CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 15.06.2025
By Mai Hdenayun in H'MÔNG on 12 Tháng Sáu, 2025
Hnub kaj 15.06.2025
- Ntsiab lus: LLEJTXIV HNUB.
- Vajluskub: 2Kevcai 5:16; Paj Lus 23: 22, 24, 25.
- Nqe cim: “Nej cov uas yog menyuam, nej yuav tsum mloog nej niam nej txiv lus, nej ua li ntawd thiaj li haum Vajtswv siab. Nej cov uas yog niam yog txiv, nej tsis txhob lam tau lam ua rau nej cov menyuam chim, nyob tsam lawv tu siab” (Kaulauxais 3:20-21).
- Twv Vajluskub: Raws ntsiab lus.
- Tus qauv: Yeeb yam 5’.
* TAW QHIA: Yeeb yam 5’.
- Caw ob peb leej tsav xwm hauv pawg ntseeg tuaj nrog cov hluas pehawm ua ke thiab ua cov tso feeb.
- Txojlw ua tsab kom tswj:
* Txojlw 1: Ua ntej ntau lub athiv txhua pab ntawm cov Tub ntxhais hluas yuav tsum los nyob ua ke sab laj sau thiab xyaum ua ib zaj yeeb yam luv muaj ntsiab lus “Leejtxiv Hnub”. Nyob txij ntawm cov pawg ntau lossis tsawg thiab cais sijhawm, tiamsis txhob ua ntev tshaj 5 feeb.
* Txojlw 2: Ua ntej lub sijhawm pehawm, faib cov hluas ua peb pab nyiag nyob nyiag ua tsheej pawg. Txog qeb yeeb yam 5 feeb, cov coj faib rau cov pawg ib pawg twg ib zaj dabneeg luv muaj ntsiab lus “Leejtxiv hnub”. Sijhawm 20 feeb, cov pawg yuav tsum muab zaj dabneeg pauv ua ib zaj yeeb yam.
– Ib pawg zuj zus sawv los ua yeeb yam.
– Tswvyim tso feeb.
+ Sijhawm: Yog sijhawm (5’) 10 feeb. Tshaj 1 feeb tsoob ces raug tshwj 1 feeb.
+ Kev kub siab: Txhua tus puav leej ua yeeb yam: 10 feeb. Ib tus tsis ua tshwj 1 feeb.
+ Ua tau zoo: 10 feeb.
+ Ntsiab llus: 10 feeb (nếu là vở kịch tự chọn).
– Faib khoomplig.
* Tej zajxwm pab pwv:
KEV HLUB IB TXHIS
Hnub dhau hnub, ib leejtxiv tshaj sij tuaj hauv tsev kho mob tuav rawv ntawm tes ib rev paj. Yawg zaum ib sab ntawm lub txaj uas tus me ntxhais 6 xyoo pw, nws twb yoob tsis nov dabtsis li lawm. Yawg piav rau tus menyuam mloog tej xwm uas tshwmsim txhua hnub, piav yam tag siab heev thiab mos muag. Tiamsis hauv txojkev tsis nco qab ntawd, tus menyuam ntxhais tsuas teb leejtxiv los ntawm qhov uas ua ua tsis taus pa. Muaj ib hnub, tus kws kho mob uas zov tus menyuam hais rau leejtxiv tias: “Me ntxhais twb tsis nco qab lawm, nyuaj rau koj heev uas yuav zaum ntawm no tham lus rau nws hnub dhau hnub uas laus. Paub tias koj hlub me ntxhais heevm, tiamsis ua li ntawd tsuas yog poob sijhawm dag zog xwb”.
Leejtxiv maj mam teb li no: “Tiamsis kuv tsis tseg coj paj tuaj rau kuv tus me ntxhais thiab piav dabneeg rau nws mloog, txawm yog nws tsis nco qab tsis nov dabtsis li los tsis ua cas. Kuv hlub nws heev, kuv xav ua li ntawd txawm nws yuav paub lossis tsis paub. Ua li ntawd kuv siab thiaj zoo”.
