Chuyên mục: HMÔNG

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 26.01.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 26.01.2025

in HMÔNG on 10 Tháng Hai, 2025

Hnub kaj 26.01.2025

  1. Ntsiab lus: VAJTSWV HAIS DHAU COV PEJ XEEM.
  2. Vajluskub: Khiav Dim 3:1-14; 4:10-15.
  3. Nqe cim: “Vajtswv nrog Mauxes tham thiab hais rau Mauxes lais tias, “Kuv yog tus, Tswv” (Khiav Dim 6:2).
  4. Twv Vajluskub: Paj Lus 16-20.
  5. Tus qauv: Coj kawm Vajluskub.

* TAW QHIA: Coj kawm Vajluskub.

  1. Caw tus neeg coj kawm Vajluskub.
  2. Tus coj kawm, saib raws li feem Vajluskub thiab feem Ntaub ntawv pab los sau lus nug kawm raws li ib txojlw twg.
  3. Txog sijhawm kawm, tus qhia yuav rho tawm ntau nqe lus nug los pab kom cov kawm ntsia pom tej xwm txheej, txhais thiab pab lawv siv rau hauv lub neej.
  4. Tus qhia tsuas tau siv txojlw nug teb, lossis sib tham.
  5. Thov sau 2-3 feem lus nug, ib feem twg muaj 3 nqe: Xwm txheej, xav thiab siv.

* Lus nug pab pwv:

(1.1) Lus nug xwm txheej: Lub cim twg cia pom Vajtswv tshwm los rau Mauxes? (Khiav Dim 3:2-6).

(1.2) Lus nug xav: Yuav ua li cas koj lees paub tias Vajtswv tabtom hais lus rau koj?

(1.3) Lus nug siv: Koj puas xav kom tau ntsib tus Tswv raws li Mauxes ntsib? Vim li cas?

(2.1) Lus nug xwm txheej: Mauxes tau hais daws yawg zaj li cas thaum tus Tswv txib yawg mus cawm cov Yixayees hauv tebchaws Iziv? (Khiav Dim 3:11-14).

(2.2) Lus nug xav: Raws li koj, Mauxes pom tau li cas thaum Vajtswv cawm cov Yixayees dhau los ntawm yawg?

(2.3) Lus nug siv: Hauv Khiav Dim 4:10-12, koj txais tau zajkawm li cas rau koj lub neej sab ntsujplig?

(3.1) Lus nug xwm txheej: Koj hais luv txog Mauxes txojkev ntseeg ib yam li tau sau qhia hauv Henplais 11:24-29?

(3.2) Lus nug xav: Vajtswv xav siv koj los ua Nws haujlwm, tiamsis koj ho tsis xav mus raws li Nws coj. Vim li cas?

(3.3) Lus nug xav: Koj yuav nqeg tes kho dua tej yam twg hauv koj lub neej kom tau los koom ua Vajtswv haujlwm?

  1. Tus cojkawm xaus. Thov Tswv.

* NTAUB NTAWV PAB.

Vajtswv puas tseem hais lus dhau cov ntseeg rau tiam peb nyob no tiag? Nws puas qhia tshwm thaj chaw uas Nws tabtom ua haujlwm, thaum Nws xav siv peb? Hais! Vajtswv tsis hloov. Nws tseem hais lus rau Nws haiv neeg.

  1. Vajtswv hais lus dhau ntau txoj haukev sib txawv.

“Thaum ub muaj ntau zaus Vajtswv ua li ub li no qhia cov uas cev Vajtswv lus kom lawv qhia rau peb cov yawgkoob paub tej uas Vajtswv hais” (Henplais 1:1). Ib yam muaj tseeb uas peb ntsia pom tshab plaws Vajluskub yog tus Tswv hais lus rau Nws haiv neeg. Hauv tiam Phau Qub, Vajtswv tau hais dhau:

  • Cov timtswv (Chivkeeb 16:1-16).
  • Tej xwm neeg qhov muag ntsia pom (Chivkeeb 15:1-21).
  • Kev ua yos toog (Chivkeeb 28:10-19).
  • Qhov uas siv Ulees thiab Thumees (Khiav Dim 28:30).
  • Tej haujlwm uas muaj tus yam ntxwv li lub cim (Yelemis 18:1-10)
  • Lus ntxhi (1Vajntxwv 19:12).
  • Tej txujci tseem ceeb (Khiav Dim 8:20-25) thiab lwm yam haujlwm ntxiv…

Tej uas Vajtswv tau siv lus cev nws tej lus hauv tiam Phau Qub tseem tsis tau yog yam tseeb ceeb dua ntais. Qhov uas tseem ceeb tshaj yog Nws tau hais. Cov neeg uas nov Nws hais paub tias ntawd YOG Vajtswv lub suab, thiab lawv paub tias Nws tabtom hais dabtsis.

