CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 22.06.2025
in H'MÔNG on 17 Tháng Sáu, 2025
Hnub kaj 22.06.2025 (Hnub suab nkauj)
- Ntsiab lus: HNUB KAJ SUAB NKAUJ
- Vajluskub: Ntawv nkauj 145.
- Nqe cim: “Kuv yuav niaj hnub ua koj tsaug thiab yuav qhuas koj mus ibtxhis tsis kawg” (Ntawv nkauj 145:2).
- Twv Vajluskub: Tsis twv Vajluskub.
- Tus qauv: Tshawb nrhiav.
* TAW QHIA: Saib taw qhia hnub kaj 16/3/2025.
* NTAWV PAB PWV.
VAJTSWV THOV KOJ FOOM KOOB HMOOV
Robert Robinson.
Tus sau zaj nkauj no yog Robert Robinson.
Thaum Robinson tseem yau, nws niam yeej xav kom ib hnub twg yog nws loj ces nws ua xibhwb. Tiamsis txhua yam tsis raws siab xav, thaum muaj 14 xyoos nws mus xyaum txiav plaubhau hauv ib lub chaw txiav plaubhau thiab tom qab ntawd nws tau ua ib tus thawjcoj ntawm ib pab tub hluas laib hauv London. Robinson tau coj ntau yam kev kub ntxhov los rau nws tsevneeg ua rau nws tsevneeg tsis kam lees yuav nws lawm. nyuam qhuav 17 xyoo xwb Robinson twb ua tej yam kev txhaum uas txaus ntshaw kawg nkaus li, nws pheej yim hnub yim mus tob hauv kev phem kev qias.
Tiamsis muaj ib hnub. Muaj ib tus tub hluas hais rau nws tias: “Nej sawvdaws rau mentsis cawv rau niag pog no sob”.
Ib tus pojniam muaj ntsej muag zoo nkauj tsawv qaug cawv txog qib uas twb sawv tsis ruaj li lawm, tiamsis cov tub hluas pheej yuam komn nws yuav tsum haus ntxiv. Robert Robinson thiaj qw tias: “Yeej meem nchuav kiag cawv rau hauv nws qhov ncauj, nws yeej yuav saib hmoov rau peb xwb “.
Cov tub hluas rov yuam cawv ntxiv txog qib uas tus pog no kam saib hmoov rau lawv tsis yuav nyiaj. Thaum tus pog no saib tas hais rau ib tus tub hluas tias koj mas pheej noj haus tsis kam ua haujlwm li ib hnub koj yuav tuag thaum uas koj tseem hluas heev ces tus tub hluas ntawd npau taws vog thiab hais tias:
– “Niag pog no qaug cawv dhau lawm,nws yeej tsis paub tej uas nws hais li lawm os “.
Robinson hais tias: “Koj yeej yuav paub tej koj meej, rau qhov koj yog tus uas rau cawv rau nws haus ntag nev!”
Tig rov los saib tus thawjcoj ntawm pab laib ntawd, tus pog ntawd taw tes rau nws thiab hais tias:
– “Ho koj naj, koj yuav muaj sia nyob txog thaum uas koj pom koj tej xeebntxwv”.
Robinson ntsej muag liab ntsuab thiab teb tias: “Yog kawg, koj hais yog lawm, niag pog no qaug cawv tsis paub qabhau lawm tiag. Ces peb mus os, kav liam nws nyob nws ntawd”.
Tiamsis tus pog ntawd tej lus pheej tshwm rawv hauv Robinson tej kev xav: “Yog hais tias kuv yuav muaj sia nyob txog thaum kuv pom kuv tej xeebntxwv no lov… Yog li ntshe yuav tau hloov pauv lub neej no kab, tsis txhob pheej coj li no lawm”. Vim li ntawd ncaj rau hnub 24.5.1752 Robinson nws thiaj dag los tsis dag, tiag los tsis tiag li, nws txawm coj tagnrho nws pab laib ntawd mus koom rooj Xa Hmoo Zoo, thaum ntawd tus qhia Vajluskub yog George Whitefield. Robinson hais rau nws pab neeg tias: “Peb cia li mus hauv lub tshav ntawd thuam thiab ua saib tsis taus lawv cov niag ntseeg Vajtswv ntawd yom”.
