CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 01.06.2025

By Mai Hdenayun in H'MÔNG on 31 Tháng Năm, 2025

Nub Kaaj 01.06.2025

1. Ntsab lus: KOOB TSHEEJ NCU TXUG TSWV YEXUS MOOG SAUM NTUJ.
2. Vaajlugkub: Tes Dlejnum 1:1-11.
3. Nqai cim: “Yexus tug kws Vaajtswv nyaum qhuav coj moog saum ntuj lawm, nwg yeej yuav rov qaab lug ib yaam nkaus le kws mej pum nwg moog ntaag” (Teg Dlejnum 1:11b).
4. Twv Vaajluskub: Hauxeyas 1-3.
5. Tug qauv: Qhuab qha.

* TAW QHIA: Saib taw qhia Hnub kaj 05.01.2025.

* NTAUB NTAWV PAB PWV.

Kevcai koob tsheej Yexus moog saum ntuj tau ua tom qaab Yexus sawv 40 nub. Pawg ntseeg kuj ua lub koob tsheej nuav ncaj rua nub tsib lossis nub athiv (Tegnum 1:1-11).

A. Lub ntsab ntawm lub koob tsheej Yexus moog saum ntuj.

1) Tswv Yexus ua tav tegnum cawmdim.

– Tswv Yexus has rua Leejtxiv: “Txiv, nwgnuav kuv nyob ntawm koj lub xubndlag; thov koj ua rua kuv tau koob meej ib yaam le thaus tseem tsis tau tsim lub nplajteb nua wb ibtxwm tau koob meej” (Yauhaas 17:3-5).

– Timthawj Paulus sau le nuav: “Tub yog vim le nuav Vajtswv txhaj tsaa Nwg ua tug luj dlua ndlais, hab tis lub npe kws zoo tshaaj tej npe huv tuabsi rua Nwg” (Filipis 2:9).

– Tug sau phoo Henplais kuj sau qha: “Thaum Nwg theej tuabneeg lub txhoj taag lawm, Nwg moog nyob sau ntuj ceebtsheej…” (Henplais 1:3).

2) Keeb chiv rua ib teg dlejnum tshab.

Tug Tswv ua tav teg num cawmdlim saum ntuj khaublig, taabsis qhov nuav tsis tau txhais tas taag, taabsis yog pib chiv ib teg dlejnum tshab. Ib tug tub txhais Vaajlugkub sau: Tug Tswv xaus dlejnum huv nplajteb, taabsis qheb ib teg num tshab saum ntuj.

“Nwg nyob tsawg ntawm Vaajtswv saab teg xws hab thov Vaajtswv paab peb” (Loo 8:34).

3) Ib tug qauv rua qhov kws Yexus Khetod yuav rov qaab lug hab Pawg Ntseeg kuj yuav tau tog moog.

Timtswv has tas tug moog sau ntuj zoo le caag, Nwg yuav rov qaab lug tuabyaam nkaus le ntawd (Tegnum 1:11b).

Timthawj Paulus kuj sau qha tas: “Nwg yuav muab peb lub cev kws tsw tswm txaj hloov kuas zoo ib yaam le Nwg lub kev kws muaj fwjchim ci ntaag ab, yog Nwg swv Nwg tug fwjchim kws ua kuas txhuam yaam nyob huv qaab nwg kev tswj fwm” (Filipis 3:21).

B. Homphaj Yexus moog sau ntuj.

1) Npaaj chaw nyob rua tug kws raug xaiv.

Tswv Yexus nplig cov thwjtim sab thaum nwg has tas, nwg yuav ncaim puab moog nrug Leejtxiv nyob hab npaaj ib lub chaw rua sau ntuj rua tug kws ntseeg Nwg (Yauhaas 14:1-3).

2) Yog Tswv Yexus tsw moog, Vaaj Ntsujplig yuav tsw lug.

Qhov kws khaiv Vaaj Ntsujplig lug ua Tswv Yexus tegnum ntxiv rua huv nplajteb, yeej nyob huv Vaajtswv Peb Leeg lub homphaj. Vem li ntawd, Tswv Yexus yuav tsum tau moog kuas Vaaj Ntsujplig tau nqeg lug (Yauhaas 7:39). Kag Tswv Yexus has:

“Tassws kuv qha qhov tseeb rua mej. Qhov kws kuv ncaim moog hov yuav muaj nuj nqes rua mej. Yog kuv tsw moog, tug kws taw qha yuav tsw lug cuag mej. Tassws yog kuv moog lawm, kuv yuav khaiv nwg lug cuag mej” (Yauhas 16:7)

3) Thov paab hab Paab has dlaws.

Timthawj Paulus sau: “Yexu Kheto kws tuag lawm hab heev dua le ntawd tub raug muab tsaa sawv huv qhov tuag rov lug, nwg nyob tsawg ntawm Vaajtswv saab teg xws hab thov Vaajtswv paab peb” (Loos 8:34).

Tug sau phoo Henplais has nyaav: “em le nuav nwg txhad muaj peevxwm cawm tau txhua tug kws lug cuag Vaajtswv huv nwg kuas dim moog ib txhws, vem nwg muaj txujsa nyob moog le txhad thov Vaajtswv paab cov tuabneeg ntawd”  (Henplais 7:25).