  1. Paub Vajtswv lub suab los ntawm ntiag tus.

Muaj plaub qhov tseem tseem rau txhua zaug uas Vajtswv tau hais lus hauv tiam Phau Qub. Mauxes tsob pos uas cig hluav taws hauv Khiav dim 3:1-22 yog ib qhov pivtxwv.

  1. Vajtswv lub suab hais rau Nws haiv neeg haiv neeg tshwj xeeb heev, muaj ib tsis muaj ob.

Thaum uas Vajtswv hais lus mas yam ntawd pheej yog ib yam uas muaj ib tsis muaj ob nrog rau tus ntawd ntiag tus. Pivtxwv, Mauxes yeej tsis tau pom dua tsob pos uas cig hluav taws ib zaug li. Yawg yeej hais tsis tau tias: “U, ntawm no yog yam uas kuv yeej ib txwm tau pom dua los lawm. Kuv cov yawg koob uas yog Anplaham, Ixaj, Yakhauj puav leej pom ib yam kuv pom thiab”. Yeej tsis tau muaj leejtwg paub dua txog qhov uas Vajtswv hais lus li no. ntawd yog ib yam uas tsis muaj zaum thib ob ib zaug li, vim Vajtswv xav kom peb tau saj Nws, thiab Nws lub suab yuav tsum yog rau peb ntiag tus. Nws xav kom peb ntsia Nws los ntawm txojkev sib raug zoo heev dua li qhov uas ua kom paub tob txog ib txojlw twg. Yog tias niaj hnub no Mauxes tseem muaj sia, tej zaum yawg yuav sau ib phau ntawv muaj lub npe tias “Tsob pos uas cig hluav taws”. Thiab thoob plaws hauv lub tebchaws peb yuav siv zog nrhiav txog lawv tej kev muajxwm txog tsob pos cig hluav taws. Qhov tseem ceeb tsis yog ntawd yog txojlw tus Tswv hais, tiamsis yog zajxwm “Nws yog Tus hais. Qhov ntawd yeej tsis hloov pauv”. Nws yuav hais rau Nws haiv neeg niaj hnub no.

  1. Lawv paub tias ntawd yog Vajtswv.

Vajluskub ua timkhawv tias Mauxes paub meej tias yus ntsib Vajtswv – Tus “CIM CIV MUAJ NYOB – NYOB MUS IB TXHIS” (Khiavdim 3:14). Yawg cia siab, mloog Nws lus, thiab xwm tus Tswv ua raws li tej Nws hais. Mauxes puas yuav hais daws nws zaj rau lwm tus paub tias nws tau nov Vajtswv lub suab? Tsis, txhua yam Mauxes ua yog ua timkhawv qhia txog txojkev sib ntsib ntawm yawg thiab Vajtswv. Tsuas muaj Vajtswv thiab ua tau kom cov pejxeem paub tias tej lus uas Nws hais rau Mauxes yog tawm hauv Vajtswv qhov ncauj los.

  1. Lawv paub tias Vajtswv hais dabtsis.

Thaum Vajtswv hais, tus ntawd paub tias Vajstwv hais dabtsis. Mauxes paub yam Vajtswv kom yawg ua. Yawg paub lub tswvyim uas Vajtswv xav ua dhau yawg. Ntawd yog vim chij vim li cas Mauxes pheej cav ntau ua luaj. Yawg paub meej Vajtswv lub homphiaj tabtom tos yam dabtsis. Qhov yog nrog rau Mauxes; qhov no yog nrog rau Nau-as, Anplaham, Yauxej, Daviv, Daniyees thiab coob leej ntxiv…

  1. Txojkev sib ntsib nrog Vajtswv.

Thaum tus Tswv qhia qhov tseeb rau peb, txawm yuav yog los ntawm txoj haukev twg los ntawd yog txojkev sib ntsib ntawm peb thiab Vajtswv. Vajtswv tibleeg thiaj yog tus uas ua rau peb muaj xwm rau Nws.

Thaum tus Tswv hais lus rau peb los ntawm Vaj Ntsujplig dhau Vajluskub, lus thov Tswv, tej thaj tsam, Pawg Ntseeg, peb yuav paub tau tias ntawd yog Vajtswv thiab paub Nws tabtom hais dabtsis.

Hais luv

Tseem tshuav pes tsawg tsob pos uas tabtom cig hluav taw li Mauxes tau ntsib? Yeej tsis muaj li lawm. Vajtswv tsis xav kom koj dhau los ua ib tus los kws siv ib txojlw. Tus Tswv hlub koj, Nws xav kom koj muaj ib txojkev sib raug zoo nrog Nws, thiab koj tsuas vam khom Nws tibleeg nkaus. Tus Tswv xav kom koj nrhiav Nws txojlus thiab kawm mloog Nws lus, paub Nws tus dej siab. Koj txojkev sib raug zoo nrog Vajtswv yog lub tswvyim zoo uas pab koj mloog tau Vajtswv lub suab.