Tiamsis Vaj Ntsujplig twb tshoov nws siab ua rau nws lub siab nyob tsis tus li lawm. Thaum uas nws pw yuav luag tsaug zog, nws pheej hnov nqe Vajluskub uas Whitefield qhia (Mat 3:7) tias: “Cov niag nab, leejtwg qhia rau nej hais tias, nej yuav khiav dim Vajtswv txojkev txiav txim uas yuav muaj los sai sai no?” Nqe no pheej ua rau Robinson xav mus xav los thiab cia li ntshai. Nws pom tau tias tus tub xa Hmoo zoo ntawd tsuag hais nws ib leeg nkaus xwb.
Txog hnub plau 10.12.1755, 2 xyoos 7 lub hlis tom qab uas hnov zaj lus qhuab qhia ntawd Robinson muaj kev sib raug zoo nrog Vajtswv dhau los ntawm Yexus Khetos cov ntshav. Tom qab no Robinson sau ntawv mus rau tus tub xa Hmoo Zoo xubthawj uas qhia tshwm nws tej kev txhaum rau nws: “Qhia qhov tseeb rau koj paub tias, twb vim yog kuv xav soj txog tej uas tsis muaj qab hau ntawm txojkev ntseeg. Kuv khuv leej tej neeg uas Xa Hmoo Zoo nrog rau lawv txojkev ruam. Kuv ntxub cov ntseeg Yexus heev. Kuv tuaj koom vim yog kuv hlub tshua txog cov ntseeg uas raug dag mus raws tej tsis muaj qabhau, tiamsis thaum kuv rov los kuv nploojsiab txawm cia li ntshaw txog txojkev kaj siab uas cov ntseeg muaj”.
Robinson txawm pib muaj lub neej tshiab. Nws tso nws lub neej loj leeb tseg. Nrog rau kev pab ntawm Whitefield thiab tom qab ib ntus kawm paub kev ntseeg, nws thiaj rov mus qub tebchaws uas yog Norjolk thiab mus koom nrog Pawg ntseeg Non-Conformist. Nws pom txog Vajtswv lub suab hu nws ua Vajtswv haujlwm, nws txawm pib tshawb txog kev kawm Vajluskub nrog rau kev pab ntawm John Wesley thiaj xav nws mus rau hauv Koom Haum Giám lý Calvin Norfolk tebchaws Akiv. Tom qab 3 xyoos los ntseeg, nyob rau xyoo 1758 hnub uas lawv nco txog Vaj Ntsujplig nqis los rau ntiajteb Robinson sau txog tej uas nyob hauv nws nruab siab li no:
Phước nguyên từ trời xin chảy vào lòng, bật lên khúc ca chúc ơn Ngài. Suối nhân từ hằng tuôn chảy ngập dòng giục tôi thỏa vui hát một bài. Nguyện chỉ giáo tôi thi ca bổng trầm mà lưỡi lửa cõi thiên thượng hát. Để tôi ngợi ngọn ân điển ngàn tầm là non cứu ân non cực lạc (câu 1).
