CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 08.06.2025
By Mai Hdenayun in H'MÔNG on 3 Tháng Sáu, 2025
Nub kaj 08.06.2025 (Hnub Petekos).
- Ntsiab lus: TUS NEEG PUV NPO VAJ NTSUJPLIG.
- Vajluskub: Lukas 1:15; 41-45; 67-79; 2:25-32; Tes Haujlwm 2:11; 10:45-46; 4:8-12; 31; 13:4-12; 1Kauleethaus 14:4; 27-28.
- Nqe cim: “Ib puas tsav yam uas nej ua no, nej yuav tsum thov Vajtswv pab. Nej yuav tsum thov Vajtswv txhua lub sijhawm raws li Vajtswv tus Ntsujplig coj nej. Vim li ntawd nej yuav tsum ceevfaj thiab ua siab ntev thov Vajtswv tsis txhob nkees. thiab niaj hnub thov Vajtswv pab cov ntseeg sawvdaws.” (Efexaus 6:18).
- Twv Vajluskub: Exekees 1-3.
- Tus qauv: Piav qhia.
* TAW QHIA: Saib taw qhia hnub kaj 26/01/2025.
* NTAWV PAB PWV.
TUS UAS PUV NPO VAJ NTSUJPLIG.
Qhov tseeb ces cov ntseeg txais Vaj Ntsujplig yog cov uas loj hlob nthuav dav rau ib ntu tas los no. Peb ua Vajtswv tsaug thiab kuj yuav tsum xyaum raws lawv tus qauv uas tshaj qhia Hmo Zoo. Yam uas tseemceeb ntawm cov ntseeg no yog qhov uas lawv xav ntsoov txog qhov uas puv npo Vaj Ntsujplig xwb. Puv npo Vaj Ntsujplig yog ib lub ntsiab lus uas cheem tsum ntaub ntawv ntau tsawv mam li tham tas. Nyob rau zaj kawm hnub no peb tsuag soj txog sab uas puv npo Vaj Ntsujplig xwb. Peb sib cog soj thiab kawm ua ke saib tus uas puv npo Vaj Ntsujplig tes haujlwm yog ua dabtsi?”
- Tus uas puv npo Vaj Ntsujplig paub nyob twb ywm tos (yeej ncua ib sijhawm ntev tsawv tsis ua dabtsi).
Vajluskub qhia rau peb paub tias Yauhas tus uas muab neeg ua kevcai rausdej yeej puv npo Vaj Ntsujplig thaum uas tseem nyob hauv niam plab lawm (Lukas 1:15), tiamsis nws yeej tsis ua dabtsi txog thaum uas twb muaj noobnyoog lawm. Vim li ntawd tsis yog hais tias tus uas puv npo Vaj Ntsujplig yuav tsum ua yam ub yam no rau Vajtswv tamsim ntawd. Tus uas puv npo Vaj Ntsujplig paub tos txog lub sijhawm uas Vajtswv xav kom nws ua.
- Tus puv npo Vaj Ntsujplig paub meej txog Vajtswv tej koob hmoov uas Nws pub rau lwm tus.
Thaum uas Malis mus xyuas Elixanpes uas yog Yauhas niam ces Elixanpes puv npo Vaj Ntsujplig thiab pom txog Malis yog tus uas tau Vajtswv txoj koob hmoov (Lukas 1:41-45). Yam uas ua peb yuam kev niaj hnub nim no yog qhov uas peb tsis leeg paub lwm tus tej koob hmoov dua li ntawd peb pheej hais kiag tshwm lossis ua rau qhov koob hmoov ntawd tsis muaj nqis. Leej paub txhua yam uas Vajtswv pub yog qhov tseemceeb ntawm sab kev txhim tsa Yexus Khetos lub cev kom loj hlob zoo.
- Tus puv npo Vaj Ntsujplig yuav txhawb nqa Vajtswv.
Thaum uas Xakhaliyas puv npo Vaj Ntsujplig nws tsa suab qhuas Vajtswv (Lu 1:67-79). Yawg Xime-oos thaum uas Vaj Ntsujplig tshoov nws siab, nws kuj tsa suab qhuas Vajtswv (Lu 2:25-32). Hnub Petekos thaum uas cov thwjtim puv npo Vaj Ntsujplig lawv kuj qhia txog Vajtswv tus uas muaj hwjchim loj kawg nkaus (Tes haujlwm 2:11). Thaum uas lwm haivneeg puv npo Vaj Ntsujplig lawv kuj tsa suab qhuas Vajtswv (Tes haujlwm 10:45-46). Kev qhuas Vajtswv tsis yog tias yuav seev suab hu nkauj tiamsis yog hais tej lus uas txhawb nqa Vajtswv txog tej koob hmoov uas Vajtswv pub rau yus tug kheej.
- Tus uas puv npo Vaj Ntsujplig yuav muaj siab tawv qhia Txoj Hmoo Zoo.