 

LUS NUG XAV THIAB SIV

  1. Yam dabtsis ua rau Mauxes paub tseeb tias yus twb tau ntsib Vajtswv?
  2. 2. Sau Y (yog) lossis T (tsis yog) rau cov nqe hauv no:

__ a. Tus Tswv hais rau kuv tsuas yog cia kom kuv muaj ib txojkev xav thaum kuv thov Vajtswv, kom kuv tau zoo nyob dhau ib hnub.

__ b. Tus Tswv hais rau kuv thaum Nws muaj homphiaj rau kuv lub neej.

__ c. Thaum tus Tswv hais rau kuv, kuv muaj sijhawmm ntau los txiav txim siab seb kuv yuav ua li cas thiab los ntawm lub tswvyim twg.

__ d. Thaum tus Tswv hais rau kuv, kuv yuav tsum tau teb kiag tamsim los ntawm lub tswvyim kho kuv lub neej kom haum Nws lub homphiaj thiab Nws txojkev.

__ e. Lub sijhawm tus Tswv hais ces ntawd yog tus Tswv lub sijhawm.

  1. Koj puas tau muajxwm rau Vajtswv lub suab hais lus rau koj? Ua cas koj paub meej tias ntawd yog tus Tswv lub suab? Koj teb tus Tswv lub suab hu li cas?
  2. Dhau zajkawm no thov cia paub lub tswvyim zoo twg thiaj pab tau peb cov uas ntseeg Yexus mloog tau Vajtswv lub suab?
CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 02.02.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 02.02.2025

in HMÔNG on 10 Tháng Hai, 2025

Hnub kaj 02.02.2025

  1. Ntsiab lus: TXOG KEV UA SI.
  2. Vajluskub: Tej lus qhia 3:12-13; 11:9; 1Kauleethaus 10:31.
  3. Nqe cim: “Hnub no yog ib hnub uas tus Tswv pub rau peb muaj yeej; peb cia li zoo siab thiab txaus siab rau hnub no!” (Ntawv Nkauj 118:24).
  4. Twv Vajluskub: Exekhees 19-21.
  5. Tus qauv: Piav qhia.

* TAW QHIA: Piav qhia.

  1. Cob ntsiab lus piav qhia rau ib pawg ua ntej ntau lub athiv.
  2. Pawg ntawd los nyob ua ke tshawb fawb sib tham lub ntsiab lus: “TXOG KEV UA SI”.
  3. Pawg xaiv ib tus ua tus piav qhia. Txhua tus yuav nrhiav ntaub ntawv pab pwv rau. Tus piav qhia siv tej ntaub ntawv ntawd sau zaj piav qhia.
  4. Thaum npaj tau zaj piav qhia, yuav tsum nyeem cov ntsiab lus rau pawg mloog kom sawvdaws pom zoo. Tsis txhob nyiag hais nyiag ib zaj.
  5. Tom qab piav qhia, lwm pawg muaj lus nug, pawg ntawd yuav teb lus nug.

* NTAUB NTAWV PAB PWV.

Txhua hnub peb yuav tau ua ntau yam haujlwm khwv heev, tiamsis txhob nov qab Vajtswv txojkev cai so. Yog tsis ua raws txojkev cai no, peb cim civ ua rau lub neej ntxhov thiab tsis tau txais Vajtswv koobhmoov. Raws li Vajtswv txojkev no, thaum ub cov Yixalayees lub athov twg muaj ib hnub so haujlwm. niaj hnub no ib athiv twg peb muaj tsawg tshaj yog ib hnub so lossis ntau hnub dua. Ua li ntawd peb muaj sijhawm so ntau dua! Txawm li ntawd los tsis tau txhais tias siv tshua lub sijhawm tau so ntawd los ua si nkaus, tiamsis tej sijhawm ntawd yuav tsum tau siv los rau lwm yam haujlwm zoo uas raws li Vajtswv lub homphiaj nrog rau hnub so. Lub athiv no peb tsuas tham txog txojkev so hauv ib ceg kaum uas so ua si txhob.

Lo lus “ua si” yog hais txog kev pab pwv, ua kom rov muaj lub zog tshiab tom qab uas ua tej haujlwm sab sab. Raws li lub ntsiab no, muab hais los mas tibneeg cheem tsum muaj sijhawm so rau lub neej khwv khwv. Kuj raws lub ntsiab no, lub sijhawm so tsis yog ib qhov kev lam fem, tiamsis yog kev cheem tsum yuav tsum tau muaj, yog tias paub siv raws li nws lub homphiaj.

Yog li ntawd, kev so yog ib qhov kev cheem tsum, hauv kev so muaj kev ua si. Tiamsis kev ua si yuav tau txais yam zoo thiab yam phem rau yus tus dag zog thiab siab ntsws yog nyob txij ntawv qhov uas koj xaiv ua yam twg. Yog li, tus ntseeg Yexus yuav tau xaiv yam zoo los ua rau hauv kev ua si.

