6. Caw qee leej los ua tim khawv, hu nkauj qhuas Vajtswv… nco ntsoov tias ua tim khawv yuavtsum ua raws qhov tseeb tsis txhob lam tau lam hais.
  7. Kev ua si, twv kom lomzem, txiav ncuav hnub yug…

* KEV UA SI RAU COV MUAJ HNUB YUG.

TAWS TSWM CIAB HNUB YUG.

– Npaj: Muab plhaub ntawv khov los sau tej yam uas xav kom lawv ua lomzem thiab muab kauv ua ib tus tswmciab. Muab kua nplaum los nplaum rau tom hauv ntej (cov tswmciab yuavtsum txhua rau cov uas muaj hnub yug ntawd).

– Tswvyim ua si: Tus coj kev ua si yuav caw ib tus zuj zug los nyias muab tswmciab thiab nthuav saib hauv ntawd sau dabtsi, ces nyeem kom nrov nrov rau sawvdaws mloog, tom qab ntawd ua raws lolus ntawd.

* KEV UA SI RAU SAWVDAWS.

NRHIAV TUS YAJ YUAM KEV.

– Tswvyim ua: Xaiv 3 tus los nyob rau hauv plawv vojvoog, muab phuam los npog qhov muag, ib tus ua tus tswv yug yaj, ib tus ua yaj, thiab ib tus ua hma. Thaum tus coj tias pib ces tus tswv yug yaj mus nrhiav yaj, yog kov raug tus yaj ces yeej, ho yog kov raug tus hma ces raug rho tawm.

* Ceevfaj: Yaj ces ua suab (be be), ho hma ces ua suab (gừ gừ…ư ư ư) ob leeg puavleej nkag hauv pemteb, ntev ntev tsua ua suab ib zaug kom tus tswv yug yaj thiaj paub.

CUG POB.

– Tswv yim ua: Tus coj sawv hauv plawv vojvoog thiab cia sawvdaws suav lej 1,2,3… txhua tus yuav tsum nyias nco nyias tus lej uas twb suav lawd. Tus coj yuav tuav ib lub pob (lossis ib txoj phuam muab kauv ua ib pob). Tus coj yuav pov lub pob lossis txoj phuam rau saum ub thiab hu ib tus lej twg, yog hu tug lej twg ces tus ntawd yuavtsum los cug lub pob (ib zaug hu 2-3 leej los tau). Yog leejtwg cug tsis tau ces yuav raug rho tawm. Tus uas txais tau lub pob yuav los hloov ua tus coj kev ua si thiab pib kev ua si ntxiv mus.

* HIỂU BIẾT THƯỜNG THỨC.

THANG.

Bắt thang để leo bạn đừng sợ thang trượt và phải nhờ giữ chân thang. Từ nay bạn chỉ cần đóng vào chân thang một miếng cao su ruột xe đạp chân thang sẽ không bao giờ trượt nữa. Nếu thang sắt thang nhôm thì bạn buột miếng cao su xung quanh chân thang.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 23.03.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 23.03.2025

in H'MÔNG on 18 Tháng Ba, 2025

Hnub kaj 23.03.2025

  1. Ntsiab lus: KAJ SIAB HLA DHAU TXOJKEV TUAG.
  2. Vajluskub: Loos 5:12; Henplais 9:27; 1Kaul 15:20-23; 55-57.
  3. Nqe cim: “Tus Tswv, txawm yog kuv taug txojkev uas txaus ntuj nti los kuv tsis ntshai dabtsi, rau qhov koj nrog nraim kuv” (Ntawv nkauj 23:4).
  4. Twv Vajluskub: Exekhees 37-39.
  5. Tus qauv: kawm Vajluskub pawg.

* TAW QHIA: Saib taw qhia Hnub kaj 19.01.2025.

Hauv no yog ib cov lus nug, koj kuj siv rau lub sijhawm kawm lossis siv los ua qauv.

  1. Nyeem Loos 5:12 thiab Henplais 9:27 cia paub:

(1) Tibneeg zam tsis dhau yam dabtsis?

(2) Vim li cas tibneeg yuav tsum hla dhau txojkev tuag?

(3) Txojkev tuag nrog rau koj zoo li cas xwb? Ntshai lossis kaj siab? Vim li cas?

  1. Nyeem 1Kaul 15:20-23; 55-57.

(1) Tus ntseeg Yexus cia siab rau yam dabtsis tom qab tuag?

(2) Vim li cas tus ntseeg muaj qhov chaw cia siab ntawd?

(3) Koj lub chaw cia siab yog dabtsis? Koj tabtom ua lub neej nrog txojkev cia siab ntawd li cas?

* NTAUB NTAWV PAB PWV.