Thaum nco txog Samuel lub neej tom qab uas ua tsovrog nrog rau haivneeg Filitees tau muab ib lub pobzeb “Xamuyees muab ib lub pobzeb los teeb rau ntu nruab nrab ntawm lub nroog Mixepas thiab lub nroog Sees thiab hais tias, “Tus Tswv pab peb los txog ntawm no,” nws thiaj tis lub pobzeb ntawd npe hu ua “Pobzeb Cawm Siav.” (1Xamuyees 7:12) Robinson pom txog tias yus yuav tau qhuas Vajtswv ntawm sab Mixepas hauv yus nruab siab, rau qhov Vajtswv yog tus uas kovyeej Xatas hauv yus nruab siab 3 xyoos tas los ntawd. Nws xav tias vim muaj Vajtswv yus thiaj dim thiab fij tug kheej ua Vajtswv haujlwm, Robinson xav muaj ib lub pobzeb los ua timkhawv ntuas nws tus kheej tias “kuv lub neej los txog qib no los twb vim yog Vajtswv txoj koob hmoov”. Vim li ntawd nws thiaj sau cov lus nram qab no tias:
Đến đây là nhờ ơn Chúa phò trì. Nguyền xây cất Ê-bên-ê-xe. Nếu Cha đẹp lòng tôi dám nguyện kỳ, miền thiên quốc tôi sớm quay về” (nqe 2). Tiamsis thaum nqe kawg yam li peb pom txog nws lub neej zoo li muaj kev chim siab tsawv: Tự nghiệm tánh tôi ưa xa Thánh Phụ. Thường hay cách ly Cha Từ Ái… (nqe 3)
Zaj nkauj no tau muab tso xyaw rau hauv phau “Nkauj txhawb nqa Vajtswv ntawm Yexus Khetos Pawg ntseeg hauv nroog Angel Alley, Bishopgate” thiab yog zaj nkauj uas sawvdaws paub ntau tshaj plawg dhau los ntawm Robinson ua tus sau. Ncaj rau hli 12 xyoo ntawd, muaj ib tus tub hluas thiaj thov nws sau ib zaj nkauj hais txog Yexus hnub yug. Thaum muab kho me ntsis kom haum rau Pawg ntseeg sawvdaws, peb paub txog zaj nkauj ntawd yog zaj “Mighty God, While Angels Bless Thee, May A Mortal lisp Thy Name!”.
Yog ib tus ntseeg sab Giám lý ib tus ntseeg Báp-tít yeej totaub txog ib tus ntseeg “Nhóm Ly khai” kuj yog ib tus neeg sab koom haum Ib Tus Tswv, Robinson yog ib tus ntseeg uas hais tau lolus tias Vajtswv txaus siab rau yam twg, thaum twg, thiab yam zoo li cas, nws kuj sawvcev sau ntau phau ntawv. Nws tuav lub meej mom ua Vajtswv haujlwm thiab nws tseem yuav ib lub chaw yus tsiaj loj heev yog lub chaw uas coj los yug nws tsevneeg kev noj haus ntag, nws lub chaw no yim hnub yim tau koob hmoov zoo. Kuj ib yam li lub neej twb dhau ntau xyoo ntawd, yav laus Robert Robinson rov poob mus rau kev txhaum. Muaj ib hnub thaum uas nws tab tom caij ib lub tsheb nees muaj ib tus poj ntsuag tab tom rau siab nyeem ib phau ntawv. Nws zaum ze Robinson. Ua tus poj ntsuam txawm tig los nug nws tias: “Koj puas paub kuv nyiam zaj nkauj twg tshaj hauv phau ntawv nkauj no?” Robinson txawm nrhiav kev zam lolus nug ntawd. Tiamsis tus poj ntsuam txawm cev phau ntawv los rau nws thiab taw tes rau zaj nkauj tias: “Vajtswv thov koj foom koob hmoov”. Thiab tus pojntsuam ntawd txawm tham txog qhov uas ua rau nws nyiam zaj nkauj qhuas Vajtswv no. Thaum kawg Robinson kuj nyob tsis tau twb ywm, nws thiaj tham qhia rau tus pojntsuam ntawd nrog rau nws tej kev khuam siab.
“Kuv uas yog tus nias neeg qias ntsuav no txawm yog tus sau zaj nkauj ntawd ntau xyoo dhau los ntawd ntag. Kuv kuj txaus siab yuav hloov lub ntiajteb no, yog hais tias hloov tau tig mus rau lub neej uas tau koob hmoov thaum ntawd”. Robert Robinson tas simneej rau 9.7.1790 thaum 55 xyoos, nws tuag raws li qhov uas nws xav tau, nws tuag ntsiag to xav tsis thoob thiab yam kho siab heev”.