  1. Yam ntxwv ntawm txojkev ua si.

– Hauv txojkev so ntawm “Hnub so dawbhuv”, tus ntseeg Yexus lub sijhawm so kuj yuav tsum xeem mus rau “…yuav noj, yuav haus lossis ua ib yam dabtsis twg yuav tsum ua kom Vajtswv tau ntsej muag…”. Thiab kev ua si li cas kom tsis ua rau yus lub cev raug mob, tsis ua rau sab ntsujplig qias (1Kaul 10:31; 1Thex 5:23).

– Kev zoo siab noj haus tes haujlwm uas ua yog khoomplig Vajtswv pub, kev ua si lom zem yog koobhmoov Vajtswv, yeej tsis muaj dabtsis yuam kev. Tiamsis Vajluskub kuj ceeb toom tej kev lom zem ntawm sab nqaij tawv, yog tes haujlwm uas poob kev txhaum (Nkauj 118:24; Tej Lus Qhia 3:11-14, 2Xam 11:1-5).

– Muaj ob yam kev ua si lom zem sib txawv: Kev ua si lom zem raws li txojkev sib deev yog kev puamtsuaj thiab tshuav tshem sab ntsujplig. Ib yam li cov Yixalayees seev cev rau ntawm tus mlom nyuj uas muab kub los ua, lom zem los ntawm kev tsis lees paub Vajtswv (Khiav dim 32:6; Yax 5:11-12). Tiamsis Vajtswv cov menyuam yuav tsum nrhiav txojkev ua si uas dawbhuv, ntshai Vajtswv (Kevcai 16:9-12). Hauv txojkev ua si lom zem no thiaj kaj siab tiag tiag.

Yuav tsum paub tias tej kev lom zem hauv lub ntiajteb no tsuas yog ib pliag xwb yuav dhau mus, yeej daws tsis tau sab ntsujplig txojkev ntshaw li. Yog li ntawd, tej kev ua si ntawm sab nqaij tawv tsis yog lub qhov rais rau peb txojkev kaj siab. Kev ua si ntawm tus ntseeg Yexus tsis yog mus yuav kev lom zem, vim peb twb muaj tus Tswv txojkev kaj siab hauv peb siab lawm (Nehimis 8:10). Tiamsis kev ua si yog yog txoj haukev rau peb muaj kev lom zem, kaj siab thiab dag zog, kom peb npaj txhij vog rau lub neej ua Vajtswv haujlwm.

  1. Yam uas yuav tsum muaj ntawm txojkev ua si.

Kom tsis poob tus yam ntxwv thiab lub homphiaj ntawm txojkev ua si, peb yuav tsum tau nco qee lub kevcai no:

  1. Xaiv tej phau kev ua si uas zoo.
  2. Ntaus nqi phau kev ua si lossis duab yees, ntawv xov xwm, kev sib tw… Hom yeeb yaj kiab uas kuv saib, yam ntawm uas kuv nyeem, lossis yam kev sib tw uas kuv tabtom ua muaj paj ntsig zoo dabtsis?
  3. Tsis ua tej kev ua si uas muaj tus qauv twv nyiaj. Tej ntawd yuav ua rau koj muaj lub siab ntshaw, yog yam uas tawm tsam tus ntseeg txojkev ua neej (Kal 5:20-21).
  4. Tsis txhob ua si ntau heev: Sijhawm ua si yuav tsum muaj ntsim. Yog ua si ntau heev yuav ua rau koj tsis muaj kev lom zem thiab lub cev qaug zog zig.
  5. Ua si los ntawm txojkev ntshai Vajtswv thiab ua kom Vajtswv tau koob meej.
  6. Txojlw ua si.

Kuj muab faib ua 2 yam:

  1. Ua si ntiag tus raws li nyiag nyiam nyiag, kuj ib yam li phim rau tus laus hluas lub hnub nyoos.
  2. Ua si ib pab: Ob tus qauv uas pheej pom hauv txojlw no yog picnic thiab tsa tsev ntaub.

Hais luv

  1. Ua haujlwm thiab so yog Vajtswv kevcai samhwm, vim tibneeg kev cheem tsum.
  2. Homphiaj ntawm kev ua si yog pab pwv dag zog thiab ua kom rov kub siab lus tuaj tom qab ntau nub uas ua haujlwm sab sab, kom rov npaj rau lub neej ua Vajtswv haujlwm.
  3. Kev ua si ntawm tus ntseeg yog kev ua si muaj tus yam ntxwv dawbhuv thiab muaj zog zoo.
  4. Tej yam yuav tau muaj hauv tus ntseeg txojkev ua si yog: (1) Xaiv (2) ntaus nqi, (2) Txhob ua tej kev ua si uas poob nyiaj (4) Ua kom Vajtswv tau ntsej muag.