Txhawj ntshai txojkev tuag yog ib qhov uas txhua tus neeg puav leej muaj. Tiamsis hauv txojkev ntseeg Vajtswv, tus ntseeg muaj cuab kav npaj txojkev thaj yeeb rau yus thaum sawv tabmeeg txojkev tuag, “txojkev uas tag nrho lub ntiajteb no yuav tsum tau mus dhau” nrog rau tej yam tseem ceeb hauv qab no:

  1. Lees thiab tuav ruaj txojkev ntseeg txog kev cawmdim. Paub tseeb tias yus twb tau cawmdim hauv Yexus Khetod lawm.

Peb ntseeg Vajtswv kom tau cawmdim, tiamsis qhov tseem ceeb tshaj yog tuav kev ntseeg kom ruaj hauv Yexus Khetod mus txog thaum kawg. Vim tuav kev ntseeg ruaj mus txog hnub kawg, Paulus hais yam tsis txhob txhawj dabtsis li thaum ze ze txojkev tuag! Yawg paub meej yus tau tus Tswv cawm thiab tau Nws tos mus nyob ceeb tsheej (2Tim 4:6-8). Tus tsis ntseeg Tswv thaum yuav tuag, lawv txomnyem heev li vim lawv lub siab tawm tsam lawv tej kev txhaum uas tau ua tag los, tshai txhawj tej kev txhaum nimno thiab ntshai txojkev txomnyem tom qab kev tuag. Tiamsis tus ntseeg Yexus Khetod txojkev cawmdim tau tabpov txhua phab. Txhais tias peb tau zam txim, cawmdim tsis hais yav tag los, nimno thiab ib yav tom ntej. Yog li txojkev Yexus tshem tawm peb tej kev txhawj ntshai huv si. Thiab coj txojkev thaj yeeb loj los rau peb thaum hla dhau txojkev tuag. Tus ntseeg Yexus yuav tsum tuav rawv yus txojkev ntseeg txojkev cawmdim uas yog muab Vajtswv Txojlus ua chaw txawb. Nyob txij ntawm txhua tus kev muajxwm, ib lees yuav tsum tuav muaj ib nqe Vajluskub rau nruab siab ua chaw tiag taw rau yus txojkev cawmdim. Tej nqe tseem ceeb xws li Yauhas 3:16; 3:36; 5:34; Loos 3:24-26; 8:1, 31-39; Efexaus 2:8; 1Yauhas 1:7…

  1. Paub meej tej kab ke txog txojkev tuag.

Tej kab ke Vajluskub txog kev tuag li twb hais saum, yuav pab tus ntseeg Yexus:

– Tau ruaj khov hauv kev ntseeg thiab ntxiv chaw cia siab tsis paub kawg rau Yexus Khetod tus uas sawv hauv qhov tuag rov qab los, thaum ntsia rau sab tod txojkev tuag yog lub caij thaum sawv ntxov pom kev kaj nrig.

– Paub meej yus lub chaw nyob ib txhis nrog tus Tswv.

– Paub meej tias tus ntseeg tsis raug txiav txim los ntawm Vajtswv tom qab tuag.

Cov nqe saum yuav pab tus ntseeg Yexus muaj lub chaw cia siab puv npo thaum mus rau txojkev “pw tsaug zog” ib ntus.

  1. Lees paub yus tes haujlwm hauv lub ntiajteb no.

Lub neej hauv ntiajteb no, tus ntseeg Yexus yuav tsum lees peb yam no:

– Ntuj ceeb tsheej thiaj yog tus ntseeg Yexus lub tebchaws tiag tiag, peb tsuas yog los ua qhua hauv ntiajteb xwb (Henplais 11:13-16).

– Txhua tus ntseeg nyob hauv ntiajteb no nrog rau tus Tswv lub luag haujlwm (Yauhas 17:18; Mathais 5:13-16).

– Tus Tswv yuav tos tus uas ua tiav tes haujlwm Nws cob rau raws li lub sijhawm Nws kom tseg (Tes Haujlwm 7:55-60).

Paub tej no yuav pab rau peb muaj kev kaj siab thiab tos ntshoov thaum tus Tswv hu rov mus tsev tsis hais thaum twg.

  1. Tuav ruaj tus Tswv tej lus cog tseg.

Tus Tswv tej lus cog tseg muaj ntau heev nyob hauv Vajluskub, peb yuav tau kawm nco thiab muab los xav kom muaj kev kaj siab thaum yuav dua mus dhau txojkev tuag (Nkauj 23; Yax 43:1-3; Yauhas 14:1-3,27).

  1. Paub tseeb tus uas yus tabtom ntseeg.

Kev paub tias Yexus Khetod yog tus uas kov yeej kev tuag thiab tuav yumsij kev tuag, tub tuag teb, yuav pab peb tsis ntshai txojkev tuag thaum hla dhau txojkev tuag nrog txojkev ntseeg ruaj khov (Tshm 1:17).

  1. Hais lus sib ncaim hauv txojkev ntseeg.

Nrog rau txojkev cia siab rau Vajtswv, ua ntej yuav tuag, Yausuas tau hais lus sib ncaim nrog cov Yixalayees txhua tus nrog rau tej lus qhuab ntuag kom yuav tsum tag siab ua Vajtswv haujlwm mus tag sim neej (Yausuas 24:14-15). Yakhauj kuj foom koobhmoov rau nws cov menyuam ua ntej yuav tuag (Chk 49). Peb puas npaj siab hais lus sib ncaim rau peb tsev neeg, txheeb ze, phoojywg ua ntej yuav mus so hauv Vajtswv lub tebchaws? Thiab peb yuav hais li cas?

Luag ntsia pom ntawm yawg Shakespeare (1564-1616), daim txiag pob ntxa muaj cov lus sau li no: “Kuv William Shakespeare, nyob hauv thaj tsam Straford Upon Avon, xyeem Warrick, ib tus neeg uas muaj dag zog thiab kev thoob tsib to nrog, Vajtswv yog tus uas tsimnyog qhuas kawg li, thov sau tsab ntawv xaus li no: Ua ntej kuv thov cob kuv tus ntsujplig rau tus Tswv txhais tes, Tus uas tsim kuv. Ntseeg thiab cia siab tias los ntawm tib txojkev uas yog Tswv Yexus, kuv tus Cawmseej, kuv twb zwm rau txoj sia ib txhis thiab kuv lub cev rov mus ua av uas yog muab av los ua…” (Knight’s Master Book of the New Illustration, p.13).