Thaum uas Petus puv npo Vaj Ntsujplig nws qhia Hmoo Zoo rau tej nomtswv, tej povthawj, tiamsis ua ntej ntawd Petus ntshai lawv heev. Tiamsis thaum uas puv np Vaj Ntsujplig lawm nws muaj siab tawv qhia Vajtswv zaj tsis ntshai leejtwg li (Tes haujlwm 4:8-12). Nws hais kiag qhov tseeb yeej tsis ntshai li, ua rau cov uas mloog lawv xav tsis thoob li. Thaum uas Pawg ntseeg puv npo Vaj Ntsujplig lawm, txhua tus yeej kub siab lug qhia Txoj Hmoo Zoo tsis ntshai dabtsi li (Tes haujlwm 4:31).
Txawm tias thaj tsam ntawd yuav tsis zoo rau kev qhia Hmoo Zoo los Pawg ntseeg uas puv npo Vaj Ntsujplig yeej kub siab lug ua siab tawv qhia Hmoo Zoo. Yog li ntawd thaum ib Pawg ntseeg uas kub siab lug qhia Hmoo Zoo ces qhia tau tias Pawg ntseeg ntawd puv npo Vaj Ntsujplig ntag.
- Tus uas puv npo Vaj Ntsujplig yuav muaj kev ntse ntsuav ntawm sab kev hais lus.
Muaj ob yam lus uas tus neeg puv npo Vaj Ntsujplig hais tau. Ib yam yog hais lwm haivneeg tej lus, ib yam yog hais lus txawv txawv. Ob yam no puavleej yog los ntawm Vaj Ntsujplig los ib pliag ntsig tsis yog tias yuav xyaum kom yus txawj hais lus txawv txawv li uas tibneeg xav. Lam tau lam hais tej lus txawv txawv kom lwm tus xav tias yus puv npo Vaj Ntsujplig ces yog saib tsis taus Vaj Ntsujplig, qhov no tsis yog ib qhov yuav coj los ua si. Tsis paub hais lwm yam lus, tsis paub hais lus txawv txawv kuj tsis txhais tias tis puv npo Vaj Ntsujplig. Muaj ntau leej puv npo Vaj Ntsujplig tiamsis yeej tsis hais lwm haivneeg tej lus lossis tej lus txawv txawv li. Tus uas paub hais lwm haivneeg tej lus, yuav siv qhov ntawd los mus xav Hmoo Zoo rau lwm haivneeg. Tus uas hais tau tej lus txawv txawv yuav txhim kho kom nws tug kheej loj hlob thiab txhawb tau lwm tus lub zog yog tias muaj neeg txhais tau tej lus txawv txawv ntawd (1Kauleethaus 14:4, 27-28).
- Tus uas puv npo Vaj Ntsujplig yuav tshwm Vajtswv lub hwjchim.
Thaum Paulus qhia Vajtswv Txojlus hauv povtxwv Xaipas muaj ib tus txivneeg npe hu ua Npala-Yexus tuaj tsim kev kub ntxhov rau lawv. Tus txivneeg no nrhiav txhua txoj hauvkev los ua kom lwm tus tsis ntseeg Yexus Khetos. Paulus puv npo Vaj Ntsujplig thiab samhwm kom nws digmuag ces nws qhov muag txawm tsis pom kev tamsim ntawd. Dhau qhov ntawd neeg hajyam paub txog Vajtswv lub hwjchim thiab ntseeg Yexus Khetos coob tshaj (Tes haujlwm 13:4-12).
Pawg ntseeg cheem tsum muaj cov neeg uas puv npo Vaj Ntsujplig, nim no yog tiam uas Vaj Ntsujplig tseem nrog peb nyob. Vaj Ntsujplig nthwv cua tseem tshuab mus rau txhua qhov nrhiav tus neeg uas muab siab nrhiav Nws tiag tiag. Tus uas puv npo Vaj Ntsujplig, qee zaug yuav tau tos ib lub sijhawm ntev tsawv mam li ua haujlwm pub rau Vajtswv. Tus uas puv npo Vaj Ntsujplig yuav leeg paub tej koob hmoov uas Vajtswv pub, tus uas puv npo Vaj Ntsujplig yuav txhawb nqa Vajtswv, tus uas puv npo Vaj Ntsujplig yuav muaj kev kaj siab, rau siab ntso rau kev xa Hmoo Zoo. Tej zaum Vajtswv yuav pub kom paub hais lwm haivneeg tej lus kom ua tiav Vajtswv tes haujlwm, tej zaum yuav paub hais lus txawv txawv kom nws sab ntsujplig thiaj loj hlob zoo. Tej zaum Vajtswv yuav pub hwjchim tawm tsam tej neeg uas cuam tshuam txog lwm tus txais yuav Yexus Khetos. Tej ntawd yog tej yam tshwm muaj ntawm ib tus neeg uas puv npo Vaj Ntsujplig.
Mục sư Đặng Ngọc Báu (có sửa).
* HIỂU BIẾT THƯỜNG THỨC.
CÁCH CHỌN TRÁI CÂY (tt).
– Chuối già ngon là chuối trái không quá to. Chuối quả to là chuối già lùn không thơm. Nên lựa thứ da vàng có thâm kim. Đó là chuối già hương rất thơm.
– Xoài ngon là xoài cát xoài thơm. Xoài ngon vỏ căng vàng đều khúc đầu chín vàng mà cứng. Trên chót đuôi có chiếc mắt nhỏ là xoài hạt mỏng.