LUS NUG XAV THIAB SIV.

  1. Koj piav qhia qee zaj kev ua si lom zem uas yuav siv tau rau tus ntseeg Yexus (ntiag tus thiab ib pab).
  2. Lub sijhawm uas koj khoom puas tau siv los ua kom muaj paj ntsig zoo rau tus kheej, ntsujplig thiab ua rau Vajtswv tau ntsej muag?
CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 19.01.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 19.01.2025

in HMÔNG on 24 Tháng Một, 2025

Hnub kaj 19.01.2025.

  1. Ntsiab lus: HAUXEYAS – TUS QHIA TSHWM VAJTSWV TXOJKEV HLUB NCAJ NCEES.
  2. Vajluskub: Hauxeyas 11:1-11; 1-3; 11-14.
  3. Nqe cim: “Kuv yuav ua raws li kuv tej lus cog tseg thiab yuav koj ua kuv tug, thiab koj yuav lees yuav kuv ua koj tus TSWV.” (Hauxeyas 2:20).
  4. Twv Vajluskub: Yelemis 7-9.
  5. Tus qauv: Sib tham.

* TAW QHIA: Sib tham.

  1. Ua ntej ntau lub limtiam, tus saib sab kev kawm muab ob lub ntsiab lus cob rau ob pab:

* Ntsiab lus 1: Hauxeyas thiab Nkaumes txojkev txijnkawm tsuag yog ib qhov pivtxwv los ua qauv qhia xwb. Vim ib tus Vajtswv uas Dawbhuv yeej tsis lam kom nws ib tus cevlus mus yuav ib tus pojniam uas deev hluas nraug li.

* Ntsiab lus 2: Hauxeyas thiab Nkaumes txojkev txijnkawm yeej muaj tseeb, yog ib lub neej uas qhia tshwm Vajtswv txojkev hlub tsis hloov siab rau Nws haivneeg Yixalayees uas pheej tso Nws tseg mus ua txhaum.

  1. Ib pab twg yuav tso ib tus sawvcev yus pab los sib tham raws li lub ntsiab lus uas yus pab tau lees. Yuavtsum npaj kom zoo lub sijhawm sib tham thiaj li yuav muaj kev lomzem.
  2. Pab coj caw ib tus uas paub Vajtswv Txojlus los xaus zaj sib tham. Yuavtsum ceevfaj thaum xaus, tsam ntsis yuav ua rau cov ntseeg totaub yuam kev ces pawg ntseeg yuav muaj teebmeem.
  3. Sijhawm sib tham.
  4. Tus coj kevcai tshaj tawm ntsiab lus sib tham thiab caw ob tus sawvcev ntawm ob pab sawv los zaum ntawm hauv ntej sib tham.
  5. Tus coj kevcai tshaj tawm kevcai sib tham: Ib pab ntawd muaj cai tawm suab pab yus tus thaum sib tham (tiamsis tsis txhob sib cav kom yeej swb). Sijhawm 20 feeb.
  6. Xaus (15 feeb): Tus xaus yuavtsum xaus txhua yam los ntawm Vajtswv Txojlus, tsis txhob siv yus kev xav los xaus zaj sib tham.

* NTAWV PAB PWV.

  1. QHIA TSHWM.

Lub npe Hauxeyas muaj ntsiab lus tias “Kev cawmdim”. Vajtswv hu Hauxeyas los ua tus cevlus rau xyoo 755-715 UY. Lub sijhawm ntawd cov Yixalayees tab tom tso Vajtswv tseg mus pehawm tej mlom. Hauxeyas txais Vajtswv tej haujlwm los qhia tshwm Vajtswv txojkev hlub uas tsis txawj hloov siab rau haivneeg Yixalayees uas pheej ntxeev siab rau Vajtswv; los ntawm tus duab uas yog tus txivneej ncaj ncees rau nws tus pojniam uas mus deev hluas nraug. Cov menyuam tis npe raws li no:

Tus metub hlob Yexelees: Hauxeyas yuav qhia txog Vajtswv txojkev txiav txim rau Ahaj vim nws tej kev pe mlom.

Tus ntxhais npe hu ua Tsis Hlub: Hauxeyas ceeb toom rau lawv paub tias yog lawv pheej ua lawv tej kev txhaum tsis tseg ces lawv yuav tsis tau txais Vajtswv txojkev hlub ntxiv lawm.

Tus tub yau hu ua Tsis Yog Kuv Haivneeg: Hauxeyas cev lus txog kev raug mus ua cev qhev thiab kev tawg ua sab ua sua ntawm haivneeg Yixalayees. Lawv yuav rov txais tau kev cawmdim dua los ntawm txojkev hlub uas nyob mus ib txhis.

Hauxeyas tej lus qhia tshwm Vajtswv txojkev hlub uas loj kawg nkaus nrog rau Nws haivneeg Yixalayees nyob rau tiam Vajluskub Qub.