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 16.03.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 16.03.2025

in H'MÔNG on 11 Tháng Ba, 2025

Hnub kaj 16.03.2025

  1. Ntsiab lus: KEV QAUG ZOG THIAB NYAV SIAB.
  2. Vajluskub: Ntawv Nkauj 46:1; Hanpakus 3:17-19; Henplais 12:1-5.
  3. Nqe cim: “Tiamsis cov neeg uas cia siab ntsoov rau tus Tswv yuav muaj zog, lawv yuav nthuav tis ya ib yam li tus day. Thaum lawv khiav lawv yuav tsis qaug zog, thaum lawv mus kev lawv yuav tsis tsaug leeg” (Yaxayas 40:31).
  4. Twv Vajluskub: Exekhees 34-36.
  5. Tus qauv: Xam phaj.

* TAW QHIA: Xam phaj.

  1. Xaiv ib tus ua Elis thiab ib tus ua tus xam phaj.
  2. Sau raws li feem ntaub ntawv pab thiab feem Vajluskub ua chaw txawb, sau ntau nqe lus nug, lus teb thiab muab rau cov ua yeeb yam kawm nco. Cov lus nug teb yuav tsum luv, muaj txaus ntsiab lus, muaj lom zem kom rub tau neeg lub siab kom tus nug yooj yim nco tau cov ntsiab lus zajkawm Vajluskub.
  3. Caw ua ntej ib tus los xaus tus qauv xam phaj thiab hais luv tej uas kawm tau dhau zajxwm. Thov Tswv xaus (kuj caw tus raug xam phaj thov).

* TAW QHIA XAM PHAJ.

(Tom qab tus coj cai hais qhia tus qauv tsab kevcai pehawm, tus xam phaj sawv nram qab chaw pehawm los thiab Elis los sab nraum zoov los rau hauv tsev).

– Tus xam phaj (TXP): Au, nyob zoo yawg Elis!

– Elis: Nyob zoo cov Txiv tsev!

– TXP: Peb zoo siab heev vim tau koj teb lus tuaj saib peb ziag no. Sawv cev Pab Txiv tsev Pawg ntseeg, kuv muaj lus zoo siab txais tos koj. Ncab nraim rau lub sijhawm sib ntsib no, koj puas kam pab kom peb nkag siab txog “Txojkev qaug zog thiab nyav siab hauv lub neej” os yawg?

– Elis: Tau, nej yij meem nug, kuv yuav pab nej raws li qhov uas kuv twb tau saj dhau.

– TXP: Yawg, ua ntej thov cia peb nug tias “Yam dabtsis yoojyim ua rau tibneeg poob mus rau txojkev qaug zog, nyav siab?”

– Elis: Vim chij coj neeg mus rau kev nyav siab kuj tau nrhiav pom hauv peb phab li no: (1) Vim nyuaj dhau yus lub peevxwm lossis thaum lub cev qaug zog zig. (2) Txojkev kub siab tsis muaj lawm. (3) Hauv sab ntsujplig ntshai/tsis muaj zog/poob nkhas (bị khủng hoảng).

– TXP: Yog tus uas twb tau dhia dhau, thov koj txhais qhia ib feem zuj zus rau peb tau paub.

– Elis: Nyeem 1Vajntxwv 18, nej yuav pom tias thaum sawv ntxov mus txog tsaus ntuj, kuv siv tag nrho kuv lub zog los mus tawm tsam nrog 450 tus cev lus Npa-as thiab 400 tus cev lus Atates! Tom qab txojkev sib tw, kev muaj yog yog Vajtswv li, tiamsis kuv lub zog ntaug tag! Vim qaug zog heev thiaj ua rau kuv nyav siab tsis xav ua dabtsis.

– TXP: Yawg, thaum uas koj lub cev qaug zog zig, koj txojkev kub siab zoo li cas xwb?

– Elis: Hais txog qhov no mas txaj muag heev! Thaum ntawd kuv txojkev kub siab tsuag tag lawm. Kuv tsis khov li thum sawv ntxov, kuv tsis muaj lub siab tawv ib yam li thaum uas sawv tabmeeg tej cev lus cuav. Thaum ntawd kuv ntshai heev! Kuv txhawj ntshai vim tej lus hem ntawm poj vajntxwv Yexanpees, kuv pom tias zoo li kuv swb thiab tsuas muaj kuv ib leeg xwb, kuv tag kev cia siab rau txojkev twg…

– TXP: Yawg Elis, kuv pom tias tej xwm tshwmsim tsis zoo li tej uas koj ntshai?

– Elis: Yog lawm cov phoojywg, thaum txojkev kub siab tsis muaj lawm, tibneeg pheej lam tau lam xav thiab txhawj ntshai… thiab ua rau kuv ntshai heev.

– TXP: Txawm yog thaum ntawd koj lub cev thiab txojkev kub siab tsis muaj lawm, tiamsis koj sab ntsujplig ne li cas xwb?