Tseeb li yog ib tus duab zoo heev piv rau Vajtswv Ntuj txojkev hlub! Nws hlub peb thiab nthuav qhia txojkev hlub ntawd txawm yog peb yuav paub lossis tsis paub. Kuj tsis yog zoo li cas nws thiaj hlub. Txojkev ruaj nrees ntawm txojkev hlub tsis muaj chaw xaus. Leejtxiv ua siab ntev thiab tsis nkees, piav tej zaj dabneeg uas ntev ntawm ib sab ib lub cev uas tsis nti, yog Yexus Khetod tus duab nrog rau tej lus nqua hu mos muas: “Cia li qheb siab…” Lub ntiajteb zoo ib yam nkaus li tabtom twb yoob lawm. Luas kaw qhov ntsej nti, kaw muag nti. Lawv tsis xav pom, kuj tsis xav mloog ib yam dabtsis txog Vajtswv txojkev hlub. Txawm li ntawd los Nws yeej tsis hu thiab tos Nws cov menyuam uas hlub tshua yuav tsim hauv lub ntiajteb no los.
TXOJKEV HLUB QHOV KHOOMPLIG
Twb yuav txog koob tsheej Yexus yug lawm, tiamsis hauv chav ua haujlwm ntawm ib tus thawjcoj ntawm ib lub tuam txhab los yeej tseem tshuav haujlwm ntau heev yuav tau ua. Txhua hnub, tus tuav ntawv puav leej yuav tsum tau ua tshaj lub sijhawm ntxiv. Pom tus thawjcoj txhawj heev tsa muag ntsia lub txoog teev, ho rov ntsia daim lij uas dai ntawm phab ntsa, tus tuav ntawv nug: “Yawg hlob, puas tseem yuav ua ntxiv yam haujlwm twg thiab?”
Yawg teb: “Mus tsev xwb luj, twb lig lawm, yeej ua tsis tau yam twg ntxiv”. Tus tuav ntawv luag ntxhi thiab hais: “Tseem tshuav ib tes haujlwm uas yuav tsum tau ntxov ua, ntawd yog koj tus me ntxhais qhov khoomplig, koj tsis txhob nov qab tias tsuas tshuav ob hnub xwb twb txog Koob Tsheej Yexus yug lawm”.
Tus thawjcoj tsa ob txhais tes puab taubhau: “Wua, zoo heev uas koj tau pab kuv, mentsis thiab ces kuv nov qab lawm lauj; hnub twg haujlwm twb ntau li no, tej zaum me ntxhais twb chim rau kuv heev lawm. Tiamsis koj hais yog, kuv siv sijhawm tsawg heev rau tsev neeg. Txhua hmo uas kuv los txog tsev nws twb pw tsaug zog lawm, kuv muaj sijhawm tsawg heev nrog kuv tus me ntxhais ua si lossis hais lus. Lub koob tsheej no los kuv twb tsis muaj sijhawm mus yuav khoomplig rau nws thiab, lossis koj mus pab kuv yuav nawb. Koj pab nyeem tsab ntawv uas nws xa rau kuv seb nws xav tau dabtsis, tag nyiaj npaum twg twb tau, nws nyiam dabtsis koj yej meem yuav rau nws”.
Tus tuav ntawv qheb tsab ntawv xim paj txiv duaj uas tus mentxhais sau ob peb lo lus rau, nyeem dhau, tus tuav ntawv co hau thiab rau thawjcoj: “Yawg hlob, yav ntej los txog niaj hnub no kuv yeej nrawm nroos ua raws koj txib. Tiamsis zaum no ces kuv yuav ua tsis tau”. Tus thawjcoj xav tsis thoob thiab nug: “Muaj dabtsis nyuaj mus txog qeb uas ua tau rau ib tus menyuam 8 xyoo zoo siab lov? Nws xav tau dabtsis? Muab tsab ntawv rau kuv saib sob”. Tus tuav ntawv muab tsab ntawv rau tus thawjcoj saib, tsab ntawv sau li no: “Txiv tus uas kuv hlub, kuv tsuas thov koj tib qhov khoomplig rau lub Koob Tsheej Yexus yug zaum no xwb, ntawd yog pib lub xyoo tshiab no mus, txhua hnub thov koj siv sijhawm tsawg tshaj yog 30 feeb los nrog kuv ua si thiab hais lus, kuv tsis thov dabtsis ntxiv lawm. Txiv tus me ntxhais!”
Ký tên: “Mến Thương”.