  1. ZAJ KAWM:
  2. Vajtswv txojkev ncaj ncees.

Vajtswv txojkev hlub uas Nws pub rau haivneeg Yixalayees .

Tej zaum ces sib raug zoo yam li leej txiv thiab menyuam (Yaxayas 63:16; Hauxeyas 11:1), tej zaum ces mog muag yam li leej niam thiab menyuam (Yaxayas 49:15), tej zaum ces qabzib zoo yam li kev txijnkawm (Hauxeyas 1:19).

  1. Haivneeg Yixalayees txojkev ntxeev siab rau Vajtswv.

Ib tus cwjpwm txaus ntshai! Ib txojkev txijnkawm ntawm peb tibneeg, muaj ib tus neeg Akiv hais tias: “Huabcua thaum caij ntuj no, yeej tsis txias npaum li thaum uas raug lwm tus ntxeev siab”. Haivneeg Yixalayees ntxeev siab rau Vajtswv uas yog Leej Txiv, tam li tus pojniam uas ntxeev siab rau nws tus txiv ntag.

Txawm tias haivneeg Yixalayees tau tso Vajtswv tseg mus pe mlom Npa-as lawm los, Vajtswv yeej tsis tso lawv tseg. Los ntawm Nws txojkev hlub, Nws yeej mus nrhiav lawv, txib cov cevlus mus qhia lawv, ntuag lawv, coj lawv rov qab los nrog Nws uas yog tus muaj kev hlub. Nws tso lawv dim ntawm kev ua cev qhev, siv hlua kev hlub los zawm kom lawv los ntawm Nws txoj koob hmoov. Vajtswv txojkev hlub yeej tseem ua siab ntev, tos lawv.

Vajtswv txojkev hlub, kev ncaj ncees pub rau lawv yeej tsis hloov li. Yav tas los, Vajtswv tau siv Nws lub hwjchim los cawm kom lawv dim hauv tebchaws Iziv, coj lawv los rau hauv lub tebchaws uas Nws tau coglus tseg, nws hlub lawv ib yam li tus txivneej uas nws hlub nws tus pojniam ntag, tiamsis lawv ntxeev siab mus raws tus vajtswv Npa-as. Nimno, Nws nplawm lawv, thiab ua kom lawv tawg ua sab ua sua, tiamsis yav nram ntej, Nws yuav rov kho dua lawv, yuav rov yuav lawv los ntawm Nws txojkev hlub, kev ncaj ncees, dawbhuv thiab Nws txojkev hlub uas nyob mus ibtxhis.

Hauv (Efexaus 5:25-27) Paulus qhia tias Yexus Khetos hlub cov ntseeg ib yam li tus txivneeg uas nws hlub nws tus pojniam, Nws tau siv Nws txojsia, Nws cov ntshav los ntxuav kom cov ntseeg dawbhuv. Kom cov ntseeg thiaj yuav yog ib tus pojniam uas dawbhuv pub rau Nws thaum uas Nws rov los tos cov ntseeg mus nrog Nws nyob saum ntuj ceebtsheej (Tshwm sim 19:7-8).

  1. Hauxeyas lolus nqua hu (14:1-9; 2:19-20).

(1) Cia li tig rov los cuag Vajtswv (14:1-8).

(2) Cia li ua lub neej kom zoo thiab ncaj ncees (2:19-20).

Ntuag kom peb cov ntseeg niaj hnub nimno yuav tsum ua lub neej dawbhuv ib yam li tus nkauj nyab uas twb qhaib cia tos hnub tus Menyuam Yaj rooj tshoob (Tshwm sim 2:18-25; 19:7-8).

Peb puas yuav yog ib tus nkauj nyab dawbhuv rau Vajtswv lossis peb tseem tab tom caum ib tus hluas nraug twg hauv ntiajteb no? (Tej hluas nraug ntawd yog peb txojkev ntshaw, meej mom, nyiajtxiag, kev txawj ntse lossis ib tus neeg nto npe twg uas peb nyiam, nrog rau tej kev nkauj kev nraug huvsi …).

* LUB NEEJ THIAB TES HAUJLWM.

Hauxeyas tau them ib tus nqi kim los ntawm nws lub neej uas hlub ib tus pojniam deev hluas nraug. Yog ib yam uas tsis yoojyim ua tau, cheem tsum yog Hauxeyas yuavtsum mloog Vajtswv lus ib puas feem pua, txawm li ntawd los nws yeej muaj kev mob siab heev, ib yam li Vajtswv tau mob siab thaum raug haivneeg Yixalayees ntxeev siab. Ob yam uas peb kawm tau ntawm no yog:

(1) Peb muaj feem qhia Vajtswv txojkev hlub rau lwm tus.

(2) Ob yam uas yuav tsum muaj ntawm ib tus neeg uas ua Vajtswv haujlwm yog hnov qab yus tus kheej thiab mloog Vajtswv lus.