– Elis: Kuv nyav siab tsis tsuas yog sab nqaij tawv qaug zog xwb, tiamsis vim txojkev ntshai, tsis cia siab rau Vajtswv lawm. Kuv pom tsuas tshuav kuv tibleeg tawm tsam nrog yeeb ncuab. Kuv ntsia tsis pom tias Vajtswv tabtom tuav tswj txhua yam.

– TXP: Yog li, raws li tej uas koj piav qhia mas txojkev qaug zog siab muaj los ntawm ntau yam vim chij thiab muaj kev sib cuam tshuam ua ke puas yog?

– Elis: Yog lawm tus neeg uas qaug zog tsis xav ua haujlwm tsis tsuas yog tib qhov vim chij xwb, tiamsis tseem cuam tshuam txog lwm yam teebmeem thiab. Xws li thaum lub cev qaug zog yuav ua rau tsis muaj kev thov Vajtswv, vim li ntawd sab ntsujplig kuj qhuav ntsws thiab dhau los qaug zog sab ntsujplig huv si.

– TXP: Yawg, puas muaj lub cim twg tau ua tshwm sab nraud kom ntsia paub tias ib tus neeg tabtom qaug zog.

– Elis: Muaj hos, nej yuav ntsia paub dhau tej cim no: (1) Tub nkees, tsis quav ntsej txog yus tus kheej thiab lwm tus. (2) Khiav nkaum, tsis kam ntsib lwm tus, tsis xav nrog leejtwg sib tham li. (3) Ua txuj tsis paub plaub, tsis kam ua haujlwm. (4) Tso tses, kam swb rau txhua yam.

– TXP: Raws li yawg, nqi zog ntawm txojkev qaug zog yog dabtsis?

– Elis: Tsis zoo rau lub dag zog. Vim nruj heev pheej ua rau neeg npau taws, no yog teebmeem pheej ua rau luag mob ib sab taubhau thiab mob rwj. Txojkev txhawj xeeb ntau dhau yoojyim ua rau tibneeg mob ntshav siab thiab mob plawv. Thaum qaug zog heev, dhuav tsis xav ua yam twg, tag kev cia siab lawm yuav coj neeg mus rau txojkev…

– TXP: Txaus ntshai ua luaj! Txojkev qaug zog tsis zoo rau lub dag zog thiab neeg lub cev. Yog li ntawm sab ntsujplig raug cuam tshuam li cas?

– Elis: Nej puas paub, txojkev qaug zog tsi yog tsis zoo rau lub zog xwb, tsis tseem cuam tshuam tsis zoo txog sab ntsujplig thiab, ua rau peb dhau ua tus neeg tsis muaj zog, zoo ib yam li yam cuab yeej uas tsis zoo rau Vajtswv siv lawm.

– TXP: Thov koj qhia peb seb puas muaj lub tswvyim twg los pab tau tus neeg qaug zog, nyav siab?

– Elis: Lub tswvyim zoo tshaj kuv kawm tau yog tus Tswv lub dhau ntawm tes haujlwm Nws tu kuv. Thaum uas kuv qaug zog, nyav siab vim lub zog ntaug, ces tus Tswv txib timtswv xa ncuav, dej los rau kuv. Vim muaj khoom noj, tau pw so, kuv thiaj rov muaj zog tuaj. 

– TXP: Yawg, yog li ntawd puas muaj ib txoj haukev twg yuav pab tau kom txojkev qaug zog, nyav siab txhob los raug peb?

– Elis: Kom zam dhau txojkev qaug zog vim ua haujlwm ntau yuav tau ceev faj txog: Tshwj qhov uas maj ceev heev, tsi txhob “siv zog ua… ntxiv mentsis!” Yuav tsum paub tias neeg lub zog txawj ntaug, yuav tsum muaj so kom muaj lub zog tshiab. Hauv txojkev ua si, txhob nov qab pab pwv rau sab ntsujplig thiab, vim hauv kev qaug zog ntawm sab nqaij tawv tej kuj muaj “kev txhaum me me” ua rau peb sab ntsujplig ntsws. Txhua hnub cia siab rau Vajtswv, ua neej rau hauv Nws lub zog tshiab.

– TXP: Yawg. Yog tias qaug zog vim txojkev kub siab tsis muaj lawm ces yuav ua li cas?

– Elis: Yog tias nrog rau tus neeg uas nyob hauv txojkev txhawj ntshai, nej kuj pab kom lawv kawm paub txog tus Tswv tej lus cog tseg Vajtswv yeej nyob nrog nraim, pub kev thaj yeeb thiab kev so hauv Nws. Cia siab rau Vajtswv tej lus cog tseg hauv cov nqe Vajluskub xws li Ntawv Nkauj 46:1; Yaxayas 43:13; Ma-thais 11:28…

– TXP: Nrog rau tus uas nyav siab vim ua tsis tiav homphiaj, poob peev loj ces yuav ua li cas?

– Elis: Nej pab kom lawv paub tias: Hauv txhua yam xwm uas tshwm muaj, Vajtswv muaj lub zoo homphiaj rau tus uas hlub Nws. Vajtswv ua siab ntev rau lawv tej kev mob siab thiab pub txojkev cawmdim rau lawv. Cia li muab txhua yam tso rau Vajtswv ua tus saib xyuas (Nkauj 68:19; 37:5; Loos 8:28).

– TXP: Yawg, nrog rau tus uas qaug zog vim siab me ntshai, twg kev thiab tsis muaj chaw cia siab ces yuav pab lawv li cas?

