CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 01.06.2025
By Mai Hdenayun in H'MÔNG on 31 Tháng Năm, 2025
Hnub kaj 01/06/2025 (Kỷ niệm Chúa Thăng Thiên)
1. Ntsiab lus: TSWV YEXUS MUS SAUM NTUJ.
- Vajluskub: Tes Haujlwm 1:9-11.
- Nqe cim: “Thaum Yexus hais li ntawd tas, lawv tseem ntsia ntsoov Yexus, ces Vajtswv txawm coj Yexus mus saum ntuj lawm. Muaj ib tauv huab los roos nws, ces lawv tsis pom nws lawm” (Tes Haujlwm 1:9 – BHĐ).
- Twv Vajluskub: Raws ntsiab lus.
- Tus qauv: Nrhiav paub.
* TAW QHIA: Nrhiav paub.
- Caw ib tus los coj kawm tus qauv nrhiav paub (caw ua ntej 1-2 athiv). Xa lub ntsiab lus “Yexus Khetod txojkev mus saum ntuj” rau tus coj, kom nws tshawb thiab sau tej lus nug puag ncig lub ntsiab lus.
- Tus coj nug, cov kawm sib tham thiab teb.
- Xaus thiab thov Tswv.
* NTAUB NTAWV PAB.
Tswv Yexus mus saum ntuj yog ib zaj xwm txheej tseem ceeb ntawm cov ntseeg Yexus, vim tsis tsuas yog muaj ntau yam nraim nkoos xwb, tiamsis tseem yog ib feem tseem ceeb rau tus ntseeg Yexus lub chaw tiag taw. Peb los ua ke kawm feem Vajluskub hnub no ncaj rau hnub Koob Tsheej Nco Txog Tswv Yexus Mus Saum Ntuj.
Tom qab Tswv Yexus raug ntsia saum ntoo khaublig, cov thwjtim nyuaj siab heev tsis paub lub neej yuav zoo li cas? Tiamsis thaum tus Tswv sawv rov los muaj sia, lawv tau tabmeeg ntsia Nws mus rau saum ntuj, tau rov nov Nws tej lus qhuab qhia (Tes Haujlwm 1:4-5), ces lawv txawm tsis nco qab txhawj txog tej kev nyuaj siab. Nimno lawv tig siab mus rau tus uas tau tos mus rau saum ntuj lawm thiab zaum ntawm Vaj Leejtxiv sab xis. Qhov uas Tswv Yexus mus saum ntuj dhau los ua tus choj tuam rau Vajtswv thiab tibneeg. Dua ntawd, kuj ntuag peb txhua tus tias yuav tsum tau tsa muag tig siab ntsia rau saum ntuj heev dua li ntshaw tej khoom ntiajteb. Vim peb yog pejxeem qaum ntuj. Tsuas ntxiv feem Vajluskub no kuj hais nyav qhov uas Tswv Yexus mus saum ntuj li cas, Nws kuj yuav rov los li ntawd. Qhov no ib zaug ntxiv thiab tabpov rau peb txojkev cia siab yeej tsis yuam kev. Vim thaum rov los zaum ob, Nws yuav tsis los li ib tus menyuam mos los rau tibneeg. Tiamsis Nws yuav los li ib tus Vajntxwv uas muaj yeej, muaj hwjchim meej mom. Tej lus cog tseg rau kev rov qab los zaum ob ntawm Tswv Yexus yog ib qhov kev txhawb zog loj rau cov ntseeg Yexus. Niaj hnub no peb tabtom nyob rau ntu sijhawm uas mus kev nci toj, raug kev txomnyem tsim txom. Tiamsis yeej tsis txog txij twg li, vim twb ze lub sijhawm uas peb yuav tau ntsib Tswv Yexus, Nws yuav hu peb tias tus tub qhe uas ncaj ncees, siab zoo thiab tau Nws so peb tej kua muag huv si. Txojkev nplig siab, kaj siab thiab tej nqi zog muaj nqis uas tus Tswv npaj rau txhua tus ntseeg uas muab siab npuab Nws mus txog hnub kawg zoo tshaj dua li tej kev txomnyem uas peb tabtom raug thiab yuav raug. Tiamsis ntawm no kuj yog ib lub suab tsw nrov ceeb toom rau cov uas tabtom nov qab, tsaug zog rau hauv lub neej uas txiv txiv, lam nav lub tsho muaj npe tias “Tus ntseeg Yexus”. Lawv tsis nco qab tias tus Tswv yuav rov qab los txiav txim rau cov neeg ciaj thiab neeg tuag. Tswv Yexus mus saum ntuj yog ib zajxwm keeb kwm tsis tseg ntuag kom peb tig siab tig muag mus rau tus Tswv, tos Nws thiab ua lub neej daw li ntsev, ci li hnub hauv lub ntiajteb tsaus nti no. koj tabtom ua lub neej tos ntsoov tus Tswv li cas?
III. THOV VAJTSWV.
Tus Tswv, meyau ua koj tsaug uas vim koj tau mus rau saum ntuj thiab cog lus tias yuav rov qab los. Thov cia meyau txhob qaug rau lub ntiajteb, tiamsis tig siab los rau koj, ua lub neej tos ntsoov hnub uas koj rov qab los thiab ua timkhawv txog koj kom coob leej tau txais kev cawmdim.
Văn phẩm nguồn sống