III. LUS NUG XAV THIAB SIV.

  1. Thov qhia tej yam ntawm Vajtswv txojkev hlub uas Nws pub rau haivneeg Yixalayees (Hauxeyas 11:1-2,3,4,8-9; 10-11; 12:4; 2:19-20).
  2. Haivneeg Yixalayees coj li cas los ntawm Vajtswv txojkev hlub uas Nws muab pub rau lawv? (Hauxeyas 2:13; 8:13; 11:2; 11:7).
  3. Thov tshawb txog Yexus Khetos txojkev hlub uas Nws tau muab pub rau cov ntseeg (Efexaus 5:25-27).
  4. Los ntawm qhov uas Haivneeg Yixalayees tau ntxeev siab rau Vajtswv. Hauxeyas tes haujlwm yog dabtsi? (Hauxeyas 14:1-9; 2:19-20; Tshwm sim 2:18-25; 19:7-8).
  5. Hauxeyas muaj lub neej li cas? Tus nqi uas nws tau raug thaum uas Vajtswv tes haujlwm yog li cas? (Hauxes 1).
  6. Qhia tshwm tej uas tseemceeb los ntawm Hauxeyas tes haujlwm.
  7. a. Lub ntiajteb no puv npo kev dagntxiag, koj puas yog ib tus pojniam uas ncaj ncees rau Tswv Yexus lossis tsis tabtom raws ib tus hluas nraug twg hauv ntiajteb no?
  8. Koj lub neej puas qhia tshwm Vajtswv txojkev hlub uas zoo kawg nkaus thiab mus coj tus neeg txhaum tig los cuag Vajtswv?

* HIỂU BIẾT THƯỜNG THỨC.

Bị Ngứa, Đau Vì Chạm Phải Sứa Khi Tắm Biển: Hãy lấy miếng bông thấm nước đường pha đặc đắp lên ngay. Bạn sẽ ngạc nhiên về kết quả thu được.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 05.01.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 05.01.2025

in HMÔNG on 23 Tháng Một, 2025

Hnub kaj 05.01.2025

  1. Ntsiab lus: TUS NTSEEG YEXUS THIAB KHAUB NCAWS.
  2. Vajluskub: Chiv keeb 3:7,21; Mathais 6:30-33; 1Petus 3:3.
  3. Nqe cim: “Nej tsis txhob xav hais tias nej yuav tsum ntxias plaubhau zoo zoo lossis coj nyiaj coj kub lossis hnav tej tsoos zoo zoo nej thiaj yuav zoo nkauj” (1Petus 3:3b).
  4. Twv Vajluskub: Exekhees 10-12.
  5. Tus qauv: Qhuab qhia.

* TAW QHIA: Qhuab qhia.

  1. Caw neeg (Xibhwb, txwjlaug) ua ntej 2 lub limtiam.
  2. Sau ntsiab lus rau hauv ntawv, feem Vajluskub ua chaw txawb, nqe cim, feem Vajluskub pab thiab muab rau tus qhuab qhia, kom tus ntawd qhia raws Pab txiv tsev kev cheem tsum. Yog cheem tsum, cia tus ntawd qev feem ntaub ntawv pab pwv.

* NTAUB NTAWV PAB PWV.

  1. Tus ntseeg Yexus ntsia pom li cas txog kev nav khaub ncaws (kev noj nav)?

Noj nav yog ob yam uas neeg ntiajteb saib hlob, tej zaum yog ob qhov vim chij no:

(1) Hauv lub neej luv luv, haujlwm khwv khwv, luag txawm xav tias, ua neej nyob tsis muaj yam twg zoo dua li “noj qab nav zoo!”

(2) Neeg ntiajteb nyiam ntaus nqi sab nraum: Txawm yob Nyab Laj muaj ib nqe lus tias “lub tsho tsim tsis tau tus neeg muaj kev kawm”. Tiamsis “…plam lawv, plam phoojywg twb yog vim koj os lub tsho aw!”

Yog li ntawd, noj haus puas yog yam uas cheem tsum tshaj? Muab hais los, noj haus tej uas yus khwv tau yeej tsis yuam kev. Tiamsis yog hais tias muab txojkev noj nav saib hlob tsis nco qab nrhiav Vajtswv thiab tsis npaj rau sab ntsujplig ces yog yam uas tsis phim rau tus neeg ntseeg Yexus (Mathais 6:25,28-29,30-33; 1Timautes 2:9; 1Petus 3:3). Raws li Vajluskub qhia, peb kawm paub tej yam hauv qab no:

  1. Nav dabtsis? Tsis yog txojkev cawmdim ntawm tus nsteeg hauv lub neej no. Nrog rau tus ntseeg, peb ua neej nyob tsis tsuas yog nav xwb. Lub cev tsis yog vim tej khoom nav, tiamsis yog vim Vajtswv.
  2. Txojkev zoo nkauj tiag ntawm tibneeg tsis yog nyob ntawm tej khaub ncaws kim kim, tiamsis nyob ntawm tus ntawd txojkev ua zoo. Tswv Yexus tau piv Xalumoos lub tsho tsis zoo nkauj npaum tej paj nroj uas Vajtswv tsim.