– Elis: Pab kom lawv paub tias lawv yog tus uas tau Vajtswv cawm kom muaj nuj nqis rau Nws (Yax 43:4-5). Yuav tsum paub tias hauv Tus Muaj sia nyob, peb txojkev cia siab yeej tsis poob ib zaug li. Cia siab ntsoov rau Vajtswv tus uas tsis hloov (Henplais 12:2; 13:8).

– TXP: Yuav ua li cas los tawm tsam txojkev qaug zog vim txojkev ntseeg poob qeg, yawg?

– Elis: Lees txim rau tus Tswv, thov kev zam txim. No yog qhov tseem ceeb kom peb rov tsuas dua txojkev sib raug zoo nrog Vajtswv, thiab rov nrhiav tau yam tshiab, thaj yeeb rau ntsujplig (Nkauj 32:5; 1Yauhas 1:7-8). Ob, tu nrho txojkev txhaum uas pheej nyiam ua (Henplais 12:1-5). Peb, thov Vajtswv pab kom peb ua taus siab ntev, thiab paub nyoo tus Tswv rau hauv txhua yam (Henplais 3:17-19).

– TXP: Yawg, ua koj tsaug ntau heev uas tau pab peb nkag siab meej dua txog txojkev qaug zog hauv lub neej. paub meej tej no peb yuav pab tau kom tus kheej, lwm tus txhob poob mus rau txojkev qaug zog, thiab tawm hauv txojkev qaug zog los txais lub neej tshiab, zoo siab, kaj siab.

Tus coj cai: Peb nyaum qhuav mloog tus cev lus Elis piav qhia txog txojkev qaug zog, nyav siab hauv lub neej. thov Vajtswv pab kom peb txawj cia siab rau Nws thiab nrhiav tau yam tshiab, thaj yeeb rau peb sab ntsujplig txhua hnub. Caw txhua tus sawv thiab caw yawg thov Tswv rau Pab Txiv tsev.

  • Xaus.
  1. Txojkev qaug zog, nyav siab muaj los ntawm peb yam vim chij: Lub zog ntaus ntawm sab nqaij tawv, txojkev kub siab tsuag thiab txojkev ntseeg tsawg lossis poob qeg.
  2. Kev qaug zog nyav siab yuav cia peb pom dhau tej yam ntxwv xws li: Tsis tu tus kheej, tsis ua haujlwm, nyob nkaum nkoos, tsav deb lwm tus thiab cim civ thim rov rau txhua yam. Thaum uas qaug zog, nyav siab nyav heev lawm, yuav ua rau ib tus neeg cim civ tua nws tus kheej.
  3. Tej tswvyim uas yuav tsum tau muaj los tawm tsam txojkev nyav siab: (1) So, pab pwv dag zog. (2) Cia siab rau Vajtswv thiab nrhiav kev thaj yeeb, lub zog tshiab hauv tus Tswv txojlus. (3) Lees txim, nrhiav kev zam txim thiab nyob hauv tus Tswv txojkev hlub nkaus nkaus, kawm xyaum tsaus siab rau txhua yam txhua sijhawm.

LUS NUG XAV THIAB SIV.

  1. Yuav ua li cas kom kov yeej txojkev qaug zog?
  2. Hauv lub neej txhua hnub, yam dabtsis ua rau koj qaug zog? Koj ua dabtsis thaum qaug zog?
CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 16.03.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 16.03.2025

in H'MÔNG on 11 Tháng Ba, 2025

Hnub kaj 16.03.2025.

  1. Ntsiab lus: MIKHAS – TUS CEVLUS TXOG TUS VAJNTXWV THAJYEEB YUAV LOS.
  2. Vajluskub: Mikhas 4:1-5; 7:7-20.
  3. Nqe cim: “Thaum nws los, tus TSWV uas yog Vajtswv yuav pub tus TSWV lub dag lub zog thiab lub hwjchim rau nws kav nws haivneeg.” (Mikhas 5:4a).
  4. Twv Vajluskub: Yelemis 28-30.
  5. Tus qauv: Tshawb nrhiav

* TAW QHIA: Tshawb nrhiav.

Caw ib tus thawjcoj, lossis xibhwb uas muaj kev totaub txog sab ntsujplig los Tshawb nrhiav txog lub ntsiab lus “MIKHAS – TUS CEVLUS TXOG TUS VAJNTXWV THAJYEEB YUAV LOS” thiab coj los qhia rau cov niamtsev.

I. QHIA TSHWM.

Lub npe Mikhas txhais tias “Zoo li tus TSWV”. Mikhas nyob rau tiam uas Yaxayas. Nyob rau lub zos Mauleses, ib lub nroog me sab qab teb ntawm Yeluxalees. Vajtswv hu nws los ua tus cevlus rau xyoo 740-690 UY

Nyob rau tiam Mikhas, lub tebchaws Axilias yog lub uas txaus ntshai rau tebchaws Yixalayees. Mikhas coj Vajtswv Txojlus los ceeb toom rau haivneeg Yixalayees, tshwjxeeb yog hais txog kev ncaj ncees ntawm kev ua neej. Tej uas Mikhas cevlus muaj ob yam tseemceeb: (1) Hais txog kev puas tsuaj ntawm tebchaws Yixalayees thiab kev ua cev qhev ntawm tebchaws Yudas. (2) Hais txog tus Mexiyas lub tebchaws yuav los. Tiamsis qhov tshwjxeeb dua ntais ntawm Mikhas tej lus yog hais txog tus Mexiyas los tshwm ob zaug, Nws yog tus Cawmseej thiab yog Vajntxwv ntawm txhua tus vajntxwv.

II. ZAJ KAWM.

  1. Mikhas tej lus ceeb toom thiab cov Yixalayees tej kev txhaum.

Nyob rau tiam ntawd, haivneeg Yixalayees ua txhaum loj kawg nkaus li, tshwjxeeb yog cov nomtswv thiab cov saib xyuas kev pehawm. Lawv tej kev ua txhaum muaj li nram qab no:

(1) Ntshaw luag tug: Txog qib uas mus huab pejxeem teej tug huv tibsi li (2:2,9). Lawv hla nqe 10 ntawm Vajtswv 10 nqe kevcai (Khiavdim 20:17).

(2) Yuam tej pejxeem ua qhev kawg zog li (3:2-3).

(3) Noj nyiaj xiab (3:11). Vajtswv yeej twb ceeb toom rau lawv lawm (3:9-10).

(4) Saib tsis taus tej neeg pluag thiab ua neeg dag (6:12).

Dhau los ntawm tej uas peb soj tas los no, peb pom txog tias lub sijhawm ntawd lawv lub tebchaws yog ib lub uas puv npo kev phem kev qias, tsis muaj ib txojkev ncaj ncees li, niaj hnub yuam tej pejxeem dag zog noj. Yog ib lub tebchaws uas tsimtxom tej pejxeem los ntawm lub meej mom uas lawv tau, hla Vajtswv txojkev ncaj ncees! Vim li ntawd Mikhas cevlus txog kev txiav txim yuav los. Lawv yuav raug Vajtswv rau txim rau lawv, yuav raug foom thiab lub tebchaws yuav tsis muaj neeg nyob: (6:13). Lolus no qhia rau peb paub tias tus uas saib tsis tau Vajtswv txojkev ncaj ncees yuav tau txais tej uas quaj ntsuag los rau yus tug kheej. Qhov no ceeb toom kom peb paub ua peb lub neej txhua hnub kom ncav cuag tej uas Vajtswv xav tau (6:8).

  1. Cev lus txog tus Mexiyas.

Hais txog tus Mexiyas, Mikhas hais muaj ob zaug uas Nws los (4,5):

(a) Los zaum ib. Hauv (5:1-2) Mikhas hais txog thaj chaw uas Nws yug: Npelehees (Mat 2:1-6); Nws coj lub npe tias Tus Tswv Yug haivneeg Yixalayees (Yauhas 10:11); Nws yog tus uas yeej ib txwm muaj nyob lawm (Yauhas 1:1); Nws yug los ntawm Daviv cajceg (Mat 1:18-23). Txhua lolus no yeej muaj tiav raws nraim li qhov uas tus Tswv Yexus los yug ua ntej no 2000 xyoo los lawm.

(b) Los zaum ob: Tus Mexiyas los zaum ib yog los ua tiav txojkev cawmdim. Tiamsis zaum ob no Nws los yog los ua Vajntxwv coj kev thajyeeb los rau haivneeg Yixalayees thiab lub ntiajteb no (5:3-4). Hauv tus Mexiyas lub tebchaws uas Nws kav muaj ob yam:

(1) Kev thajyeeb: (4:3).

(2) Kev ncaj ncees: (4:2).

Ob yam ntawd puav leej yog ob yam uas txhua lub tebchaws puavleej ntshaw thiab xav tau ntag.

  1. Kev ntseeg thiab tes haujlwm.

Txawm paub tias tus Tswv yuav rau txim rau haivneeg Yixalayees, lawv yuav raug nplawm mus rau txhua lub tebchaws, tiamsis dhau los ntawm cov lus cev uas hais txog tus Mexiyas yuav los no, Mikhas totaub txog Vajtswv txojkev cawmdim rau haivneeg Yixalayees kuj ib yam li kev txiav txim ncaj nceeg rau txhua lub tebchaws huvsi. Mikhas tso siab plhuav rau Vajtswv vim Nws totaub tias:

(1) Nws yog tus Cawmseej: (7:7-8).

(2) Nws yog tus uas muaj kev hlub: (7:18-20).

Los ntawm txoj kev cia siab no, Mikhas thiaj coj tej lus uas nplig haivneeg Yixalayees siab vim tus Tswv yuav cawm lawv tom qab uas Nws nplawm lawv. Nws nqua hu kom lawv cia li thov tus Tswv es thiaj tau txais tus Tswv txojkev zam txim.

Dhau los ntawm Mikhas txojkev cia siab, peb kawm tau 3 yam:

– Vajtswv yog lub chaw rau peb txojkev ntseeg.

– Txawm muaj kev ntseeg los kuj cheem tsum kev ua siab ntev tos txog hnub uas Nws teb tej lus thov.

– Tus uas muaj kev ntseeg tso siab rau Vajtswv, yeej tsis tu ncua kev zoo siab thiab kev cia siab hauv tus Tswv txojkev cawm dim li.