Yog li ntawd kev nav khaub ncaws ntawm tus ntseeg Yexus yuav tsum npog zoo, pheej tshaj, phim thiab tsis luam thuam. Txhais tau tias peb yuav tsum tau nav khaub ncaws li cas kom qhia tshwm tau peb lub neej dawbhuv, peb yog txojkev kaj li menyuam hauv lub ntiajteb kev txhaum no.

  1. Qhov uas ywj siab noj nav.

Pom zoo rau nqe lus hais tias noj haus ywj siab yog kev ywj pheej ntawm txhua tus. Tiamsis yog tias siv txojkev ywj siab no los noj haus ua dog dig ntsuav kom tsaus siab tsaus ntsws li cev nqaij daim tawv ntshaw, ces kuj yog ib qhov uas yuav tsum tau rov saib dua. Hauv 1Kauleethaus 6:12, timthawj Paulus ntuag peb: “Kuv muaj cuab kav ua tau txhua yam, tiamsis tsis yog txhua yam puav leej zoo…” Hauv kev nab khaub ncaws, peb yuav tsum tau ceev faj txog ob yam phim thiab haum caij nyoog. Pivtxwv tsis muaj leejtwg yuav nav khaub ncaws pw mus pehawm Vajtswv, lossis ua zam mus ncaws pob. Tiamsis txhua tus ntseeg Yexus yuav tsum tau nav khaub ncaws kom zoo mus pehawm Vajtswv. Paub tias lub tsho tsim tsis tau tus neeg uas muaj txojkev pehawm tiag, tiamsis tus neeg uas pehawm tiag yuav tsum nav khaub ncaws kom phim thaum mus sawv tabmeeg Vajtswv hauv Nws lub tuam tsev (2Xamuyees 12:20).

Kev nav khaub ncaws kom zoo txawv li qhov uas nav tej khaub ncaws uas kim kim, peb yuav tau feeb meej. Nav tej khaub ncaws kim yeej tsis txhaum. Tiamsis yog tias hauv Pawg ntseeg muaj cov neeg txomnyem ntau, koj yuav tsum ntse ntsuav thiab ua tibzoo txog yus txojkev noj nav. Muab hais los, tus ntseeg yuav tsum tau nco tias noj nav tsis tsuas yog rau yus xwb, tiamsis ceev faj tsam ua rau lwm tus yuam kev, yog yam uas peb yuav tau zam.

Hais luv

  1. Nrog rau tus ntseeg Yexus, khaub ncaws zoo nkauj tsis yog sab tis cawmdim rau hauv kev noj nav. Khaub ncaws zoo nkauj yog tias tsis paub xaiv kom haum ces tsis phim rau tus menyuam uas nyob hauv qhov kaj li.
  2. Raws li Vajtswv qhia, kev noj nav ntawm tus ntseeg yuav tsum tau ua raws li tus taw no: Phim, npog zoo, pheej tshaj, haum caij nyoog.
  3. Yam uas tus ntseeg Yexus yuav tau zam hauv kev noj nav yog caum raws tej tsoog tsho zoo nkauj uas kim kim zoo li tus dig muag, nav tej khaub ncaws uas tawm nqaij ntau ntau, npog tsis zoo.
  4. Nav tej khaub ncaws kim uas zoo-zoo tiamsis tsis muaj txojkev ua zoo ces tsis tau yog zoo nkauj tiag.
  5. Tus ntseeg yuav tau paub tias tsis yog nav rau yus xwb tiamsis vim lwm tus thiab vim Vajtswv lub koob npe.

LUS NUG XAV THIAB SIV.

  1. Cia paub: Puas yog txhua yam khaub ncaws puav leej yog zoo? Vim li cas? Cawm raws tej tsoos tsho zoo nkauj yog qhov zoo lossis tsis zoo? Txhais qhia.
  2. Hauv Mathais 6:30-33; 1Timautes 2:9: Muab tsoos tsho saib hlob rau hauv kev noj nav puas haum raws li Vajluskub qhia? Vim li cas?
  3. Nyeem cov nqe Vajluskub no thiab nrhiav paub:
  4. Khiav Dim 20:26; 28:40-43: vim li cas yuav tsum npog zoo rau hauv kev noj nav?
  5. Lo lus “tej tsoos zoo zoo” hauv 1Petus 3:3 txhais li cas?

c. 1Timautes 2:9; 1Petus 3:3: Hauv kev noj nav, yam yuav tsum tau ceev faj thiab zam. Tshaj ntawd peb yuav tsum tau nrhiav yam dabtsis? Vim li cas?

Chuyên Mục