Xaus lus ces peb pom tias Mikhas cevlus txog 3 lub ntsiab lus tseem ceeb: Qhov uas rau txim rau tebchaws Yixalayees ces yog qhov uas lub tebchaws uas yog tus Mexiyas yuav los cawm kom lawv dim ib hnub tom ntej. Mikhas tes haujlwm tau ceebtoom rau tus Tswv haivneeg tiamsis kuj coj kev cia siab los rau tus Tswv haivneeg. Peb tseem tab tom nyob rau tiam uas puv npo kev txhaum, kev phem kev qias thiab tsis ncaj ncees yeej tsis txawv tiam uas Mikhas nyob ntawd thiab txhua tus puavleej tseem niaj hnub quaj ntsuag, tas kev cia siab. Dhau ntawm tus Tswv Yexus lawm yeej tsis muaj leejtwg yuav coj tau kev thajyeeb, kev ncaj ncees tiag tiag los rau tibneeg li. Yog li ntawd qhov uas coj Tswv Yexus txojkev cawmdim mus rau lwm tus kom lawv muaj kev cia siab thiab cia siab tias ib hnub tom ntej tus Vajntxwv tswjhwm kev thajyeeb yuav los yog ib tes haujlwm ntawm peb txhua tus uas ntseeg huvsi (Tes haujlwm 1:8-11; 2Timautes 4:1-5).

III. LUS NUG XAV THIAB SIV.

  1. Tshawb nrhiav txog tiam Mikhas nyob ntawd haivneeg Yixalayees tej kev txhaum zoo li cas (2:1-2; 3:1-12; 6:9-12).
  2. Mikhas ceebtoom dabtsi rau tus Tswv haivneeg uas tab tom tsau tsawv hauv txojkev txhaum? (6:9-16).
  3. Mikhas cevlus li cas txog tus Mexiyas yuav los? (4:1-3; 5:1-8).
  4. a. Mikhas paub txog Vajtswv yog leejtwg? Mikhas muaj kev cia siab rau Vajtswv li cas? (7:7-8,18-20).
  5. Nws coj kev nplig siab, kev cia siab li cas los rau Vajtswv haivneeg? (7:14-19).
  6. Mikhas tes haujlwm txhawb txhua tus ntseeg niaj hnub nim no txog yam haujlwm twg? (Tes haujwlm 1:8; 2Timautes 4:1-5).
  7. a. Koj puas yuav qhia kom lwm tus paub txog tus Tswv thiab ntseeg Nws?
  8. Koj puas tseem yog tus tab tom tos hnub uas tus Tswv Yexus rov los?
  9. Koj yuav qhia txog yam dabtsi rau tus uas tseem nyob hauv txojkev txhaum?

* HIỂU BIẾT THƯỜNG THỨC.

– Tẩy Các Vết Bẩn Trong Nhà Bếp.

Các vết bẩn trong nhà bếp là sự kết hợp của sức nóng, dầu mỡ, khói và bụi. Nếu không biết cách rất khó tẩy sạch. Xin mách bạn cách sau đây:

+ Lau bằng nước xà phòng gạch men.

+ Nhúng bông hoặc giẻ mềm vào cồn 90 độ chùi các mặt kim loại có sơn của tủ lạnh, tủ đựng thức ăn, lò nấu, lò nướng, lò vi ba.

+ Ngâm vào giấm những dụng cụ nhà bếp khác bị vết cháy khét như dao, vĩ nướng…

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 09.03.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 09.03.2025

in H'MÔNG on 5 Tháng Ba, 2025

Hnub kaj 09.03.2025

(Hnub kaj ntawm cov pojniam ntseeg Txojmoo zoo)

  1. Ntsiab lus: KEV UA ZOO NKAUJ.
  2. Vajluskub: 1Petus 3:3-4; 1Timautes 2:9; 4:7-8; 1Xamuyees 16:7; Pajlus 11:22; 31:30.
  3. Nqe cim: “Tsis yog li ntawd, qhov uas nej zoo nkauj yog qhov uas nej muaj lub siab dawb siab zoo thiab paub cai, thiaj yog qhov uas Vajtswv pom hais tias muaj nqis” (1Petus 3:4).
  4. Twv Vajluskub: Exekhees 31-33.
  5. Tus qauv: Piav qhia.

* TAW QHIA: Saib taw qhia Hnub kaj 02.02.2025.

* NTAUB NTAWV PAB PWV.

  1. Tus ntseeg Yexus nrog rau txojkev ua zoo nkauj.

Peb xav li cas rau cov lus hauv qab no:

  1. Kev ua zoo nkauj thiab coj tej khoom zoo nkauj puas yog ib qhov uas phim rau tus ntseeg Yexus?

Ib qhov uas peb yuav tsum tau ceev faj yog kev coj tej khoom zoo nkauj yeej tsis yuam kev li. Tiamsis lus nug yog coj tej khoom zoo ua zoo nkauj li cas? Nrog rau lub homphiaj twg? Lus qhuab ntuag hauv 1Timautes 2:9; 1Petus 3:4 cia rau tus ntseeg Yexus pom meej qhov tseem ceeb tshaj yog kev ua zoo nkauj sab hauv. Yog li ntawd, tsis tau txhais tias cia peb tso plaub hau ntxhov vos, khaub ncaws ntuag kaj niab, lub cev qias neeg ntsuav. Txhua tus yug los puav leej tau Vajtswv pub zoo nkauj sib txawv. Txhua tus muaj feem tu yus lub cev, ua kom yus zoo nkauj tshaj tej uas twb muaj yais, txawm li  ntawd los kev ua zoo nkauj ntxiv tsuas yog yam txhab ntxiv xwb. Vim li ntawd, nrog rau cov laus hluas, kev thas qhaub piab rau koj ntsej muag tshiab me ntsis tuaj yeej tsis yuam kev. Tiamsis yog siv tsheej txoog teev rau kev ua zoo nkauj, ua rau txojkev zoo nkauj thaum xub thawj tsis muaj lawm mas yog ib qhov uas tsis tsimnyog nrog rau tus saib. Kev ua zoo nkauj sab hauv yog yam tseeb ceeb. Muaj ib txojkev xav yuam kev yog hais tias luag zoo nkauj vim muaj qhaub piab thiab xim pleev di ncauj. Tshwj xeeb yog cov menyuam hluas uas nyaum qhuav hlob, nyiam ua zoo nkauj, yog siv xim pleev di ncauj ntau dhau, yuav tsis ua kom yus zoo nkauj tuaj, tiamsis tseem yuav ua rau yus sab di ncauj uas liab pab txiv duaj thaum xub thawj ploj mus, yuav khuv xim heev li! Nco ntsoov, tej khoom ua zoo nkauj muaj tshuaj txhaum ntau heev, yog ntau dhau tsuas yog muaj tsis zoo rau koj sab nplhu xwb.

Muab hais los, kev ua zoo nkauj yog kev ywj pheej ntawm ntiag tus. Coj tej kauj kub yeej tsis yuam kev. tiamsis yog coj tej ntawd los khav rau ntiajtog qaum peg xwb ces tsis tsimnyog, yuav tsum tau zam. Tshaj ntawd, nrog rau txojkev phem lim hiam niaj hnub no, coj tej nyiaj coj kub kuj phomsij rau yus tus kheej! Yog li peb kuj yuav tsum tau paub feeb coj tej khoom zoo nkauj kom phim tej thaj tsam thiab sijhawm, kom tsis ua rau lwm tus yuam kev vim yus.

  1. Kho zoo nkauj puas yuam kev?

Niaj hnub no kev txawj ntse ua tau zoo heev rau phab uas kho dua tibneeg lub cev kom zoo nkauj. Nws zoo heev rau cov neeg uas nkhis ncauj, qhov muag ntsia tsi tau ncaj lossis txhav tes txhav taw… Tiamsis ib tus neeg pheej tshaj puas tsimnyog yuav kho dua yus lub cev? Kom nrhiav lus teb rau nqe no, koj yuav tsum teb tiag tiag rau kuv dhau cov lus nug hauv qab no: Kev kho no puas cheem tsum heev? Homphiaj twg? Lub zog twg rub kuv mus tsev kho zoo nkauj? Yog kev teb ntawm koj phim rau tus ntseeg uas hwm Vajtswv, ces ntawd yog qhov uas tsimnyog koj ua. Yog tsis li, koj yuav tsum tau saib dua tsam tau tus mob “Nyiam kho” lossis koj yuav dhau “ua cev qhev rau niav riam”!

  1. Peb tus cooj pwm.

Nrog rau kev ua zoo nkauj, hauv txojkev ntseeg Yexus, peb xeem mus rau tej yam hauv qab no:

– Nrhiav kev ua zoo nkauj sab heev, tsim tawm txojkev dawbhuv, ua zoo, tsis hais lus ntau, txo hwjchim.

– Saib kev ua zoo nkauj sab nraum yog yam uas txhab ntxiv xwb. Ua zoo nkauj kom: Yooj yim, phim, ua rau Vajtswv tau ntsej muag.

Hais luv

  1. Nrog rau tus ntseeg, kev ua zoo nkauj sab nrau tsis tseem ceeb, sab hauv thiaj tseem ceeb.
  2. Ua zoo nkauj rau sab hauv cheem tsum vim:

– Vajtswv ntsia pom neeg lub siab.

– Vajtswv pub koobhmoov rau tus uas txo hwjchim.

– Txojkev zoo nkauj sab hauv tsis paub ntsws mus thiab muaj nuj nqis tabmeeg Vajtswv.

– Txojkev zoo nkauj sab hauv ua rau sab nraum yim zoo nkauj tuaj.

  1. Tej yam uas peb yuav tsum tau siv zog ua kom loj hlob yog kev dawbhuv, txo hwjchim, ua twb ywm yog tej uas muaj nqis rau Vajtswv.
  2. Kev ua zoo nkauj sab nraum ntawm tus ntseeg yuav tsum pheej tshaj, tsis yuam kev thiab phim yus txojkev ntseeg.

LUS NUG XAV THIAB SIV.

  1. Yax 3:18-24: Vajtswv ceebtoom rau Nws haiv neeg txog yam dabtsis? Vim li cas? Yog li ntawd kev ua zoo nkauj los neeg txhais tes ua puas yog txojkev zoo nkauj uas nyob mus ib txhis?
  2. Pajlus 11:22; 31:30: Tus yam ntxwv thiab lub siab hwm Vajtswv cuam tshuam li cas txog tibneeg txojkev zoo nkauj, tshwj xeeb yog cov pojniam. Yog li ntawd, kev muaj nqis ntawm txojkev zoo nkauj yog dabtsis?
  3. Koj tabtom nrhiav txojkev zoo nkauj twg? Dhau koj lub neej txojkev zoo nkauj twg ci dua? Koj tabtom ua kom loj hlob tus yam ntxwv zoo twg rau txojkev zoo nkauj sab hauv?

Chuyên Mục